لالي ذنب ولا انت عاصي

12

في المستشفى
صحيت عاليه بفجعه لفت يمين يسار ما شافت احد لا امها ولا وابوها ولا مازن ابعدت المغذيه وقامت بصدمه وراحت تغسل وجهها ثم ناظرت المراية تشوف شكلها لاحظت انها لابسه عبايتها و رجعت على كرسي وقالت في نفسها [بسم الله الرحمن الرحيم توني كنت ببيت جدي شوداني المستشفى وكمان أخر الليله يمهه ليكون صار شي وانا مدري] دخلت عليها امها :يمه عاليه قمتي
عاليه:ايي يمه قمت ليه صار شيء
ام عاليه بدموع: صار لك ضيق بتنفس ..وحظنتها
عاليه :خلاص يمه خلاص انا الحمدلله بخير باتم صحه بس وقفي دموعك
وقفت ام عاليه وتمسح دموعها :لولي ليكون كنتي تتألمين ولا تعلمنا
عاليه:لا لا يمه والله كنت تمام حطت راسي على مخد ونمت بـ {تذكرت شيء بس ما حبت تخوف امها وحطت على جنب }بـ بسرعه
ام عاليه: الحمدلله ي رب لك الحمد والشكر
دخل بو مازن و مازن متوجهين لـ عاليه يتحمدون لها بسلام وكان جايب لها شبسات و عصيرات اخذ مازن كيسه وجلس على كرسي كان جنبه اما بو مازن طلع يكلم بو متعب عن حال عاليه لف مازن لـ عاليه:بت وش فيك مقلوب وجهك
تذكرت عاليه شيء :اقول مازن معك سيارتك
مازن بستغراب :ايي ليه ؟؟
عاليه :بنروح انا وانت مكان ونرجع
مازن : علميني ونروح
عاليه:لا قبل نروح واعلمك
مازن:اقولك علميني
عاليه:ترا بعلم ابوي
مازن: ابوي مستحيل يوافق وانتي بذا الحال
عاليه: و اذا وافق
مازن:لك الي تبين
وبسرعة:تم وتعال معي عشان اذا قلته عشان تكون شاهد عشان بعدين لا تقول لا ولاي فهمت
مازن بثقة:تم
اخذت طرحتها و طلعت شافت ابوها يكلم قربت منه وقالت:يبه
بو مازن:هلا
عاليه:بطلبك طلب
بو مازن بستغراب:امري
عاليه:ما يامر عليك ظالم بس ابي مازن يوديني مكتبه
بو مازن:لا
عاليه بتمثيل الحزن :لــيه ؟؟
بو مازن:انتي ما تشوفين حالتك اكتبها له وهو يجيبها
عاليه:بس انا ابـ..
بو مازن بإصرار: ما بتروحين بعد شوي بيسون لك فحص اجلسي واكتبها له وهو يجيبها
عاليه بعبوس:طـيب
بو مازن:كم تبين
عاليه:1000
ناظرها بصدمه بس ما يبغى يكسرها :طيب
ناظرته عاليه بفرح و اعطاها وراحت مسرعه عند مازن :مازن ابوي رفض بس اعطاني فلوس قال خذي منها الي تبين
مازن بنظرات أنتصار:شفتي طيب وش تبين و كم اعطاك ابوي
عاليه بكيد :اعـطـاني 1000﷼ و ابي اشتري منها ألوان زيتية 15 و اكريكليك 19 و جيب لي فرش الرسم و 9 كراسات من أقلام فحم 2 و بـ 300 لوحات لوحات وبس و الباقي الباقي ردها
مازن بصدمه :وشوو الف لا تمزحين
عاليه : شـوف {وهي تفرك الفلوس باصابعها }
مازن :طيب شوفي لمصلحتك اشتري بـ500و الباقي خزنيها
عاليه بتفكير :والله شكلك صادق ...طيب خلاص {وسحبت 500 و اعطته 500}
مازن وهو يناظر الفلوس الي اخذتها :سلفيني و بردها لك
عاليه:اممم لا
مازن :تكفين والله الي يشوف حصالتك يقول مليونيرة
عاليه:لا
مازن:على الأقل اعطيني 50
عاليه:تم
ابتسم مازن بفرح و اخذ الفلوس و طلع و عاليه راحت عشان تسوي تحليل
.........••.........
في بيت بو فراس
كانوا اخوات بو فراس متجمعين في صاله و البناات بعيدين عنهم شويي
العمه بدريه {ام نايف}:اقول ي نوير وش رايك بـ بشاير بنت اختك فاطمه
ام فراس: والله ي بدريه ماذا اقول ماذا اخلي البنت زين وكاملة والكامل الله
العمه بدريه:والله إنك صادقه شفتها تشتغل معاكم البارح و ما تقصر و ماشاءالله تبارك الرحمن البنت مزيونه يوم شفته ما بغيت ابعد عيني ، شوفي ي ام فراس انا فكرت اني اخطبها لولدي نايف قلت أسألك عنها لانك خالتها تعرفين عنها
ابتسمت ام فراس: شوفي اذا انك اخذتي برايي والله ما تلقين افضل لـ نايف و أحسن منها البنت ي بدريه تحب نظافة ........
وبدات ام فراس بوصف بشاير لـ ام نايف لانها تشوف بشاير مناسبه لـ نايف ليش لان بشاير رزينه و عاقلة و تختار القرارات الصح في وقت صعوبات و مزيونه اما نايف فـ له هيبه و صارم صعب المزاج بس قلبه رهيف مزاجه متقلب شوي وانه يضحك معك و شوي وانه مو معطيك وجه بس معه شخصية ما يعرفها الا فراس واخوانه يصبر شخص ثاااااني
..........••........
عند البنات الي في المطبخ يسولفون ويضحكون ولا همهم احد نسيو ان في ضيوف عندهم مره يهبدون بعض ومره يجلسون ، ما هي الا دقايق و تدخل عليهم سهى
سهى :يعع وش مجمعكم في المطبخ
قامت حمده: و انتي وش دخلك
سهى : وانتي وين طرحتك متشوفين في باب ثاني في المطبخ يمكن يدخل عليكم رجال وانتي بدرن طرحه
حمده :هيي يهوهه وانتي شدخلك في بنات الناس روحي اقول توكلي نسيتي من مسح بك البلاط البارح
عصبت سهى : هذا شيء يخصني ،تجاهلتها حمده وكانت بتجلس بس عصبت سهى من اسلوبها معاها مسكتها بكتفها ودفتهل على صحن فناجيل ،طاحت حمده و انجرحت يدها من القزاز و نجرح خدها صاحوا البنات يوم شافوا دم في ثيابها و يدها دخلت ام فراس و ام نايف و ام محمد {هذي اخت ام نايف و بو فراس }و انصدموا
تصيح حمده و تبكي من شدت الألم حاولوا يطلعون القزاز بس ما قدروا من عمقه فـ يدها ناظرت ام فراس سهى بنظره حاده و طلعت ان فراس للديوانيه عشان تنادي واحد من العيال ،دخل عليهم بسرعه و بخوف :ألحقني ي بو فراس
فز بو فراس و سعد و نايف :علامك ي مره
تاظرت ام فراس لـ سعد ثم بو فراس: في بنت زلقت وطاحت على قزاز و يدها تنزف
بو فراس بخوف : ي سعد هاك المفتاح و ودها المستشفى
سعد :ابشر يبه
اخذ سعد المفتاح و راح يشغل السيارة و ام فراس راحت تاخذ عبايتها و اخذت عبايت مناير لـ حمده و غصباً قدروا يلبسونه و سهى تناظرهم بقرف لفت لها ام فراس :حسابك معي اذا رجعت
تشمق فيها سهى وراحت لغرفتها وهي تهز و تغني ولا همها الي سوته
...........••.........,
عند عاليه الي انتهت من تحاليل وتوجهت هي و امها و ابوها لـ حديقة كانت قريبه للمستشفى ، جلست عاليه و امها وراح بو مازن عشان يجيب أكل و مريه من بقاله كانت في الحديقه
ام عاليه ؛وش قلتي لـ مازن يجيب لك
عاليه:ألوان و لوحات و فرش
ام عاليه:ي بنتي ما كفتك الوحات الي معبيتها غرفتك
عاليه:يمه تدرين اني اعشق شيء اسمه رسم صح
ام عاليه:ايي ي بنتي بس رسموماتك أغلبها خيل يعنى حاولي تغيرين شوي ارسمي زهور او فواكه على الأقل تستثمرين منها اقول ي ليتك وافقتي على عرض المتحف
عاليه:انا من كثر حبي لـ وبال و للفروسيه ارسمها
ام عاليه ؛طيب ي بنتي بس شدي حيلك في دراستك هي الأهم
عاليه:ان شاءالله
ام عاليه:شوفي بعلمك من ذلحين ترا الليلة زواج عزيزه تروحين معنا ولا لا
لفت عاليه :امااا زواج عـزيزه الليلة اكـيـد بروح
ام عاليه:طيب اخذتي فساتين معاك
عاليه بعبوس :لا والله ما معي شي الا بناطيل
ام عاليه:طيب خلاص بنمر بعد شوي عشان نشري لك
عاليه ببتسامه:تــم
دخل مازن عليهم بتعب وحط رأسه على رجول امه :يمهه تكفين لا تزوجيني اذا كانت حرمتي بتطلع مثل عاليه فما ابغى اتزوج
عاليه:لـيه ان شاء الله وش سويت لك
ام عاليه: الله يعينك عليها هاذي اختك الوحيدة
مازن :بس هي بخيله علي و انا مسكين اصدق
عاليه:صدقني انك شيطان على وجه أنسان
سمعهم عليهم بو مازن وهو جايهم بأكياس أكل فز مازن يمسكها عنه و فرشوا و هم يسولفون ويضحكون
................••................
عند ام نايف الي بعد المصبيه الي صارت راحت بيتها
و تتعوذ بالله من امثال ذيك المره [قصدها سهى]
شافت يجهز نفسه عشان بيطلع لـ بو فراس يجهزون المخيم مسكت نايف وهي صامله تزوج ولدها
ام نايف:نايف انت تدري ان ما بقعد عايشه لك يمه وانا ابيك تكمل دينك وشوفك معرس و اشوف عيالك و احظنهم و ابوسهم
نايف :لا يمه الله يطول بعمرك ويخليك قرة عين لي ابشري يمه الي تبين بيصير و انا لي فتره افكر اعرس
ام نايف بفرح:قول والله ليش ما قلت لي و انا اصلاً لقيت لك عروس مزيونه كل البنات الي في سنها يغارون منها
نايف :يمه حبيبتي تدرين اني ما يهمني الزين واصلاً الزين موجود معي 24 ساعة
ام نايف :فديتك نيوفي بس انت صادق انك تبي تتزوج لان ما إبي أجبرك
نايف:لا يمه والله صادق بس دوري لي عروس ما ابيها زين ابيها اخلااااق هذا مهم عندي عاد الزين كل البنات مزيونات و أولهم انتي ي ميمتي
ضربته امه بخفه : زوتها ترا روح ساعد عيال خالك بسرعه
نايف :هبشري
بغت تروح بس رجعت لـ نايف :اقول ي نايف اش صار البارح بين خالك و فراس سمعتهم يتخاصمون
نايف : ولا شيء يمه البارح كنا نلعب بلوت مع خالي و نسولف و جبنا طاري زواج فـ خالي حاول يقنع فراس بس فراس رافض فكرت الزواج و دخل الشيطان بينهم
ام نايف :الله يهدي فراس المفروض انه تزوج من زمان و معه عيال
نايف: يمه فراس غير فراس في شيء متغير فيه و انا خايف من هذا التغير
ام نايف :الله يهديه و يرزقه
اخذ نايف علبة مويه و مر امه باس راسها و طلع لـ بو فراس عشان يجهزون المخيم للعرس
..........••.........
في المستشفى
كانت حمده تحاول قد ما تقدر ما تصيح من يدها الي تنزف بشده و ام فراس الي تهديها كل ما حست انها بتبكي اما سعد ينتظرهم في الممرات ....واخيراً طلعت القزازه من يد وعقموها ولفوا عليها تركوها تستريح شوي ثم طلعوا لقيو سعد في انتظارهم و جايب معاه علب مويه
ام فراس: سعد انتظرتي هنا بروح اجيب شنطتي و اجي
سعد : خذي راحتس يمه
راحت ام فراس تجيب شنطتها ما بقي غير سعد و حمده لفت حمده لـ سعد :اسمع ي سعد شوف لك حل مع حرمتك ولا والله العظيم اني لخليها تحفر قبرها بيدها
انصدم سعد من جرائتها و نظراتها له الحاده : قولي لي شسالفه و ما لك الا الي يرضيك
قالت له حمده السالفه لع بتفصيل وبدون لف او دوران وبسرعه عشان لا تجي ام فراس وهي تكلم ولدها
انصدم سعد صدمة عمره يوم قالت له السالفه ومن تهور سهى والي بسبب تهور كانت بتقتل نفس ،مسك على اعصابه حتى يوصل البيت
...........••...........
في البيت بو فراس
كانت هناء و مناير يجهزون البيت لان العرس بيكون فـ البيت ،،اما هناء مجهزه خيزرانتها الي مربوها لها على خصرها عشان اذا لمحة بسس لمحه لـ قمر او فيصل او رائد تطبعها على ظهره و مناير الي من الصاله الا مقلط من المقلط الى المطبخ مره تجهز ملابس اخوانها و مره تشوف هناء وش تسوي لا تسوي مصيبه في البزران
بشاير الي استلمت مجلس الرجال تنظيف بعد ما طلعوا الرجاجيل وتبخره بعد ما تخلص
اما غدي و نوف كانوا يجهزون عزيزه و غدي الميك اب و نوف الشعر واستلموها
و ام بشاير و ام حمده و ام نايف الي مره يهدون ام حمده لا تقوم على سهى و مره يجهزون مع البنات ،،جت ام فراس وهي تساعد حمده تنزل ودخلوا البيت وعلى طول ام حمده شافت بنتها راحت تحظنها و تبوسها و تتوعد لـ سهى مايكون هلاكها الا بيدها ،شافت ام فراس ان سعد معصب بس سحبته و طلعت به برا و حاولت تهديه و تفهمه ينتظر حتى ينتهي العرس
خلصوا البنت و راحوا يجهزون نفوسهم لـ لأجمل ليله في حيـاتهم
.........••.......
عند بو مازن
وصلوا بيتهم الساعه 9:30 و اخذتها عاليه نومه الا 12:00 صحتها امها تتجهز لانهم بينزلون بدري عند عايلة بو فراس ، قامت عاليه بكسل و راحت تأخذ لها شور عميق بس ما طلعها الا صوت امها وهي تخاصم على المويه ،جففت شعرها و استشورته و فيرته اخذت ميك اب جعل من فاتنه اخذت لها اساور و خاتم ،تصورت سيلفي عشان ترسلها للبنات وتذكرت فراس و ايامها الي قظتها معاه اخذت نفس واخذت عبايتها و طلعت لأمها شافتها تلبس سلسالها
عاليه :يمه بسألك سؤال
ام عاليه : تكلمي
عاليه:يمه عيال عمي حسين تزوجوا
ام عاليه بستخراب:لـيه!؟
عاليه بتوتر :بس سؤال
ام عاليه: تزوج سعد و حامد و حمد و ماشاء الله حمد عنده ولدين وبنت و ثامر عنده ولد وبنت
عاليه وهي تتثئب :طيب يمه ليش نروح بدري لهم ليش ما ننتظر لـ بعد المغرب ونروح
ضربت ام عاليه بخفه على كتف عاليه : بس خلاص شبعتي نوم و ترا هذولاء جيرانا ولازم نروح نساعدهم
ناظرت امها بعبوس ثم ناظرت مرايا تشوف شكلهاا
ام عاليه:يلا بنروح
عاليه:يلااا
...........••.........
في مخيم العرس
كان بو فراس معصب لأخر شيء واصله معاه ،والكل عيال بو فراس ما يقصرون بس فراس ما كان موجود ولحظ بو فراس انه مو موجود :ي سعد وين اخوك رخمه
سعد :يمكن عند ناقته يبه
بو فراس:ذلحين في ذا الوقت يروح
نايف:ي خال انا بروح اناديه
بو فراس:الله لا يهينك
راح نايف للعزبه ومسرع ، وصل و شاف فراس يبوس ناقته
نايف: فراس انت في عقلك ولا لا الناس تجهز لزواج و انت تبوس ناقه
فراس : اش اسوي ي نايف احبهااا اموتت في مقدر اخلي يوم يروح وانا ما حضنتها
نايف بمزح؛ما بقي الا تتزوجها هههههههههههههههههه
فراس :ههههههههههههههه ي ليت
نايف: اقولللل ي لا ابوك بيذبح بس روح معي عشان اكون لك واسطه
فراس:ي رجال ما بتنفه انت اذا هزك ابويي بتقول امسكه لك ي خال ههههههههههههههههههههههههههههههههههههههههههههههه
نايف:يلا يلاا لا تورطني معك
فراس :يلا
يتبع 🩶.....
فضلًا وليس امراً ضع ⭐️
لمعرفة موعد نزول البارتات الجايه تابعوني على حسابي بالانستا nn_wrhh