بس انا احب والحبٌ مابه باس

Part17

يوم الجمعه
والكل مبسوط وكعادت عائله سياف يوم الجمعه كلمهم يتجمعون
الجد سياف :اخ والله شتقنا ذي الجمعه من زمان ماتجمعنا كذا
سلمان :اي والله يحلو الجمعه واحنا كلنا مجتمعين وماحد ناقص فينا تحس انو باقي في خير في الدنيا
هتان بحزن وضيق ويطالع في اخوانه الي كل واحد عيونه تحكي الي فقلوبهم
سعود وهو يتذكر امه وابوه :ومين قال ان ماحد ناقص فينا ؟ اوه صح انتو ماحد ناقص فيكم بس حنا كلنا ناقصين لا ام ولا ابو ولا جد ولا عمام يعوضونا عن حنان ابوي الي فاقدينه من جينا على الدنياء
الجد سياف بيضيق بس خلاص معاد يبي يفتح جروح مقفله:افا ياسعود ماهقيتها منك تتكلم عني وعن عيالي ؟
سعود باندفاع :ههههه لين متى تبينا نسكت !هاذا هو العيد جاي وحنا بدون ام ولا ابو ولا فلوس ولا اكل ؟تبينا بعد نسكت لين متى ها اشوفك شايل عيال عمي سلمان وتشوفهم ملاك وحنا بطقاق حنا اذا ابوي مايبينا مين بعد يبينا ماسكينا عندكم عشان المزرعه وعشان الاشغال بس خدامين انا بروح عند خوالي والي يبي معي ياخواني يجي
الجد سياف بصراخ:سعودد قسم بالله ان طلعت من ذا الباب قسم بالله انك معاد تدخله لو على جثتي وانك تلحق ابوك اسمع !
سعود :بطقاق بطلع اصلا معاد لي مكان بذا البيت
هتان قام من مكانه ويمسك يد سعود :سعودد اجلس اجلس
سعود:انقلع من وجهي انت لو فيك خير انت كان دافعت عني بس ساكت تدافع لجدك عشان بنت العم عارفينك تشوف اخوك يحارب عشانكم وانت ساكت عشان بنات!
هتان وهو مايحس بنفسه ويعطي سعود كف :اص ولا كلمه
سعود وهو مصدوم وحس انه عطى هتان على الجرح وطلع من الباب الي كان تدمير علاقتهم والي بيفرقه عن اخوانه
هتان وعيونه تدمع :سعود سعود على الاقل بتروح وانت زعلان سعود
الجد سياف وهو يقفل الباب :الله معك
طلع سعود وهو مايدري وين يروح مايعرف بيت خواله وضايع
ويتذكر صدمته من هتان الي يمد يده عليه وهو اكبر منه
عند الحريم
مريم :البندري يمه
البندري :هلا يمه
مريم :بالله اطلعي نادي اخوك
البندري :ابشري
مريم وهي تكلم ريم والبنات :والله اشتقت لذهبه احس الدنيا فاضيه بدونها
ريما بحزن :كلنا والله
ريم بفضول :هي ليش زعلت؟
مريم وهي تغمز لها :مدري والله
ريم :الله يردهم لبعض يارب
وجد :امين
كيان:تبين تعرفين ؟
ريم :ياليت والله
كيان بضيق وحزن :ابوي خاين امي ويدعي على هتان انه يموت عشان وحده يبي يتزوجها
ريم :حلو وامك ليش زعلت وهو ماغلط عليها
كيان وهي ترفع صوتها :كل هاذا وماغلط عليه ههههه وش تبين يسوي بعد عشان ترضين انها زعلت تبينه يقتلها ؟ انتي اصلا بنت شوارع ولا ماجلستني مع مطلق بشارع وحصلك ابوك وماخذك مطلق يغطي فضيحتك ولا هو مايبيك ومصير بتطلقين وتروحين من بيتنا يابنت الشوراع
ريم بدون ماتحس وهي تعطي كف لكيان وتطلع فوق
وجد :كيان خلاص اسكتي
كيان وهي تبكي :لين متى ؟؟؟ها قولي لين متى والناس تحط الغلط في امي ؟لين متىىى
ريما :وجد اسكتي خلاص كيان تعالي
ريم بغرفتها تبكي
ريم :ليشششش ليششش انا تكلمت والله اني على نياتي ولا ودي اجرحهم
عند الرجال
البندري :طلال طلال
طلال :جاي جاي صبر
الجد سياف بصوت عالي :هتان
هتان :هلا
الجد سياف :وش يقصد سعود بالبنات؟
هتان بتوتر ويحس ان البندري تسمعه :والله لاتسالني حتى انا مصدوم
(معلمومه هتان كان يحب بنت من المواقع التواصل كان صغير وسعود كان عارف وهتان كان بيروح يقابلها بس ابوه صاده وخلاص انقطعت علاقته معها )
الجد سياف :تكلم زين
هتان :والله اني مادري
البندري وهي تسمعهم ورفعت صوتها عشان يعرف انها موجوده وسمعت كل شي:طلالللل تعال بسرعه
الجد سياف:قم شف اختك وش تبي متنح عندي الفضول بيذبحه
طلال وهو يضحك :ابشر
البندري :ساعه
طلال :وش تبين
البندري :امي ابيك الا وش السالفه ؟
طلال :بعدين اعلمك والله صار اكشن
البندري بفضول :تكلم
طلال وهو رايح :بعدين
طلال :يمه يمه
مريم :صبر ريما وانا امك قومي شفي اختك لا تخلينها تنام وهي تبكي مو زين
طلال :مين الي تبكي عسى ماشر وش صاير بعد ؟
مريم :تعال يمه
طلال :شسالفه
مريم وهي ماسكه راسها :اخ يايمه عيال عبدالرحمن حنو لبوهم وامهم وريم استفزتهن بالكلام وكيان عاد غلطت على ريم وريم عطتها كف وكيان بنتي جلست تبكي
طلال وهو مقهور :افا افاااا مين ذي الي تغلط على بنات عمي تحمد ربي ذي الريم احط ضفها وفوقها تغلط على البنات
طلال قام بيروح ينادي مطلق
مريم :وين رايح ؟
طلال :انادي عمي مطلق
مريم :لا لا وانا امك
طلال ماسمعها دخل المجلس على الرجال :ياجدي
الجد سياف:سم
طلال :بنت الشوارع ضفيناها خايفين من ابوها يقتلها بس بنت ابوها تغلط على حفيداتك وتمد يدها عليهن
هتان وهو مصدوم ويدعي انهن ماهن اخوانها :منهن؟
الجد سياف :افا ياذا العلم
مطلق وهو يكره احد يمد يده على بنات اخوانها وقام داخل
الجد سياف:الحقوه بيقتلها المجنون ذا
هتان :والله وهي تبيه يقتلها بعد
مطلق وهو مايشوف من كثر العصبيه وده يقتلها :ريمممم ريممم وينها
مريم :علامك
مطلق :وينها ومدت يدها على مين
مريم :ياولدي انت اول شي صلى على النبي
مطلق :مريم وينها ومدت يدها على مين وجد وين خواتك؟
وجد وهي حليفها ودموعها في عيونها :غلطت على اممي ويوم تكلمت كيان عطتها كف
طلع مطلق والكل يدعي انها مايطلع عندها
كيان وهي تبكي بصوت عالي وتشاهق دق الباب وهي تمسح دموعها :مين
مطلق :افتحي وانا عمس
كيان وهي تفتح الباب وتطيح على حضن مطلق وتشاهق
مطلق :والله اكسر يدها وانا عمس اوريس فيها
كيان وهي تتكلم ويتقطع صوتها :غلطت على امي يامطلق والله هي تحرشت من اول تعرفني ماسوي كذا الا اذا احد غلط
مطلق :اعرفك والله اني اعرفك
كيان :امانه لا تمد يدك عليها ياعمي امانه خلها
مطلق وهو يتذكرها :ابشري
وطلع الغرفه حقهم
ريم فوق وهي تدعي انه مايجي لنو حرفيا بتطيح بالارض من الخوف
دق الباب
ريم بخوف :مين
مطلق بصوت يخوف :افتحي
ريم :ليش
مطلق :افتحيييي اقولك
فتحت ريم وهي تبكي
مطلق وهو يمسك يدها :هاذا اليد الي عطيت كيان كف فيها ؟
ريم وهي تبكي وعيونها حمرا :والله اني مديتها بالغلط ولا ودي اني اعطيها كف والله اني احبهم واعزهم بس والله قالت لي كلام ماتمناه لعدوي
مطلق بصراخ :وش قالت ها ؟
ريم انهارت :تقول اني بنت شوارع وابوي مايبيني
مطلق :وماغلطت كل شي قالته صدق
ريم وهي تحاول تبعد يدها من كثر ماتوجعها :فكي يدي
مطلق :اكسره لك بعد اذا سمعت احد يقول مدت يدها على احد
ريم بصراخ :فكها ولا يكثر
مطلق :تكلمي معي زين
ريم وهي تبكي :فك يدي اقولك فك فك فك
مطلق وهو مصدوم وفك يدها
ريم وهي تضرب صدره :رجعني عند ابوي انت متزوجني اصلا عشان تذلني وتحسسني اني طرطوره
مطلق :واحد قايل  اني متزوجك عشاني احبك ؟
ريم :اطلع من الغرفه
طلع مطلق من الغرفه
هتان ترك كل شي وطلع يدور سعود :ذا وين راح ياربي
دق جوال هتان :الو
تركي :وينك
هتان :طلعت ادور لسعود
تركي :تمام
سعود وهو يمشي ومايحس بنفسه ابدا ويشوف كل شي اسود بس مصمم بعد يمشي 
طلع سعود على الشارع العام ويمشي وهو دايخ
والسيارت تدق بوري وكل سياره اسرع من الثانيه
رجالل :ياولد ياهو امش بسرعه امش
هتان وهو يشوف سعود في الطريق العام والسيارت مسرعه ويصرخ باسمه
هتان :سعودد سعودددد
ويرفع يده هتان يبي يوقفهم :ياربي لا ياربي
ومايشوف هتان الا وسعود طاير في اخر الشارع وكله دم والناس تدق بوري وهو يحس بشي يحترق في صدره من كثر بشاعه المنظر ويسمع الناس يقولون هرب هرب الحقوه لا تخلونه يروح الحقوه
والشارع كله وقف والي راحو يلحقون الي صدم سعود
الشايب وهو يدق هتان بكتفه :ياولدي تعرفه
هتان :هاا وشش
الشايب :تعرف المدعوس ؟
هتان وهو ينفجر يبكي :اخويييي اخويييي سعوددد
ويقطع الشارع بسرعه ويروح عند سعود وينزل عنده يبكيي ويصرخ سعود تسمعني سعود امانه لا تخليني لاتروح وانت زعلان مني سعود
دقو على الاسعاف دقووو
وماهي الا دقايق وتجي الاسعاف ويركب معهم هتان ويدعي انه مايصير الي في باله
الدكتور :عنده ملف عندنا ؟
هتان :اي
الدكتور :وش اسم المريض
هتان سعود عبدالرحمن سياف ال طناف
الدكتور:تمام
وبعد اربع ساعات محاوله في انعاش القلب وكل مره يفقدون الامل من انعاش القلب بس يحاولون
الدكتور :حاولو اخر مره
واحد من الاطباء:معاد فيه امل خلاص
الدكتور وهو يصرخ :حاولو من جديد
طلع الدكتور عند هتان الي حالته ترثى له وطايح بالارض يبكي رفعه الدكتور:اسمع ياخوي الحياه كلها موت والله ماياخذ الا الطيب
هتان بصراخ :لا لا لا لا سعوددددد
الدكتور:سعود عطاك عمره
هتان وهو يضم الدكتور وينفجر :سعودد سعوددد لا ياسعود لا ياخوي لاتروح وانت زعلان مني سعود ياعضيدي لاتروح لاتروح ياخوي وللله اني بدونك ولا شي سعود امانه لاتروح
الدكتور وهو يبكي مع هتان وعرف انه كانو زعلانين من بعض وتذكر كلام سعود اول مادخلوه (قلو ققلو لهتان يسامحني والله اني احبه )
الدكتور :سعود مسامحك والله سعود قدر ينطق الشهاده
هتان :وش قال عني يادكتور امانه
الدكتور اخوك قال قولو لهتان يسامحني والله اني احبه
هتان وهو ينفجر يشاهق :والله انييي احبك ياسعوددد تعاللل سعود
بارت خفيف لطيف عشان حبايبي الي يبوني اكمل 🤍🤍🤍
كاتبتكم جنان ال طناف 🥹💖💖
لا تنسون النجوم حبايبي