بعد اعتراف هشام وريتاج بحبهم لبعض كانوا يتقابلون دائما وباستمرار ورغم مساعدة حور لريتاج إلا أنها لم يعجبها إهمالها لدراستها فقررت حور الحديث مع ريتاج حول ذلك
في صباح اليوم التالي
ريتاج: حور ......حور...... يا زفتة.... أصحي يا بت ده أنا لو بصحي في بقرة كانت قامت
حور : يعني برضه يا جوجو البقرة هترد عليكي لو كلمتيها ذكاء اليومين دول مش عجبني علشان كده كلي لوز يا شاطرة ويلا قومي من علي السرير علشان النوم هيطير يلا قومي
ريتاج: حووووووور قسماََ عظماََ لو ما قومتي حالاََ لاوريكي هعمل فيكي إيه
قامت حور مفزوعة وجرت علي الحمام وقالت
حور: أنتي بتتكلمي مع مين أنا أصلا في الحمام
ريتاج: يعني لازم يعني اهددك علشان تقومي
حور : أنا عارفة يا ختي بنات آخر زمن ده أنا علي ايامي البنات كانت بتصحي من الفجرية هههههههه
ريتاج: هههههههه طب يلا يا بتاعت علي ايامك أنتي
بعد نصف ساعه جهزت حور وذهبوا في طريقهم إلى المدرسة
حور : ريتاج فيه موضوع عايزاكي فيه
ريتاج : تمام إيه الموضوع
حور: أعتقد أنك لازم تبعدي فترة عن هشام
ريتاج: ليه ..... إيه السبب هو عمل حاجة ضايقتك
حور : لأ هو مش عمل حاجة والله بس أنا شايفة إنك لازم تبعدوا عنه لأنه مستواكي في النازل جامد والامتحانات هتكون صعبة السنة دي
هشام من خلفهم : يعني هي مش بتذاكر زي ما بتقولي
حور وريتاج صوتوا وحور رمت الشنطة في وجه هشام وضربته في بطنه
هشام: اههههههه إيه يا بنتي هو أنتي جاية تلعبي كراتيه عليا أنا
حور: ما هو أنت تستاهل بصراحة قلت لك مليون مرة متعملش كده
ريتاج: هي معاها حق بصراحه وأنا حذرتك من ده وغير كده أنت كويس
هشام قرب شوية ناحية ريتاج وهو بيقول: أكيد أنا كويس بعد القمر إللي طالع بالنهار ده أنا كويس جامد
حور ضربت هشام في ضهره بالرجل
حور : المرة الجاية رجلك إللي هتتكسر تمام ويلا يا هانم بدل ما تكوني جانبه
ريتاج: هشام أنا حذرتك سلام نتقابل بعدين
حور: بعد المدرسة في الكافيه إللي في آخر الشارع أنتو الاثنين فيه كلام لازم تفهموه مفهوم 😠
ريتاج وهشام: مفهوم
هشام: هي صاحبتك هتاكلنا ولا ايه
ريتاج: أسمع الكلام واسكت وسلام أنا
هشام مسك أيدها وقال: هو أنتي فعلاً مش بتذاكري
ريتاج: .......
هشام: يعني كلام حور مظبوط صح
ريتاج: طب تمام لينا كلام بعدين ويلا علي الفصل
ذهبوا إلي الفصل وقضوا اليوم الدراسي بدون أي أحداث تذكر
بعد المدرسة أخذت حور ريتاج وذهبوا الي الكافيه وانتظروا حتي يأتي هشام
في الفصل
يوسف: يعني إيه مش بتذاكر
هشام: والله هي كانت بتقولي أنها بتذاكر
يوسف: طب يلا روح استلقي وعدك من صحبتها دي إللي إسمها....
هشام: إسمها حور بس أنت هتيجي معايا
يوسف: وكمان حافظ الإسم طب يلا يا أخويا شوف وراك إيه
هشام: يوسف أنت قبل ما تكون صاحب عمري أنت أخويا وأنت أكيد مش هتسيب أخوك في أزمة صح
يوسف: خلصت ...... خلصت العرض بتاعك
هشام: آه خلصت هتيجي بقي ولا ايه
يوسف: أكيد هاجي بس أدائك اتحسن علي فكرة
هشام بدلع: ميرسي يا حبيبي
يوسف: حبك برص يا أخويا ويلا قدامي أما نشوف اخرتها
هشام: يا لهوي بحبك وأنت حمش كده 😂😂
بعد ذلك ذهبوا إلي الكافيه ودخل كلا من هشام ويوسف الي الكافيه وذهبوا الي طاولة حور وريتاج
حور: حالياً أنا قلت انت لوحدك جبت صحبك ليه ما علينا دلوقتي أنتو هتبعدوا عن بعض لحد ما السنة الدراسية تخلص
نظر هشام لريتاج وقال : هو أنتي بجد موافقة علي الكلام ده
حور : كلامك معايا أنا وأنتو الاثنين هتوافقوا على الكلام ده مفهوم ومهما يحصل مش هتتقابلوا
يوسف : هي معاها حق لازم تبعدوا الفترة دي لأننا دخلنا سنة دراسية صعبة ولازم تبعدوا
حور : النهاردة آخر يوم هتكونوا فيه مع بعض بعد كده مفيش مقابلة ولا تواصل هيكون بينكم إلا بعد ما السنة تخلص ومش محتاجة حد منكم يتكلم أو يعترض لأني مش هسمح بكده ....... ريتاج أنا ماشية دلوقتي هستناكي بكرة علشان المدرسة تمام
يوسف: أنا كمان هستأذن سلام يا هشام
هشام : ريتاجي أنتي مكنتيش بتذاكري ليه مش قلتي لي إنك بتذاكري
ريتاج بدموع : والله غصب عني يا هشام بس مش كنت عارفة اذاكر خالص
هشام : طب أهدي الأول كده وذاكري أنتي وأحنا هنتقابل من وقت للثاني
ريتاج: إزاي
هشام: إحنا هنتقابل صدفة
ريتاج: مش فاهمة
هشام: ملكيش أنتي دعوة بس
ريتاج: حاضر
هشام: يلا علشان اوصلك وذاكري يا ريتاجي عايزك تجيبي درجات حلوة تمام يا قلبي
ريتاج: تمام
مهما كان مدة حب هشام وريتاج وحتى لو هو كان حقيقي مش لازم حد يتنازل عن مصلحته أو عن مذاكرته لأنه هي إللي هتفيده في الآخر ومفيش اي حاجه ثانيه هتفيده
وأخيرا أنتهي الفصل ارجو إنه يكون اعجبكم ولو فيه أي غلطات ممكن توضحوها لأني لسه مبتدأة تمام وشكراً إللي لسه بيقرأ الرواية ومكمل معايا
أنت تقرأ
حبي ممكن أو مستحيل
Novela Juvenilقصة مراهقين وحبهم وكيفية التعبير عن المشاعر وحقيقة المشاعر وأنه ليس كل من يحب أحد عليه حبه بالمقابل وليس كل الحب حقيقي وليس كل الاشخاص يتسحقون الحب وسوف تعرفون بقيت الرواية بالتدريج
