جابر الجليلي

الجزء الأول 🔴تنبيه هام 🔴القصة مو انا يلي كاتبتها القصة بقلم الكاتبة zain Tr

#جابر_الجليلي_بقلم_ Zain tr
قبل ما تبدا بدي منكم تقيموا وتعلقوا لحتى اعرف اذا في ناس عم تقرأ وبلش نزل اكثر 🧡

الجزء الأول:
عدنان:يلا قومو ع الصلاة يلاااا

"بلش نكت باللحف والمخدات عم طير وقرص ودغدغا"
لجين:بابااااا ههههه امانة خلص بس شوي
جنى:بابااا امانة انا صغيرة قوم لجين انا نعسانة
لجين"من تحت الحرام بلااااا شوووو قومي وليه الله لا ينشيكي "ورفست جنى
عدنان:اخخخخ وجعتولي ضهري ... انا بفرجيكن😈"بريق المي" اجت المي اجت المي 💦💦💦💦
لجين:لاااااا بربك خلص قمت
جنى:اححححححح يرحم ستك شو هالعادة 😳 اااااااااا هههههههههههههههههه
لجين:انجو بحياتم ههههههههههههههه
جنى:يحييييييييييييي هربووو ههههههههه
عدنان:خليكن عندكن يا ملاعيييين جيتكن
"بلش الركض بالمنور*كوريدور البيت*وصياحنا وضحكاتنا ملت المكان بابا يركض ورانا ونحن ننهزم"
عدنان:الله يصلحكن هو انا فيي حيل 😥😥😥😥اخ يا ضهري تكسر هههههه
ميادة:الله يصبرني عليكن بس...اححححححححححححح يا اميييي 😖😫
لجين/جنى:ههههههههههههههههههههههههههههههههههههه
ميادة:عدنااان
عدنان:قلتيلي الله يصبرك علينا لكن هههههههههه
ميادة:يالله منك عدنان ولله هي تاني كنزة من وراك ورا المي
لجين:كرمال تحسي فينا
جنى:حمدي ربك بس كب بضهرك مو ع التخت
"امي ركزة كويس وفتلت ههه كانت بتشبه الزومبي هههههههههه"
عدنان:هسسس
ميادة:شو حكيتي
عدنان:هيهي هيهي 😁😁😁😁 ولا شي يا روحي (حط ايدو ع تمي)
ميادة:عدنا...
عدنان"مقاطعها":ولله انا بنشرهن
ميادة:يالله هلئ بعفنوووو يالله منك ولووو
عدنان:خلص ميوشة ولله اخر مرة"وعانقها ليراضيها"
لجين"بهمس":شايفةةةةة يا امي الكهنن
جنى"بهمس":ياما تحت السواهي دواهي
عدنان"بهمس":ولله لسود عيشتكن يا فسافيس
لجين:يييي بابا محمد اساتو نايم
جنى:وخليل كمان
عدنان:هاتو المي
ميادة:عاساس اخر مرة
عدنان:😁 لك قصدي انو
ميادة:ايي
عدنان:لخوفهن 😁😁😁
جنى:بابا جبت المي
ميادة:ولي جنى ولله لافرمك
جنى:ما دخلني هيك قلي جوزك
عدنان:جوزها ماااا
لجين:ولله هالبنت صايرة بلا احترام بالمرة😛
عدنان:عم تاخد منك
ميادة/جنى:في منتصف الجبهة
لجين:اي ماشي انا ريحة غسل ... وكمان جنى تعي
جنى:يلا
"نحن رحنا نغسل وشنا وبابا راح ليفيق اخواتي الشباب مع معركة طاحنة هههههههه"
ميادة:يلاااااا ياولاد يا عدنان يلا تعو ع الفطور
خليل:صباح الخير امي😙
ميادة:صباح النور ياروحي يلا امي قعود فطار
محمد:صباح الخير اااااااه (عم يتاوب)
ميادة:غسلت وشك
خليل:ما وشو هالوش
محمد:ياريت تضل بحالك مو احسنلك
خليل:كأنو طولان لسانك ولا فصعون
محمد:حل عني ياه "سحب كرسي وقعد"
ميادة:محمد قوم غسل ماما
محمد:ولله غسلت هاه شوفي"بلش يمطمط بعيونه"شايفة شايفة
خليل:قوم ولاه كذاب قوم غسل
محمد:ما دخلك
جنى:انو عنجد ما وشك هالوش هههههه قوم غسل
محمد:ياريت تضلك بحالك
لجين:يا امي ماتيسك قوم غسل
محمد:ماني مغسل ومارح غسل ويلااا
خليل:شفتووو
عدنان:خلصوني فطرو وقومو ع مدارسكن يلاااا
لجين:الحمدلله الحكي ما بخصني
عدنان:اي لا تسدقي قومي ع دراستك عندك امتحان يلااا
جنى:ههههه
لجين:لعما شو نسة ضحكي من تحت لتحت
عدنان:محمد قوم غسل
محمد:يالله ولو
خليل:هههههه قووووم يلاااا
عدنان:خليل قوم غسلو
محمد:هههههههههههههههه
خليل:شو صغير لغسلو
ميادة:قوم امي ما بوصل لحرف المغسلة قصير حرام امي
"طلع الشاي من انف ابي"عدنان:ههههههههههههههه الله يقطع شرك
خليل:ههههههههههههه قوم يا قزم قوممم
لجين/جنى:هههههههههههههههههه
محمد:هلئ هيييك اي ماشي😠
"خلصنا فطور وقمنا اخدنا الشناتي ومشينا...خليل طلع بسيارتو وانا ومحمد نزلنا لعند الشوفير وبابا طلع بسياتو وع شغلو"
جنى:صباح الخير عموو ابو احمد
محمد:صباح الخير عمو
ابو احمد:يا صباح النور
كل واحد فينا راح بطريق وامي ولجين ضلو بالبيت... انا ومحمد مدرستنا بضهر بعضها وخليل راح ع جامعتو"
#قدام المدرسة..
ابو احمد:يلا حمودة
محمد:عمو وصل جنى اول بعدين انا ليش انا دايما
ابو احمد:تكرم عينك من بكرة
محمد:عطول هيك بتحكي
جنى:خلصني بقا محمد كل يوم نفس الدباجة بس كرمال شوطة زيادة
محمد:😒😒😒😒
"وصلني عمو ابو احمد ع المدرسة لبلش يوم جديد من الدراسة والمشاغبات ع الانسات"
هالة:صباحو
جنى:صباحو
فاطمة:كيفك طبوش
جنى:بخير من دون البكلوريا
حنين:ولله الي بيسمعك بقول انك عم تأأي ما تلاقي
جنى:بلشنا حسد
خديجة:لا ما حسد بس كلنا رسبنا وعم نعيد الا انت ناجحة وعم تعيديها لانو بس نقصلك كم علامة
جنى:خمسة وخميسة لكن بدك كمل وانا بدي طب
خديجة:العين الطراقة عشو عم تخمسي ما اكلتك
جنى:مبين😏 بعدين ما شفتو كيف كانت علاماتي
فاطمة:اخدتيها الاولى
جنى:الا كم علامة
خديجة:قومي قومي الي سماكي دودة كتب ما كذب
جنى:تضربو منكن لهاللبق😑😑
هالة:ولله لو مني ومنك ما بعيدها
فاطمة:قولتك شو هالهمممم
حنين:انا بس بدي كلمة نجاح ههههههههههه
خديجة:ههههه وزيادة
جنى:بلله شو
فاطمة:لكن شو بفكرك البنت اخرها لبيتها وزوجها
هالة:ولله مزبوط هههههههه
"صوت الجرس"
جنى:قومو قومو رن الجرس وقت الحصص
خديجة:قلتلكن دودة كتب
جنى:سمعتككك
الكل:ههههههههههههههههههههههههههههههههههههه
"فتنا ع الصف وبلشنا بالحصص والشلة تبعي نايمة ههههه وقال بدهن كلمة نجاح"
انسة العربي:هييييي انتو اخر مقعدين وين مصوفنين
البنات:ههههههههههههه
انسة العربي:جنى ولله انت مستواكي احسن من هيك تعي قعدي قدام
جنى"بخجل":لا انسة انا مرتاحة
انسة العربي:ولله بكرة بجرجرو رجليكي معن
جنى"بخجل":انسة انا مرتاحة
خديجة:ليش انسة من شو منشكي
انسة العربي:من كلشي
البنات هههههههههههههههههههههه
جنى"بهمس":الله يريحني منك
هالة:حاسة اني رح اولد كمان شوي ازا بضل قاعدة معها ومع المتنبي
فاطمة:شايفتيلي هالعوكة
حنين:اي ولله ولله لوما العيب لقوم اطرقها
خديجة:قومي
حنين:قلت لوما العيب
الشلة:ههههههههه
انسة العربي:وبعديييييييين
... قومو نقلعو لبرا يلا
"قمنا لنطلع"انسة العربي:شو مابدكن تعتزرو
جنى:انسة انت بتقولي انك ما بتعيدي لهيك ما حبينا نخجلك
حنين:مزبوط
انسة العربي:ع الإدارةةةةة
"طلعنا لبرا وبلشنا نضحك ونتمسخر ع شكلها"
فاطمة:وبلا منها هالحصة النكديةةة
حنين(عم تقلد الانسة):بماذا صور الشاعر البيت الخامس
خديجة:ب كاميرا دجيتل
الكل:ههههههههههههههه
انسة العربي:انتو اسا ما رحتوووووو
"ركضنا لتحت وصارت تركض ورانا ... واكلنا علقة منيحة بس خففتلي ياها المديرة ...ههههه لاني من الاوائل ههههه عطول بنفد"
فاطمة:يخربيتها شو سماوية
هالة:الله ياخدها
خديجة:لعما بقلبها تقولي اكلين مال الي خلفوها
حنين:نشلتنا نشلل
جنى الله ياخدها
الكل:انت سكتي
جنى:ليييش
حنين:تبزق ع الكل وعليكي تهوي
هالة:قال شووو(تقلد المديرة)يا جنى يا روووحي انت مو هيييك ... هدول الملاعين عم يخربوكي
خديجة:ههههههههههههه لو يعرفو منين العطل الاساسي
جنى:سديه ههههههههههههه
فاطمة:امشو امشو عنا مرضياااات
خديجة:ااااااااا رح انشلللل
الكل:هههههههههه
"خلص نهارنا وبلشنا ننصرف ... هيك منقضي كل يومنا بينا مناوشات بين الشلة والانسات وملقبينا بأسوء شلة ... بس انا اعتبر شخص هادي وخجول .. بس هنن نزعوني ههههههه"
طلعنا وودعت البنات ورحت ع مدرسة محمد لاخدو..
شفت سيارة ابو احمد طلعت فيها"
جنى:شو عمو وين محمد
ابو احمد:ولله ما بعرف يا بنتي صرلي زمان ناطرو
جنى:شلون يعني بالعادة بيجي قبلي
ابو احمد:ولله ما بعرف نزلت وسالت قالولي نصرف قلت بنطر بركي عم يشتري او شي
جنى:قولتك اله بالعادة...
جنى:انا نازلة شوفو
ابو احمد:جاية معك
جنى:لا لا عمو انا بجيبو ما بطول
"نزلت وبلشت دور عليه بين الطلاب الي عم ينصرفو"
جنى:وينو هاد.....
جنى:هييي علي
علي(رفيق محمد):اي جنى
جنى:وينو محمد ما صفيان حدا بالمدرسة تقريبا
علي:ما بعرف قلي راح ليشتري اندومي ولهلئ ما رجع
جنى:يووووه علينا من ايمت راح
علي:من زمان
جنى:كيف يعني
علي:ولله ما بعرف تقريبا من شي نص ساعة
جنى(برعب):شووووووو
علي:ولله
"بلشت اركض لوصلت لاخر الشارع ورجعت نزلت لعند علي"
جنى(بتعب):وين الدكان
علي:بالعادة منشتري من عند ابو عادل
جنى:ووينو هاد
علي:باخر الشارع ع الزاوية
"رجعت اركض بس بدي اطمن ... كان قلبي نائزني بلحظتها ما بعرف ليش..
لشفت الي ما خلا بجسمي خلية شغالة"
جنى"بصراخ":تركوووووووه
محمد"يبكي":جنىىىىى ساعديني
مجهول:طلعو يا جحش ولد ينهزم مرتين
مجهول:ولك عصو قوي... اخ يا ابن ال...
مجهول:يخربيتك شو بتحوص خلص ثبات
مجهول:يخربيتك عضني الكلب
محمد:جنى جنىىى
"وصلت وبلشت فكو من بين ايديهن"
جنى:تركوه يا كلاب يا عالم ياناااااااااس
مجهول:شحطها قبل ما تلم الناس علينا
جنى:يا ولادين الحرام تركوناااااا
"فلتت محمد بالزور منهن ومسكو فيني"
جنى:محمد هرووووب
مجهول:مسكها لالقطو يخربيتكن
مجهول:ولك اخخخخخخخ تعاااا اييييي عم تعضنييي
مجهول:يخربيتك ثبتي بس ... فتحلي الباب انت
مجهول:مو حسنان
مجهول:يخربيتك متل الزيبق
"بلشت حوص واضربون بس كانو اقوة مني... محمد هرب ليخبر العالم لان كنا بزقاق محد بيحسن يسمعنا فيه"
مجهول:اااااااااااخ يا بنت ال....
مجهول:شبك ... ايييييييييييي
"كان الخوف مسيطر عليي بس ستجمعت قوتي وخبطت واحد منهن ع مكان الحنجرة وستغليت وجعو باني اخبط رفيقو بالمكان الحساس ... قمت وبلشت اركض ... لحسيت شعر راسي رح ينقبع من مكانو"
جنى:اااااخ
مجهول:لوين مفكرة حالك ريحةةة
جنى:تركونيييي يا كلاب تركوني
مجهول:مسكها منيح لحتى بس احسن وقف الحقيرة ضربتني ع ال.... اخخخخخ يا بنت الكلاب
"بلشت الناس تلتم علينا رجال كتير بلشو يركضو ويصرخو عليهن ... الخوف تملكن وبلشو يركضو ركبو بالسيارة وهنن عم يتوعدولي.. بلشت اخد نفسي بالعافية لوقف ع رجليي"
محمد"يبكي":يا اختي يا روحي صرلك شي
جنى"تبكي":لا انا منيحة خلص ... هس شبك انت رجال
غريب:صرلك شي يا عمي
جنى:لا عمو انا منيحة
غريب:الحمدلله ع سلامتك
جنى:الله يسلمك
غريب:ولادين الحرام كذا مرة اجو ولله ماعاد في امان
غريب:لا حول ولا قوة الا بالله ولله ماعاد في امان
غريب:اي ولله... عم يجو بسيارات مفيمة كرمال محد يقرب عليهن
غريب:ولله بينخاف الي بروح ما بيرجع
ابو احمد"عم يلهت":جنىى محمدد شبكن
جنى:مافي شي عمو نحن مناح
محمد:مشي اختي نرجع
جنى:يلا
"رجعنا ع السيارة وانا عم اعرج واتسند ع اخي لوصلنا ع البيت"
جنى:يلا نزيل يا محمد
محمد:يلا اختي
ابو احمد:ساعدك عمو
جنى:لا لا عمو انا منيحة بس رجلي شوي عم تجعني
"دقيت الباب فتحت امي الباب وبلشت تصرخ"
ميادة:يوووه شبك ولك امييي ليش هيك تيابك مشقوقين وتراب
محمد:كانو رح يخطفونا
جنى(بغضب):محمددد
ميادة:شوووووووووو
لجين:شبكن
جنى:مافي شي
ميادة:شو عم يحكي اخوكي لكن
جنى:ولا شي
ميادة:لكن شوووو... ولك احكي
جنى:امي امي شبك هون ع الباب شو صرلك
ميادة:فوتي
"حكيت لامي الي صار وبلشت تولول وتبكي ههه قلب الام...وع المسا خبرت ابي وخليل ... وصارت انتفاضى انو ليش ما دقيت لابي وراسي وجعني ع قد ما حكيو"
جنى:خلص بابا ولله انا منيحة
عدنان:كيف بلا صغرة يعني بركي رجعو عادوها... انا رح بلغ عنن
جنى:بابا عمين بدك تبلغ كانو ملتمين
ميادة:مبلا بلغ لازم يلزمو حدودن
لجين:ماما مين هنن عم تقلكن ملتمين شبكن
جنى:بابا ولله انا كويسة وبعدين مارح يسترجو يعيدوها
خليل:لا وواثقة من حالك
لجين:عم تقلك خلصت محمد وخلصت حالها اختك ما بينخاف عليها
جنى:عيني ربك شو بتفهمي وبعدين العالم بلشت تستنفر وتاخد حذرها مارح يقربو مرة تانية
ميادة:حاج تكبري براسها لولا ستر الله كانت هلئ...(تبكي)
جنى:خلص ماما طولي بالك ... ياروحي ولله انا قد حالي
خليل:كلو منك يا كديش
محمد:ولله ما دخلني انا بس رحت لاشتري ومو اول مرة
عدنان:ماعاد في من باب المدرسة للسيارة ومن السيارة لباب المدرسة مفهوووم
محمد:مفهوم
عدنان:لولا ستر الله ولو ما اختك حسنت تفلت حالها كانت مدري وينها
محمد:اسف بابا
عدنان:دير بالك يا ابني الله يرضى عليك هيك ما بصير
جنى:خلص ولو حرام عليكن محمد معد يعيدها ... ولا شو محمد
محمد:لا لا ولله اخر مرة
ميادة:الله يخليلي ياكن😭❤
عدنان:شبنا ام خليل طولي بالك بنتك اخت رجال شبك خلص شدي حيلك
لجين:مزبوط ماما
خليل:يلاا امي فكيها ... انا جعت
الكل:هاد الاخد عقلك
خليل:ههههههه شبكن نبحتو عليي قلت بكسر هالجو المئت هههههه
جنى:ولله معك حق
لجين:رح اعمل سندويشات ع الصاج قومو
محمد:بدي بزعتر
عدنان:حسبو حسابي
ميادة:والي كمااان
"انتهى يومي وبزور لنسيو اهلي القصة بليلتها ...
تاني نهار امي هي الي فيقتني وهي عم تمسح ع راسي .."
جنى:ااااا شبك امي
ميادة:ولاشي ياروحي بس مشتاقتلك
جنى:شبك امي انا مارح طير هههه
ميادة:حاسة حالي مشتاقتلك
لجين:هالله هالله الله يكتر المحبة
جنى(تمد لسانها): ننننن
لجين:اي لكن يا عمي العز لرز
جنى:والرغل شنق حاله 😛😛😛 قومي شنقي حالك يا برغلاية😝
ميادة:هههه خلص بس بنات عيب
جنى(معانقة امها):دخيلو الحنون
لجين:وانااااا
جنى:روحي خلي خالد يضمك
ميادة:جنى عيب
لجين:اي ماشي ...اصلا اصلا ماني مطولة بكرة بتجوز
... وسدقيني يا جنى لحتى لحتى تتمني تشوفيني وهه
جنى:نانا نانا نانانا ... خدي معك مخدة ههههههه
ميادة:هههههههه عيب جنى
لجين:قومو من هون نزعتو نومتي
"قمنا صلينا وبلشنا نجهز حالنا للمدرسة ... خلصنا وجتمعنا ع السفرة .. وبعدها نطلقنا لنبلش بيوم جديد"
ميادة:جنى
جنى:اي ماما
ميادة:حبيبتي بلا ليوم تروحي
جنى:لي ماما
ميادة:حاببتك تضلي
لجين:شبك امي
ميادة:مافيي شي
جنى:ماما انا قد حالي خلص ... وهاه وهاي بوسة
ميادة:طب ديري بالك ع حالك
جنى:حاضر
...يلا بخاطرك"درت ضهر لامشي"
ميادة:جنىىىى
جنى:شبك ماما
"اجت لعندي وضمتني"ميادة:ديري بالك ع حالك يا امي
جنى:امييي ولله رح كون منيحة
ميادة:طيب طيب
"تركت امي وهي محسستني اني مارح ارجع شوفها ... ما بخفي النخزة الي حسيت فيها بس ما كان بدي خليها تخاف ...
تركتها وركبت بالسيارة لوصلنا ع المدرسة...نزلت براس الشارع"
جنى:عمو نزلني هون
ابو احمد:ليش بنتي
جنى:عمو بدي جيب دفتر من المكتبة
ابو احمد:طيب عمي
...
جنى:حنين
حنين:صباحوو
جنى:صباحك... وينك حبابة خديلي الشنتة معك بس لجيب دفتر
حنين:يلا
جنى:لحظة لحظة بس هاتي الجوال ... والمصاري ايوااا ...اي ... يلا خدي انا شوي وبجي
حنين:ناطرينك
"ركضت ع المكتبة وانا عم قطع الشارع...اجت سيارة كبيرة نوع (جيب) نفتح الباب ونترني لجواتها تنين وانا وعم صرخ"
جنى:تركونييييي تركونييييييي
مجهول:دخلها منيح ... يلا مشي صارت معنا
جنى:اااااااااااااااااااااااااااااه تركونيييي بعدوووو عنيييييي
مجهول:سكتهاا
"بلش يقرب من وشي منديل ابيض ريحتو متل الاسيتون ... حطو ع وشي وبلش يضغط ... صرت قاوم بكل الطرق بس ...شوي شوي بلشت حس بفشل بحواسي ... لحتى ما عاد حسيت ع شي...
وهاد اخر شي بتزكرو"
يتبع.....