رواية انا سنجل (مكتملة )

الفصل السابع عشر (غلطة وندماااان😂)

- بسبسبسبس انت يا أخ عمر خود اقولك خود

بصلها وهو بيشرب سيجارة ودير وشه تانى بعيد عنها

اية بصراخ مضحك - انت يااااااااااااض هو انا عشان محترماك وبقولك يا اخ عمر تتنك عليا ولا اي ياااض لاااا ياحبيبى دة انا اية و الأجر على الله

رمى السيجارة من بؤه وداس عليها وهو بيبص لاية ومبتسم

اية لنفسها - هو ماله مبحلق كدة ليه دة

عمر قرب منها لحد ما وقف قدامها وقال بفحيح - نعم

اية بتوتر - اي الاحترام إلى نزل على أهلك دة

- بتقولى حاجة
اية بشجاعة - ايون ياخويا فى

بعد عنها وضم ايديه على صدره وهو لسة مبحلق ومبتسم - انجزى خبر

اية - خير ياخويا انشالله ...احم احم فكنى عشان عايزة ادخل الحمام لو سمحت

بص فى عنيها بحدة وابتسامة - لا

اية بصراخ - لا ااااا ياخويا الشخصية السايكو النرجسية السيكو سيكو دى مش علياااا ايون ياخويا دة انا ممكن اشقك نصين هنا

عمر بنظرة حادة - اممممم سايكو مش كدة

اية - وسيكو سيكو عادى
عمر مردش عليها

اية كملت - فينك يامريم ياصاحبتشى كنتى تطلعى المطوة من الشراب تشقيه ونخلص

عمر - مفيش حمام برضو
- وحياة امك
- لااا
- طب وحياة ابوك
- لااااا

اية بتحاول - طب وحياة امك او ابوك أيهم أقرب

عمر ضحك - انتى فكرانى عيل صغير وهتضحكى عليه وتقولى عايزة ادخل الحمام ولم افكك تهربى من شباك الحمام وانا ادور مو...

قاطعته اية - حيلك حيلك ياخويا انت بتقول اي انا مكنتش هعمل كل دة اصلا

عمر حس بغباء - احم مفيش حمام برضو

اية بصتله وقالت ببسمة - عادى مش عايزنى اروح مش رايحة

عمر - شطورة
اية - بس تستحمل الى هيحصل هنا عشان هظروترك المكان وهتنضفه و....

عمر بتقزز - بااااااس باااااااس اي القرف دة ماشى هفكك وهواديكى الحمام بس لو فكرتى تعملى حاجة هقتلك فاهمة

اية هزت رأسها

عمر راح وفك ايديها ورجليها - يالا قدامى

اية وقفت - استعنا عالشقاء بالله اعاااااااااااااااااااااااااا

عمر بيدور وشه عليها لقاها انقضت واتشعلقت على ضهره وتشد شعره بايديها وتعضه من قفاه

********************

- خلصتى لم الهيدوم يا هدى

هدى نزلت من على السلم ومعاها شنطتين كبار - خلاص جاهزة
وقفت جنبه وقالت بحب - انا مش مصدقه اننا هنسافر القاهرة ونتجوز ونستقر هناك دة انا اول حاجة هعملها هروح للبت مريم صاحبتى ونعزمها على الفرح ونرجع زكريات زمان ياااه واحسن حاجة ان جاسر مش هيقدريقربلى واحنا متجوزين بجد