رواية انا سنجل (مكتملة )

الفصل الثالث عشر (طن ونص😂 )

- المصايب عامله زى شبشب امى ابو وردة مش عارفة بتتحدف منين ولا منين بس لازم تلبس فى وشى فى الاخر اااااااااه يايا سين يابن الوارمة بقى انا تعمل فيا كدة بقى تحبسنى من غير اكل لمدة عشر دقايق فعلا اصفخصثصصص عليك

مريم قاعدة مش عارفة اي الموقف إلى هى فيه دة شوية تعيط وشوية تضحك وتهزر مع نفسها وبعدين بدات تغنى وفى عقلها صورة ياسين - كان لك معايا

اجمل حكاية فى العمر كله
صرخت بصوت عالى - تبقى عدى خدها ياابن الوارمة قال حكاية قال

بعد خمس دقايق
مريم ضمه رجليها فى حضنها وبتبكى بحرقة - انا السبب انا السبب منك لله

بعد خمس دقايق

مريم واقفة قدام المرايا وبتجرب تسريحة جديدة لشعرها - اي دة بس يااارب الكيرلى بيتفك ليه

فجاءة باب اوضة مريم فتح وظهر من وراه شخص هى مكانتش تعتقد أنه هيجى - محمد

محمد دخل بسرعة وقفل الباب ومعاه كيس بلاستيك فى ايديه - خدى دول بسرعة

مريم مستغربة - انت ..انت بجد
محمد مد ايده وعطاها الكيس - خدى دة انا اشتريتلك بيتزاء وبيبسى عشان تاكلى انا لازم امشى قبل ياسين مايرجع من الشركة

مريم مدت ايدها واخدت الكيس - انا بجد مش عملت حاجة لامك

- لامى
يوه قصدى يعنى والدتك والله هى الى عملت كدة مش انا والله انا م..

محمد قاطعها - انا مصدقك

مريم عينيها ترقرقت بالدموع - انا والله م.....اي انت قلت اي ...مصدقنى ومكدب والدتك طب انت تعرف حاجة عنها

محمد ابتسم على طفولتها - مش مهم انا عارف اي المهم انا مصدقك

مريم حرفيا منهارة بالبكاء

محمد بمرح - بتعيطى ليه طيب دلوقتى
مريم ببكاء - كان نفسى اسمع الكلمة دى من حد تانى

- قصدك انى مصدقك
مريم هزت رأسها بالإيجاب - كان نفسى اسمعها من ياسين

محمد ربت على كتفها - متعيطيش هو ياسين كدة بحالات شوية تلاقيه بيضحك ويهزر وشوية لايطاق
اضحكى بقى دة انا جبتلك بيتزاء وبيبسى

مريم ضحكت بخفوت - بترشينى يعنى
محمد ابتسم - ياستى اعتبريها رشوة انا همشى بقى قبل مايجى ياسين

سابها وماشى
مريم ببسمة - محمد
محمد بصلها - انا مش عندى اخوات شباب بس دلوقتى بقى عندى احلى اخ

محمد ببسمة - وإنا برضو مش عندى خوات بنات وانتى هتبقى احلى أخت
سلام بقى احسن لو ياسين جيه هنتشلوح كلنا

محمد خرج برا الأوضة وقفلها تانى بالمفتاح عشان ياسين مش يشك فى حاجة

محمد رايح لصالون القصر - يااااا اووووى اوباااااا اي يابت الجمال دة