لالي ذنب ولا انت عاصي

28

بو مازن وهو يضحك :خلاص خلاص اسف
مازن الي مره يكح ومره يضحك :سلمتي
عاليه بنظرات خجل: ايي سلمت
مازن:الله و اكبر اكيد في احد داعي عليك مع الصباح ههههههههههههههههههههههههههههههههههههههههههههه
عاليه:مــازن خلاص
بو مازن:ي ..ي مازن خلاص
ام عاليه:تركي خلاص
بو مازن:وش سويت انا بففـههههههههههههههههههههه
ام عاليه:تـركي
بو مازن:خلاص طيب
ام عاليه:متى بينتهي حفلكم
عاليه:يمكن 12 ليه يمه ما بتجين
ام عاليه: لا بجي كيف ما اجي و انا بكون اول الحاضرين
بو مازن :عاليه للمرة الاخيره تبين تدخلين الجامعه ترا انا بكون داعم عادي واذا كنتي تبين خارج المملكة عادي نروح الخارج
عاليه:لا يبه معد أبي اكمل بعد ما نخلص من هذا الحفل نروح الديره ما امداني ذيك الاسبوعين الي راح اركب فوق وبال
بو مازن:تبين وبال بشتري لك غير وبال وتدرسين الجامعة
سكتت عاليه والكل بستغراب ، اما عاليه فكانت متعجبه ليه ابوها يبيها تدخل الجامعه وبقوه :يبه انا ما لي نيه اكمل دراستي و ثاني شيء ما ابي غير وبال وانت تدري ان من طفولتي وإنا متعوده على وبال وما أركب غيره
بو مازن : بس ي بنتي افضل لك تكملين دراستك ترا هذي الأيام معد ينفع الا العلم
أبتسمت عاليه:ابشر يبه بفكر و اقول لك
قام بو مازن بعد ما شرب عصيره و حضن عاليه بحنان :ترا والله ما أقلُك هذا الا عشان مصلحتك انت تدرين صح
بادلته عاليه الحضن :ادري يبه و انا واثقه فيك حبيبي ي يبه
باسها بو مازن بـ جبهتها و اخذ الجواله و راحوهو يفكر كيف يلغي من راس ابوه فكرت زواج عاليه
.........••.........
في المستشفى
كانت عزيزه صاحية من صلاة الفجر وعيونها حمراء آخذ الهواجيس بها الا ان دخل بو فراس وسعد و سلموا عليها و جلس بو فراس جنبها و أسندت عزيزه راسها على كتفهو نزلت دموعها بس بو فراس مسح دموعها و مسك كتفها:عزيزه لا تبكين حبيبتي و انا اطلب منك إنك سامحيني ي بنتي سامحيني ما قدرنا نتواصل معك من بدري غفلنا عنس بس كنا نحسب ان ناصر قد مسؤولية بس خذلانا و كسر ثقتنا فيه بس حكمُ عليه
نظرته عزيزه: مسموح يبه مسحموح يا عسى الدنيا فداك ي يبا ..بأيش يبه حكمُ على ناصر
بو فراس:حكم عليـ..
قاطع دخولهم حمد و الشرطه وناصر ،قام بو فراس بعيون حاده و طاير منها شرر مسك كتفه حمد :بــسـرعـه
اما عزيزه كانت في حالة صدمه من قاعده تشوف قدامها ،حمد يدخل ناصر عليها كانت بتقوم بس ما قدرت من الاصابة رجع نظرها لـ حمد : حمد ليش تدخله طلـع انا ما ابي اشوف وجهه [ثم لفت وجهها لـ ناصر]وأنت كيف باقي لك وجه تقابلني بعد الي سويته فيني هاهه ي ياخيي كرهتني عيشتي دمرتني عيشتني في ظلام و ياليت الارض انشقت وبلعتني ولا تزوجتك ي ناصر الله ينصرني فيك ي حقير ي عديم انسانيه اطلع ما ابي اشوفك [ثم نزلت دموعها ] انت كريه كريــه ياليتك على اسمك بس
لف ناصر لـ حمد:ابي اتكلم معها بنفراد ما بطول
طلع حمد وترك عزيزه و ناصر على انفراد ،قرب ناصر توقع عزيزه انه بيسوي فيها شيء على طول قرب رجعت على ورا بس ركع وما رفع راسه كان منزله :سامحني ي عزيزه سامحني أدري اني كسرتك ومديت يدي عليك و ما اعطيتك حقك كـ زوجة صالحة وحرمتك من اهلك بس ابي منك شيء قبل لا أروح انك تسامحني فـ المسامح كريم قال تعالى (وَجَزَاءُ سَيِّئَةٍ سَيِّئَةٌ مِّثْلُهَا ۖ فَمَنْ عَفَا وَأَصْلَحَ فَأَجْرُهُ عَلَى اللَّهِ ۚ إِنَّهُ لَا يُحِبُّ الظَّالِمِينَ) صدق الله العظيم لا أكثر ولا أقل
ناظرته عزيزه وهي مو فاهمه وش يقصد: الحين ي ناصر الحين يوم نشرت الصحف و المجلات بس انك بياخذونك السجن ليش تقول هذا الكلام
ناصر بهدوء : لا انا تم الحكم بالإعدام لاني قتلت أثنين من رجال الشرطة
ما توقعت عزيزه ابد ان ناصر بينعدم ، عزيزه وهي تناظره بحزن : ناصر ارفع راسك
ما رد ناصر ،عزيزه:نـاصر ارفع راسك[رفع ناصر راسه ] انت ي ناصر تحسب المواقف الي حطيتني فيها بسيطه هاهه تشوفها بسيطه انت ما قصرت ابد عنفتني جسدياً و نفسيًا واهانتي قدام الله وخلق و أطلقت علي النار و تجي الحين عشان أسامحك تبيني بعد الي سوته فيني اصدقك هاهه انت سوت كذا عشان رغبه ي ناصر انت ما عندك عقل
كان بأين عليه تأنيب الضمير قام من مكانه و حضن عزيزه من دون ما يحس ما توقعت عزيزه انه يحضنها بس ما تبي تشفق عليه او تحزن تبيه بس يبتعد عنها نهائيًا
ناصر:ادري ي عزيزه الي سويته معك مو بهين بس والله العظيم اني مكان قصدي توصل لـذا درجة بس تكفين سامحيني تكفين
عزيزه :الله يسامحك ي ناصر الله يسامحك دنيا و اخره
نزلت دمعت ناصر بس مسحها بسرعه و قام و ما قدر يحط عينه بعيون عزيزه:معسلامه ي عزيزه وإن شاء الله توصلك بعد شوي ورقة الطلاق و إن شاء الله يرزقك ربي بشخص أفضل مني
عزيزه:معسلامه ي ناصر
..............••............
في الديره
فراس الي ما نام ولا رف له جفن يتصل على اخوانه و ابوه ما يردون
واخيراً رد سعد :خـيـر ان شاء الله ادق ما تردون
سعد :ياخي كنا مشاغيل وش تبي انت هاهه
فراس:وين أنتم
كان بيرد سعد بس سحب الجوال منه بو فراس:وش تبي ي فراس
فراس:ولا شيء يبه كنت بسأل وين راحوا لانهم بالامس قالوا بيرجعون بالمغرب ولا رجعوا فـ خفت عليهم
بو فراس:لا لا هم معي واحنا الحين ناخذ بضاعة في الرياض ..شوي و ندق عليك
قفل بو فراس الخط
بعد ما رد عليه ابوه ارتاح شوي بس الي مستغرب منه انهم كلهم راحوا الرياض عشان بضاعة طنش و راح افطر واخذ شماغه و راح العزبه
اما ام فراس و بناتها و زوجات اولادها كانوا على الفطور ،فيهم الي كان حامل بقلبه وفيهم الي يخطط قمر و فيصل و رائد كانوا مزكمين و هناء تضحك عليهم و هم يناظرون و يتوعدون فيها قبل فراس تخشمقت فيهم
فيصل بطرف عين :خير ي عمه هناء وش يضحكك مع صباح
هناء :وانت وش دخل كل و قم
ضربتها قمر بخفه:المفروض تكونين سند لنا و توقفين جنبنا ي حساافه
هناء:هههههههههه متى انا كنت سند انا يالله اني اسند نفسي [وهي تأشر بيدها ] كلُ من ذا الخبيزات و قموا
رائد :ياااخي كوني مثل اي عمه كوني حنونه مو جنيه
هناء:احب اكون جنيه على اني احن على امثالكم 
العيال: يليق عليك
ناظرتهم هناء بتعجب و الكل يضحكون عليهم وعلى مناقرتهم
هناء :هين هين اوريكم انا
..........••.........
في المدرسة
الكل كان مجهزين كل شيء و المعلمات جهزوا توزيعاتهم و الخريجات كانوا مستلمين المرايات و الميك اب والي تجهز عبايتها والي تفير شعرها كان الجوا مليان حيويه كانوا فرحانين بس بنفس الوقت حزينين بس دخول عاليه افزعهم :بـنااااااااااااات
البنات :اش فيـك /بسم الله/يمه خفت
عـاليه: احمم احمم ي بنات عندي لكم مفاجأة بس ..استنوا
سكرت الباب بالطاولات
عاليه: بنات اسمعوني زين ،صح اليوم آخر يوم لنا في ذا المدرسة وكلنا بنفترق ويمكن نلتقي ويمكن لا الله اعلم وش كاتبه لنا الايام بس الاخلاصه نبي يكون لنا بصمه في ذي المدرسة وانا عن نفسي حالفه ما اطلع الين احط اعمق و اكتبر ذكرى
لفوا البنات على بعض و جوا صحباتي عاليه و حضنوها ،حلا : بنت شكلك نسيتي ان عندك صحباتي يشتاقون
شهد:لا ي بنت نساها الحبيب
صار وجه عاليه احمر : ايي حبيب ،عيبب معنديش حبيب
نيلان :ايي معندك واضح واضح
عاليه بخجل :بناتتت تكفون
ضربت حلا نيلان:بت اصه
نيلان: اخخ ترا توجع
شهد :المهم وين بنحط بصمتنا الخاصه
عاليه:بسيطه ورا المدرسة
ناظروها البنات :من جدك
عاليه:ليه مكان جد حلو و معزول ولا احد بيفكر يروح هناك
نيلان :طيب جبتي
عاليه ببتسامه:ايي جبت كثير
شهد :حتى انا جبت
حلا :كفو انتي و هيه يلا نروح قبل لا يبدأ الحفل
راحوا البنات ورا المدرسة وهم يتسابقون عشان مين الي تبخ بـ[البخاخات ألوان] على جدار المدرسة ،شخبطوا و لعبوا كتبوا اسمائهم وهي يكرهون سبوهم ويوم خلصوا ترجعوا لورا عشان يشوفون نتيجه
خلتهم شهد ورجعت بدس تأخذ بخاخ ثلج و بخت عليهم من ورا وهم وهم يصيحون ثم هجوا على و اخذوا باقي البخاخات و نسيوا ان في حفل وهم يجرون و يلعبون حتى وصلوا و دخلوا المدرسة وهم يضحكون بس انصدموا بوجود الأمهات و المعلمات يوزعون هداياهم
مشوا وهم منزلين رؤسهم و يضحكون و منحرجين من اشكالهم الي تضحك و المديره تراقبهم وهي مبتسمه على شكلهم وصداقتهم الحلو توجعت للمعلمه الي كانت توزع الشهادات وقالت لها انها تبي تقدم تهادات خاصه اخذت المايك :السلام عليكم ورحمة الله وبركاته اليوم يوم مهم لطالباتنا وانا جداً فخورة بوجود طالبات ذكيات و مجتهدات بس ابي أكرم طالبات هم جدأً لهم تأثير في ذي المدرسة والي هم الطالبه نيلان و الطالبه حلا و الطالبه عاليه و الطالبه شهد ممكن تتقدمون تستلمون هداياكم
قاموا البنات وهم بكامل فرحتهم وتوجهوا للمديره و اعطت نيلان و حضنتها و همست بأذنها: هاهه ريحي اهلك من المشاكل
ضحكت نيلان و اخذت هديتها وراحت
وجاء دور حلا و همست بأذنها زي نيلان : بنت كوني مطيعه لأمك و ترا غطيت على فضايحك و جبت من كيسي
ردت عليها حلا:ما تقصرين
ضحكت المديرة و دفت حلا بمزح، و جاء دور عاليه اعطتها شهادتها و دفتها بمزح : اذلفي ي طعسه
عاليه:حرامم عليككك
ثم جاء  دور شهد اعطتها شهاده و قالت : شهد ادري ان ظروفك صعبه بس لا توقفين و اذا احتجتيني بس اتصلي بدون تفكير وترا اذا بدك تدخلي الجامعه قولي لي ادخلك فضل جامعه بس لا توقفي خليني افتخر اني درست طالبه مثلك
ابتسمت شهد :طيب ي استاذه و راحت و رجعوا البنات و رجعت المديرة المايك للمعلمه الي كان معها المايك و كملُ الحفل بكل حماس وضحك و فرحه بس عاليه كانت حاسه بكتمه شويي و تحاول تمسك نفسها لاخر الحفل و فعلًا قدرت تمسك نفسها حتى جت امها و اخذتها و طلعت برا عن السيارة شافت ابوها و مازن ينتظرونها بحماس و يوم وصله عندها كل واحد فيهم طلع وردته و مازن استلم عاليه و بو مازن بالبخاخ الثلج
و بو مازن مو مقصر كمان هو معه بخاخ يبخ على مازن وخلصت ركبوا السيارة وهم مبسوطين ويضحكون ،كان هذا اليوم بنسبة لـ عاليه رائع وكل ما مر دقيقة ترجع تتذكر اول يوم دخلت في المدرسة......
.............••...........
في قسم الشرطة كان موجود بو ناصرو ولده و بو فراس وعياله ،وقع ناصر أوراق طلق حقت عزيزه واخذوا ناصر كانوا بيطلعون لـ السجن بس أعترضة طريقهم ام ناصر وهي تبكي حتى ان دموعها ملت نقابها وهي تقول :لا تاخذونه تكفون لا تاخذونه ..ياااااا ناصر لا تروح وتتركني يمه لا تروح لااا..سامحني ي ناصر انا الي وداك لذا المواصيل سامحني ي حبيبي ي وليدي ..حسبي الله ونعم الوكيل..لا تروح ي ناصر لااا تاخذون وليديي
ناصر:يمه حبيبتي هذا جزاي بس لا تنسيني بالدعاء يالغالية [وحضنها بقوه وباس راسها ] ي روحي انتي ي يمه
ام ناصر:لا ي ناصر لا تروح و تتركني ناااااصر
و توجه لـ ابوه و حضنها وباس راسه :يبه سامحني خذلتك وطيحت رأسك بالأرض بس سامحني يبه
بو ناصر قلبه رهيف حضن ولده بقوه و نزلت دموع ابوه و بادله ناصر وباس عيون ابوه و يده
و اخذوا ناصر و امه تطردهم بس مسكتا بو ناصر وهو يسحبها بس مو راضيه تتحرك و تبكي وتضرب يدينها الأرض غصبًا قدر يبعدها و اخذها لشقتهم وهي تصيح بـ اسم ولدها بس لا حياة لمن تنادي
تم إعدام ناصر وصلوا عليه صلاة الظهر و اما عزيزه قالهم الدكتور انها ما بتطلع الا بعد أسبوعين عشان العملية و جلس معاها حمد و حامد و راحوا الباقي لشقتهم، صح ان ناصر عذب عزيزه كثير بس عزيزه حزنت عليه مرهه وحزنت اكثر لما دخل عندها عمها وباين فوجهه انه الحزين و مكسور
............••.........
في الديره
بعد صلاة العصر رجع فراس من العزبه و اخذ له شور و راح لـ هناء و مناير في المطبخ وهو يبي يمزح معاهم بس لقي حمده وبشاير موجودين و تراجع لـ ورا و راح لغرفته
.....
مناير:بنات احس طفشانه
هناء وهي حاطه يدها على خدها :انفقعت كبدي زهقت خلونا نطلع الليلة نفلها
ناظروها البنات بصدمه ،بشاير:وين تبينا نروح
هناء : ما عليس بـ هاهه بتطلعون معي لاني بطلع افلها لين اقول آمين
مناير:امي الليلة بتروح عند ام حمده هي وام بشاير وابوي واخواني مو موجودين و فراس دق يقول بينام لا احد يصحيه مين بيكون معانا
هناء :اخلصوا بتجون معي ولا لا
ناظرت بشاير بـ مناير ثم هزوا رأسهم بـ نعم
لفت لـ حمده :وانت
حمده : منجدك
هناء: شوفي ترا محب الكلام الواجد اخلصي علي
حمده :ليه؟!
هناء:مدري وانا اختس طبعي كذا
حمده :فيك حقده انتي
هناء: فيني عقده نفسياا و فيني اكتتاب و فيني ارق
حمده :انا داريه ليش ما فيك اكتتاب و ارق
هناء بفهوه :ليــه!
حمده بغمزه :بسبب الحرامي الي
على طول اخذت هناء اقرب صحن وضربت به رأس بس بخفيف حمده وحمده بدل ما تنصرع راحت تضحك
هناء:حسبي الله ونعم الوكيل ي بنت الحلال اكنت ما تسكتين
حمده:ما لي شغل انتي قلتي بتعطيني رشوة بس ما جت ذي الرشوه وانا ما بسكت
مناير:وش فيه الحرامي ،ليكون انسرقتي
هناء وهي تكلم نفسها[الله يأخذك ي حمده وياخذ هذاك الحيوان معك اخخ]:ولا شيء [وهي تغمز لـحمده عشان تسد حلقها]
مناير:لا في شيء قولي ي حمده عادي
حمده :كنت امزح لانها امس شفنا رجال يسرق كبيرة سن و هناء من امس خايفه منه
مناير:اهاا
هناء :المهم الوعد بعد صلاة العشاء
البنات :تمم
يتبع 🩶...
فضلًا وليس امراً ضع ⭐️
للفعاليات وقصص صغيره وتذكير بـ موعد نزول البارتات تابعوني على حسابي بالانستا
nn_wrhh