الحُب البعيد

البـارت 1

لاتنسون التصويت والمتابعة

قراءه مُمتعه 🤍
__________

2014/3/16 ،،

_ صباح سوريا _

كعدت الصبح عَ صوت القرآن وهدوء البيت والراحة النفسية ،، شفت اهلي كاعدين يضحكون ويسولفون أبتسمت لا أرادياً كعدت وياهم وخذتنه السوالف فجئ  سمعنه التلفون رن اتصل خالي ...

_ بسرعه بسرعه ماكو وقت الدواعش فاتو بالبلد

_ عَ كيفك خويه شجاي تحجي وين نروح هسه

_ ماعرف بس راح تصير هوسه فاتو لازم نطلع من البلد

_ شلون نطلع وهمه فاتو ما راح نكدر ..

صار طلق وهوسه ماعرفنه شنسوي الدواعش دخلو للبلد ،، العالم كلها تصيح حارت بأرواحها الخوف سيطر عليهم ،، جيرانه اجت قذيفه عليهم ماتو كلهم ،، الدم صار بكل مكان والريحه والصياح ،، البلد أدمر صار كله دخان ماينشاف اي شي بس تسمع بواجي الأطفال والنسوان ...

شردنه بمكان مانعرفه بس حتى يكون بعيد عن صوت الطلق،، ماعندي اخ بس امي وابوي واختي كعدنه بمكان صغير حاولنه نتواصل وي خوالي أو عمامي وكدرنه نتصل ع خالي ...

_  خويه وين انت

_ ماتو اهلنه ماتو كدام عيني ماعرفت شنو اسوي..

أمي نهارت من سمعت هل كلام خلصتها بجي وخالي شارد بمكان مايعرف وين الناس كلها ماتت سوريا أنتهت ،، أبوي راد يطلع بس ماخليته ..

_ لا بابا ماتطلع ماتشوف الهوسه كوه شردنه

_ يعني نبقه هيج امك راح تموت من البجي واختك صغيره ماكدر اشوفكم هيج وابقى كاعد وساكت

_ بابا فدوه الوضع مايسمح تطلع مو بيدنه خلي تهدئ الاوضاع ونطلع كلنه

_ الله كريم...

مرت أيام واحنه بهالمكان مانعرف وين،، نقطعت اخبار خوالي وعمامي والدواعش بعدهم مسيطرين عَ سوريا ويدورون عَ الشردو ،، جنه كاعدين وسمعنه أصوات جايه من بره عرفنه انُ دواعش ..

الداعشي: هيا تحركو لنبحث عليهم لن يهربو منا سوف نرجعهم لأبو قُتيبه وهم عائشين ..

سمعناهم والخوف زاد علينه خاف يلكونه وين نروح ضلينه بنفس المكان وساكتين مايطلع نفس من عدنه حتى مايسمعون ..

سمعت صوت خطواتهم وهمه متقربين علينه جان كلش قريب اختنكنه واحنه سادين نفسنه ...

الداعشي: ابحثو في هذا المكان لنرى ..

دخلو للمكان وشافونه ماكدرنه نشرد منهم خذونه وياهم ..

الداعشي: لن تستطيعو الهروب منا هيا لنأخذهم لأبو قُتيبه

جان موقف صعب اني واختي أطفال وامي وابوي تعبو حيل وراح نروح سبايا الهم

خذونه بالسيارات ولثمونه ماكدرنه نشوف شي بس سمعت واحد منهم يحجي ...