"رائحة الفراولة"
للكاتبة مجهولة ...الانستا no_one_0290
فضلا ⭐ لا تنسوها و متكلفكم بس تفرق عندي"
ــــــــــــــــــــــــــــ
٢٠٢١/١/١
بغداد - الرصافة
يوم الجمعةالجو شديد البرودة و الشمس بين الغيوم، جان يوم حلو و مُميز .. گاعد بهدوء بمطعم هادئ و الاحلى مابي هواي أشخاص كون اليوم هو رأس السنه فـ هيج مطاعم
مو من أستهواء العشّاق ....تتسائلون ليش گاعد هنا؟ اني لا عاشق و لا عندي حبيبه
،گاعد اتغده و گدامي بيتزا صغيرة الحجم ،بيتزا باردة مليت من أكلها يومياً ،تنهدت بقوة و اني منتظرها ،عدّلت الكوت الأسود مالتي و باوعت عالساعة السودة بأيدي، الساعه بـ١٢، ليش ما أجت؟ ..رفعت راسي و عيوني على باب المطعم منتظرها تجي،
الجو برد كلش واني اكثر من ساعتين گاعد ،ناس تدخل و ناس تطلع و اني على گعدتي اجبر نفسي اكل من البيتزا الباردة لحد ما تجي ..و اجت ..
أتّسعت ابتسامتي و قَسْراً حاولت أخفائها ،هذا اليوم السادس من ثاني شهر واني اجي للمطعم حتى اشوفها ،دخلت للمطعم بهدوء و گعدت على طاولتها المعتادة و كالعادة ما لاحظتني گاعد مقابيل طاولتها بس مو مهم تشوفني، المهم اني اشوفها ..راقبت شكلها مبينه تعبانة و هالات خفيفة متكونة تحت عيونها قلقتني، جانت لابسه فستان ابيض قطن طويل و فوگه كوت بيجي اللون و شعرها ضافرته و لابسه فوگه
كلاو أبيض حياكةمُميزة هي، بيوم اغلب البنات و الشباب لابسين احمر وان كانوا ما مرتبطين بس هي تميزت عنهم ،مميزة بكلشي، مشيتها، نضراتها الهادئة، اكلها الهادئ ،طريقتها بالكلام، صح راح تگولون منين سامع صوتها و انت ما تحجي وياها؟
بالفعل دائما كلماتها اسمعها نفسها من شهر و ستة ايام ، بس كلمة او كلمتين تخرج منها ،الطلب الي تريده و شُكر العامل بعد تقديمه للطلب، صوتها حلو و ابتسامتها الهادئة احلى من تگول بعفوية:
-شكراًضلّت گاعده بهدوء تراقب داخل المطعم و تَطرف عيونها برقة ،اكيد تباوع على كلشي و تعاين كلشي بس مو اني، اني ما تشوفني و لا تحط عينها عليه حتى لو بالغلط ...
شبح اني؟ لو جن؟ ما ادري ..
اريد اناديها باسمها اكلها 'اهلاا تره اني هنا صارلي شهر و ست أيام اجي حتى اشوفج ،جن اني حتى متشوفيني؟'بس ما اعرف اسمها و ما عندي الجرأة الكافية اروح احاجيها ،لذلك اكتفي بالنظر الى أن تشعر بوجودي
او ما تشعر مثل حالياً ...اجه الويتر وگف يمها، انتبهتله وطلبت بصوت هادئ:
-برغر و عصير برتقالاحسد العامل لان يحجي وياها، اتمنى اني بمكانه واگدر احجي وياها، تنهدت ببؤس و باوعت عالبيتزا الباردة ،ما اريد اكلها و ما اشتهيها