غلطت؟ سامح نفسك.. واتعلم من غلطك.. وابدأ من جديد.. هو احنا بنتعلم من غير ما نغلط؟ ضعفت؟ اقبل ضعفك.. ما هو إنت بشر.. والضعف جزء من بشريتك. فشلت؟ وماله.. هو النجاح ليه طعم من غير الفشل؟ إقبل فشلك.. وحاول تانى.
" الخروج عن النص "
الدفاع القوى الناجح ضد كل الأمراض النفسية مهما تطور العلم وزادت الأبحاث، هو وجود إنسان (ولو واحد) قابلك ومُهتم بيك وبيحبك حُب حقيقى غير مشروط.”
" علاقات خطرة "
إلى كل أب وأم.. إلى كل ُمدرس وُمدرسة.. إلى كُل الناس.. من فضلكم.. ما تختزلوش أولادكم فى درجاتهم.. ما تسجنوش أولادكم في مجاميعهم
" لا بطعم الفلامنكو"
إوعى تلبس أي دور حد يحاول يلبسهولك.. إوعى تكون إنت الشخص اللي هيحقق النبوءة المشئومة.. إوعى تلاقي نفسك طرف في لعبة درامية بائسة.. لا هي بتاعتك ولا إنت قدّها.. “
" ذكر شرقي منقرض"
“كفاية دلوقتي إنك تحب نفسك وتسامحها وترحمها.. علشان برضه مع نفسك.. العلاج هو الحُب.. والترياق هو التسامح.. والطريق هو الرحمة.. “
" علاقات خطرة "
احنا محتاجين نفكر.. محتاجين نقرا ونبحث.. محتاجين نجتهد ونوصل. من غير ما ندور طول الوقت على وصي.. أو حد نعتمد عليه.. حد يفكر بالنيابة عننا، ويبحث لنا، ويجتهد فى سبيلنا.. ويقرر هو.. ويختار هو.. ويتحمل المسؤولية هو.. واحنا ناخد البضاعة على الجاهز.. ونستهلكها كما هي
" لا بطعم الفلامنكو"
ما تربيش ابنك على إنه هارون الرشيد… كل اللى حواليه بيخدموه ويسهروا على راحته.. ما تكبرهوش على إنه شهريار.. الآمر الناهي المُطاع.. وإلا السيف يا مسرور.. علشان ما يتحولش فى أحد الأيام لدون جوان؟ لأن الذكورية الشرقية مش بس مرض.. بل هى مُتلازمة مَرَضية كاملة.”
" ذكر شرقي منقرض"
من حقك تحدد مين.. هيكون فين.. امتى.. مهم حدودك تبقى واضحة.. وأرضك تبقى آمنة.. ومهم إنك تدافع عنها وتحميها.. ضد أي أذى من أي نوع.. تحديد المسافة بينك وبين أي حد حق أصيل ليك.. زي ما هو حق أصيل لكل الناس.. بيتك النفسى ملكك.. مش مِلك أي حد تاني.”
" الخروج عن النص "
خط الرجعة الأخير ضد الاكتئاب والقلق واضطرابات الشخصية، في وجود كل أنواع الأدوية والعقاقير، هو علاقة إنسانية يوصلك فيها إنك من حقك تكون نفسك.. من غير ما تدفع أى تمن
" علاقات خطرة"
عارف ايه أصعب سجن فى الدنيا؟ سجن خايف من بكره. عارف ايه السجن اللى أصعب منه؟ سجن زعلان على امبارح.”
" لا بطعم الفلامنكو"
فيه ناس بتبقى عاملة زي مصاصين الدماء.. يعنى يبقوا عاوزين يمصوا دمك.. يبقوا عاوزين ياخدوا منك كل اللى يقدروا ياخدوه.. تبقى انت صاحب العطاء الدائم الذي لا ينقطع.. تدي.. تدي.. تدي.. تنزف.. تنزف.. تِحِب.. وتقبل.. وتسامح.. وتسمع.. وتفهم.. وتقدر.. وتعذر.. وتستحمل.. وتقطع من نفسك كل يوم حتة تقدمها قُربان ليهم.. وتدفع كل يوم تمن غالي في سبيل رضاهم.. وهم مش بيشبعوا.. ولا هيشبعوا.. أبدًا ..
" الخروج عن النص "
