"سويت نفسي ولد عشان انتقم لكن"

البداية

كلشي بدأ من عمر ال 14 ببنت اسمها لمى ، لمى هذي جمييلة بس للاسف كان وزنها مرتفع وكانت السمنه تخفي جمالها مع انها سمينه الا ان في جمال في وجهها وكانت تمتلك الثقه بنفس و هي صغيره اغرمت بولد كانت (تظنه) يحبها لأنه كان يهتم فيها و يسأل عنها واكثر الوقت تكون معاه وبعد ما كبر بدا يتجاهلها وبدت هي تتعلق فيه الموضوع جرحها اكثر لأن بعد ما كبر شوي ماصار يطالع فيها حتى ...
وهي كانت تتعذر له دايم في راسها لكن تعلقها فيه ما كان صعب كانت تقدر تتخلى عنه وتنساه لكن من الحب مالقت عليه غلط مقنع في راسها سبب عشان تكرهه اليييين ، ف يوم من الايام جات اختها  الي اسمها تالا وقالت
تالا : لمى
لمى : هلا ؟
تالا : ترا "فلان" قال عنك ** ** وانك ساحره ولو جلست ع الارض الارض تهتز شوي ويجينا زلزال
لمى : "قاعده تضحك مصدومه"
الله ياخذه اصلاً من زينه هو وشكله مسود من الشمس م شاف شكله يع
تنمر عليها ، هي زعلت بس بنفس الوقت شطبت عليه
ومرت سنتين وهي ناااسيته تماماً
في عمر ال 16
لمى ثقتها بنفسها ضعفت ووزنها ارتفع 30+ كيلو قدام لان السنتين الاخيره قالت بفلها وانساه وانغمست اكثر بلأكل بدون لاتحس
وبيوم من الايام جت امها وقالت
يلا لمى نبي نسيّر ( نزور ) بنت عمتي ماقد شفتيها
لمى : لا ماما تكفين مابي ولله انتي شايفه شكلي؟...
الام : وشفيييييه شكلك!؟
لمى: ماعندي ملابس اصلاً وغير كذا مابتونس انتو بتسولفون مع بعض سوالف حريم وتنسوني
الأم : لااا عندها بنات بنفس عمرك وولدين بس ماعليك منهم
لمى: صدق ؟
راحت لمى وامها يتقضون ملابس لانهم ما سيّرو من زمان ع احد ولمى بيتوتيه لفو السوق كله ومالقو غير جلابية وحده واشتروها
في بيت بنت عمة امها >
*ملاحظه اسمها جواهر*
جواهر : ياااهلا اسورت ونورت تفضلو ابرك الساعات
الام : الله يكثر خيرك شخبارك من زمان عنك
لمى قاعده تتبسم وفي داخلها بكيه لأنها متفشله وتمنت لو انها نحيفه عشان
تكون جميله زي جواهر وامها واختها الي متكشخين الا هي وقاطعو افكارها بنات جواهر وقعدو يسلمون عليها وعلى اختها ويودونهم لغرفتهم ويسولفون واسمائهم هي ، لبنى و مرام واثير .
لبنى ومرام و اثير : اهلين نورتو المكان
لمى و تالا : النور نوركم
اخذو البنات يتعرفون ع بعض ويسولفون ويضحكون الين مرام طفشت من الغرفه وقالت
مرام : بنات ترا حنا دايم اي شخص يجينا نوديه للغرفه واحس طفشت مره وودي نروح الحديقه الي تحت جمب بيتنا قريبه مره ودكم تروحون؟
لمى : هي قريبه؟ جد ؟ خلاص كيفكم بس انا بسأل امي اول ايذا بتوافق او لا
وافقت الام على طلعتهم واخذو لبسو عباياتهم ومشو للحديقه وهناك قابلو
خالد و عزيز وهذولا يكونون عيال جواهر يعني اخوان لبنى و مرام واثير
لمى انفجعت واستحت لان شكل خالد كان مره جميل وهو شافها وهي على ذا الشكل وقالت بينها وبين نفسها :
*اصلاً عادي يعني لو كنت نحيفه بيخق علي ونعيش قصه حب ؟ هذي خرابيط اصلاً دايم يجونه معازيم كثار اكيد في مليون بنت غيري فا لازم اهون على نفسي وارتاح*
عند العيال
خالد : * بصوت عالي * هيييييه وش جابكم هنا يا بنات
عزيز : *بصوت خفيف* يرجال لاحقينا لاحقينا حتى هنا
عند البنات :
مرام : عيب عليك يابزرررر
لبنى : لمى وتالا اسحبو عليه لاتعطونه اي اهتمام هو كذا كل مايجينا ضيوف بنات يسمعهم كلام مو كويس
اثير : ولله لا اربيه الزفت هذا
لمى وتالا يضحكون على انفعال الخوات
لمى : يربي مو قادره اوقف ضحك ليش
تالا : عيوني دمعتتت
خالد بعد ماسمع السب ناظر في لمى وشافها تضحك وقعد يضحك معاها
عزيز شخصن المواضيع وعصب وكان ب يسب سب اقوى لكن خالد امسكه
وقال هذولي ضيوف لاتعكس تربيه امي قدامهم؟؟ بعدين مشى خالد وعزيز ودخلو لل بيت في مجلس الرجال يلعبون بلاستيشن
مر الوقت مع البنات واشتهو يطلبون ايسكريم
اثير مسكت جوالها واتصلت على خالد وعزيز يجيبون من سياره الايسكريم
اثير : الو خالد انت وعزيز وبي نعطيكن فلوس تجيبون لنا ايسكريم
خالد : كلكم ؟
اثير : ايوه ليه؟
خالد : طيب فيه وحده سمينه معكم شلون بتخلونها تاكل
اثير : مافهمت وش قصدك
خالد : اقصد هي عندها ضغط ولا سكر ؟ وزنها مره عالي المفروض تتمشون وان كانكم متمشين فا خلوها تحرق سعرات ياخي حرام عليكم
اثير : اصلاً انت ماتستحي وقليل ادب قصدك تبينا نطلب ايسكريم لنا كلنا وهي لا ؟ انقلع بس الشرهه علي اجيك عزيز ابرك منك وشدخلك ب وزنها هي تهبل بكل حالاتها
خالد : يامر*يضه انا وشقلت ؟ الشرهه علي اني اقولكم تنصحونها
اثير : خايف عليها ؟ تعال انت انصحها بنفسك وفشل نفسك تدخلني معاك ليه
خالد : طيب ما في مشكله اصلاً ، وايذا زعلت فا هذي الحقيقه
اثير : ترا مابسمحلك تكلمها الا وانت جايب الايسكريمات
خالد : طيب
بعد ماجابو الايسكريمات وجو عندهم
لمى : اخخخ بنات تعبت انا بجلس ع المرجيحه
لبنى : وي توك ماشيه تعبتي علطول
لمى : اي ولله مقدر امشي معاكم امشو بدوني الين يهدا تنفسي
خالد : خذو الايسكريم
اثير : اسمع خالد حنا بنتمشى حول الحديقه
خالد : *بصوت خافت* طيب والبنت كيف اكلمها؟
اثير : ههههه تعبت من الحين تقول بتجلس ع المرجيحه اجلس انت بالمرجيحه الي جنبها بس لا يجي معاك عزيز عشان ماتخاف وتتوتر هي
خالد : تمام
بعد ماراحو البنات
لما جالسه تسمع صوت اقدام جايه من وراها والحديقه فاضيه وباليل ونصها المبات طافيه قامت بسرعه ونظرت ورا بخوف وقلبها يدق رعب الا وفجأه
يطلع قدامها هذاك الولد خالد ويسلم عليها ويجلس بجنبها ف المرجيحه
خالد : ااا كيف حالك ؟
لمى : كويسه...!
خالد : حبيت بس اتكلم معاك بموضوع مهم
لمى : طيب انت خرشتني قبل شوي
خالد : ههههههههههههههههههههه ولله اسف بس كنت متوتر ما اسولف مع البنات كثير انا وشكلي غريب مره ونا فجأه اجي عندك واتكلم بس اسمعي
لمى بينها وبين نفسها * يااااااكذبك  *
لمى : ايوه تفضل وشكنت تبي
وتمسك علبة امويا وقعدت تشرب -
خالد : انا كنت سمين زيك
- لمى تشرق بالمويا وتكحح  -
خالد : بضحكه خفيفه بسم الله عليك
لمى : يعني انت جاي تقول لي انك كنت سمين زيي ؟
خالد : مو بس كذا الصدق انا ابيك تتغيرين وابيك تنحفين زيي ويالمى انتي اول مره تشوفيني ، اسمي خالد و انا انسان صريح جداً وبنفس الوقت يحب الخير لناس فا ولله اني اشوفك زي اختي وما رضيت عليك تكونين بذي الحاله من السمنه المفرطه انا متأكد انك اجمل بنت ب المدينه ذي وتراني ما اتغزل فيك ولا احاول اقرب منك لاتفهميني غلط انا ولله اشوفك زي اختي وخايف عليك من الامراض و النفسيه الخايسه لاني مجرب
لمى : يا خالد حبه حبه ولله انك تفجعني كلشوي
لمى مستحييييييه ماتوقعت الكلام يصدر من شخص زيه وزي جماله الي ماشافت احلا منه عصافير الحب بدت تطير حولها بعد ما اكتشفت انه خايف عليها ويبيها تنحف وقاعد يقولها انها جميله
خالد : اسمعيني ترا ماسويت تكميم انا بنفسي تمرنت وبنيت لي عضل خفيف وصحتي ومناعتي صارت قويه وصرت خفيف ورشيق وماتتخيلين السعاده
لمى : شكراً لك ولله ماتقصر ع نصايحك ذي شكراً
خالد : ما ابغى شُكر ، ابغى اشوفك تتغيرين ترا اول ماجيتي عند امي كنت اشوفك من ورا الشباك عيونك كانت محزّنه والصدق انك حزنتيني
حسيت الموضوع فيه عن ذا الموضوع صح ولا لا؟
لمى : تطالع تحت وتسكت
خالد : المهم ترا جابو ايسكريمات وانتي مو داريه ، و ايذاً تبين عادي اجيبلك انا بس صدقيني مايسوى الايسكريم وغيره على سعادتك الحقيقيه وصحتك
فاااا تبين ..
لمى : حتى لو ابي مابقولك ههههههههههههههههههههههه
خالد : هههههههههههههههههه
لمى : انا مخططه اصلاً اني ابنحف ذي السنه
خالد : ولله ؟ ممتاز يمكن مابقدر اشوفك يا نحفتي لانك بتتغطين عني ولا انا متحمس اشوف السمنه وش مخبيه
لمى : تطالع فيه بنظرات ابتسامه وصدمه بنفس الوقت
خالد يستحي ويستوعب شكان قاعد يقول
الا ويقاطع لحظتهم هذي صوت بنت تنادي من بعيد
خاااااللد ، ياااا خاااالد خلودييييي
خالد : المهم اسف ع الاطاله مع السلامة
لمى : الله يحفظك
خالد : بسس لحظه ماقلتي لي وشسمك؟
لمى : اسمي لمى
حلو اسمك ويركض بسرعه نحو الصوت
لمى : يمه يمهههه يمههههههههههه وشصااار قبل ق قبل شوي وليش انا قلبي قاعد يدق ليكون حبيته !!......
يع ولله اني حيوانه لو صدقت ومشيت مع الحب مره ثانيه الشاطر مايغلط مرتين
- بس بنفس الوقت لمى عجزت تكبح مشاعرها وجاها فضول تشوف مين الي كان ينادي ع خالد نزلت من المرجيحه وطلت الا وهي بنت تسولف معاه
لمى : يمه من هذي ؟ هو عنده ٣ خوات بس .. لايكون هو ................