جابر الجليلي

الجزء الخامس

#جابر_الجليلي_بقلم_زين
الجزء الخامس:
"صرت شوف ملامحه الي تغيرت وكانه بده يفهم شوفي ببالي"
جابر:.....
جنى:شو قلت
جابر:شو هالطلب
جنى:ليك جابر انت عم تنام معي يوميا وبالحرام ذل وضرب واهانة وانا معد اتحمل كف وبحياتو محد لمسني بس انت ماشالله ستفردت فيي ع الاخر ... وهلئ بدك تاخد شي مانو من حقك
جابر:كملي
جنى:لهيك عمله الك وانا مارح عارض ع شي
جابر:بدك اتزوجك
جنى:اي لليلة وحدة يعني لحتى تاخد طلبك وبعدها طلقني وانا رضيانة
جابر:.....
جنى:فكر منيح وردلي جوابك وازا كان لا فا انا ما مستعدة اعطيك شي مو من حقك وعميل ساعتها الي بدك ياه ما فارقة معي يعني ع الاقل بكون حاولت
جابر:......
جنى:خود وقتك ووقت بدك تجيني بالموافقة جيب معك شيخ واهلا وسهلا فيك ...
جابر:شو غايتك
جنى:ولا شي بس عيش نهار بني أدمة وحس اني بشر
جابر:وشو رح تستفادي
جنى:استفادتك من هالصفقة اكتر من استفادتي منها
جابر:كيف
جنى:انت قلت ما بتاخد هالشي مني بالغصب لهيك كتوب كتابك عليي وخدو برضايي لانو ساعتها هو حلالك وسدقني مارح تشوف مني الا كل الرضى
"بعدت عنه شوي وقام طلع ... ما بعرف بشو عم يفكر او انا شو بدي بالضبط بس كان شرفي غالي عليي وازا بده ياخده بس ع الاقل كون كسبانة ... واول شغلة بكسبها ربي ... الي رح يكون معي ... هو بكل الاحوال رح ياخد الي بده ياه بس بدون لا مذلة ولا اهانة جسمي تعب من الضرب وبشرتي جفت من البكى هالمرة مارح فكر بطريقة غبية ... مارح عارضه ورح كون متل ما بده لازم اكسبه لاخد غرضي منه ... لاخد حريتي من ايديه ... امي عطول بتحكي الرجال بده مسايرة وهاد الي رح اشتغل عليه... تركني 4 ايام وبعدين رجعلي ومعو كيس اسود"
جابر:مسكي (زت الكيس) قومي جهزي حالك
جنى:لوين
جابر:مو بدك نتزوج
جنى(بفرح):ايي
جابر:طيب قومي انا 5 دقايق وجاية
"فتحت الكيس كان بقلبه قميص كيوي مخطط احمر وبنطلون احمر وسكربينة لبست ورتبت اواعيي مشطت شعري بايدي مبسوطة انو واخيرا فرجت
اجا وطلع فيي من فوق لتحت قرب ولبسني جاكيت اسود قلي لحتى ما تبردي مسك ايدي ومشينا ... صرلي زمان محبوسة بهالغرفة مريت بالمنور (كوريدور) وانا عم اطلع ع كلشي حواليي كان في رجال كتير كلو ضارب تحية لجابر وواقفين بشكل مستقيم كان المكان بارد اعطى تعليماتو وبعدها فتحولنا الباب
يالله حسيت بشعور العصفور لما افتحلو باب القفص ... اخدت نفس لاول مرة بعد هالفترة الي نحجزت فيها تنهدت وضحكت وطلعت فيه كان صافن فيي وساكت"
جنى:لوين هلئ
جابر:....
جنى:جابر(هزيتو)شبك
جابر:هاا
جنى:لوين بدنا نروح
جابر:اي يلا تعي
"سحبني لعند سيارة سودة كبيرة الدنيا كانت ليل والشجر مخيم بس بعكس المرتين الاولانيات كان في بنجكتورات (مصباح كهربا كبير) عطت اضاءة للمكان... هي اول مرة بجي لهون توقعت نكون بالجبال لانو كان في مليان شجر صنوبر والارض الوعرة .. ركبنا بالسيارة وتحركنا ما حبيت اساله عن شي غير اني فتحت الشباك وبلشت اخد هو ربي ما بدي اشبع من هالنعمة حاسة رح ارجع انحرمها ... بدي اخد اكبر شي بحسن حطو بصدري صرت اطلع ع النجوم ما بعرف قديش ضليت محبوسة عند جابر بس شعور الافراج حلو ...
كان القمر مكتمل حسيت بنسمة خفيفة فاتت لجواتي عرفت ليش لبسني الجاكيت معقول صرنا بالشتوية بهالسرعة
اوف قديش الي ما طلعت
معقول الي زمان بس قديش يعني
الف سؤال وسؤال ببالي
بلش ينزاح الشجر وبلش الطريق السريع يبين ... شفت السيارات تبسمت لا إراديا ضلينا ساعتين ع الطريق لحتى وصلنا ع حارة فيها بنايات ستغربت ليش نحن هون وقفت السيارة عند بناية كبيرة فتلت ع جابر"
جابر:ما بدك تنزلي
جنى:ليش جينا لهون
جابر:بعدين بجاوبك نزلي الرجال ناطرنا
"توقعت يكون الشيخ ... نزلت وطلعنا ع الطابق ال3 طلع مفتاح ودخل اخدلي طريق وفوتني ع غرفة النوم"
جابر:اياكي تلعبي بديلك
جنى:حاضر
جابر:انا حذرتك
جنى:حاضر مارح اعمل شي
جابر:جنى ايا حركة غبية رح تكلفك عمرك كلو ومافي عندي ياماما رحميني وبتعرفي هالشي ... وتذكري عيلتك بين ايدين امينة😉
جنى(بلعت ريقي):حاضر
"طلع ونادا الشيخ اجا وبلش يحكي معي من ورا الباب"
الشيخ:اي يا بنتي مين موكاك
جنى:ما عندي حدا
الشيخ:كيف يعني
جابر:يتيمة شيخي
الشيخ:لا حول ولا قوة الا بالله طيب يا بنتي لازم يكون في شخص يتوكلك عمك خالك ايا حدا
جابر:شيخي مالها ايا حدا
الشيخ:تعا معي يا ابني
"غطو شوي بعدها سمعت صوت الباب البراني نطرت شوي وبعدها طلعت شفت جابر لحاله"
جنى:شو صار
جابر:ولا شي
جنى:لكن وين الشيخ
جابر:راجع
جنى:ليش
جابر:هيك..
"سكتت شوي بس الفضول قتلني"
جنى:ما مشي الحال يعني
جابر:مبلا
جنى:طيب شو صار
جابر:هلئ بتفهمي كلشي
جنى:اوك
"ما كنت فهمانة شي بس عملت متل ما قلي ما حبيت جادله لان كان في شي زاعجه لهيك سكتت نطرنا تقريب الساعة كانت بلشت تصير الساعة 9 صرت اتململ وبعدين روح واجي ويلي فقعني سكوت جابر"
جابر:خلص خيلتيني حاج تروجي وتجي
جنى(بقلبها): تضرب بهالنفسية
"ندق الباب وقف جابر رجع دخلني ع الغرفة وراح فتح الباب سمعت صوت رجال برا ضليت شوي بعدها ندق عليي الباب"
جنى:شوفي
مجهول:اي يا بنتي انا القاضي عياض
جنى:اهلين
جابر:القاضي ليوم جاية ليتوكلك
القاضي:بترضي يا بنتي
جنى:.....
"بلشت فكر انو بقدر ساعد حالي لان القاضي هون بس اهلي ... رجع نكسر ضهري مرة تانية ... مافي عندي حل غير اني كمل باللعبة لاخرها"
القاضي:شو يا بنتي بترضي
جنى:اي حضرت القاضي بقبل
"كتب كتابي الشيخ انا وجابر وسألني الشيخ ازا موافقة او لا بس ما حسنت رد ما بعرف بشو فكرت ... بس ما حسنت رد"
الشيخ:شو يا بنتي ليش ساكتة
جنى:......
الشيخ:يا بنتي حدا جابرك ع شي
جابر:لا شيخي اعوذ بالله
جنى:....
الشيخ:سمعني يا ابني الله يرضى عليك
جابر:حاضر
الشيخ:اي يا بنتي قليلي انت موافقة او لا
جنى:......
الشيخ:يا بنتي ردي عليي ازا في حدا جابرك قليلي ما حدا بيحسن يجبرك ع شي...
جنى:.......
الشيخ:يا بنتي ازا ضليتي ساكتة مارح سجل الكتاب
جابر:شبك جنى احكي
الشيخ:يا ابني ما بصير تجبرها
القاضي:تهدى عليها شيخنا بركي مترددة
جابر(بغضب مكبوت):شيخيي هي موافقة بس يمكن تزكرت اهلها
الشيخ:مافي شي بالغصب يا ابني الله يرضى عليك
جابر:طيب شيخي
القاضي:يا بنتي بصفتي موكلك ازا بترضي احكي
الشيخ:اي يا بنتي لاخر مرة بسالك انت موفقة او لا وبعدها رح الغي الكتاب
جنى(بلعت ريقي):شيخي انا موافقة
الشيخ:موافقة يا بنتي يا جنى بنت عدنان الصياد موافقة تتزوجي جابر فهد الجليلي
جنى:اي شيخي موافقة
الشيخ:ع بركة الله
جابر:الحمدلله
"راح الشيخ والقاضي مع جابر وبلشو يتحاكو كتب الكتاب وجابر جبلي الورقة وفات لعندي لوقع"
جابر:وقعي هون
جنى:......
جابر:مشي الحال ...راجعلك بس اصرفهن... يا مرتي😙
جنى:....
"طلع جابر من عندي بعد ما اخد الموافقة وتوقيعي باسني ع خدي وطلع ... تنهدت وقعدت ع التخت لوقت فات...صار يطلع فيني وانا اطلع فيه ضلينا حصة ع هالوضع لحتى كسرت الجو"
جنى:وبعدين
جابر:ما بعرف
جنى:طب انا بدي اتحمم
جابر:اوك
"فتت ع الحمام تحممت هي اول مرة بعد القرف الي كنت عايشته بتحمم متل الناس خلصت لبست البرنس وطلعت شفته اعد ع الكنبة عم يدخن وقت شافني طلع فيي من فوق لتحت قام ووقف وقرب عليي ... قلبي كان رح يطلع من مكانه تخربطت انفاسي وايديي بلشو يرجفو لحالهن ...
مانها اول مرة بقرب مني مانها اول مرة بيلمسني مانها اول مرة بيتنفس وهو قريب مني ... بس لاول مرة هيك انفاسنا مخربطة كنت سمعانة دقات قلبه ماني لحالي عم حس بهالشي ... ضلينا واقفين شوي لف ايديه حوالين خصري ولزقني فيه اكتر ... كان جسمي كله عم ينتفض هو حاسس برجفتي لهيك حسيتو بهالحركة عم يهديني ... بعد شوي ومسك وشي بايديه ... باسني من جبيني"
جابر:نورتي بيتك
جنى:هههه
"لا تسالوني ما بعرف شو خطرلي لاضحك ... تزكرت معتز لما تجوز ...كان شعور غبي وضحكتي ما حسنت امسكها علامات الاستفهام ملت راسو صرت اهرب بنظري منه"
جابر:ليش عم تضحكي
"اخدت نفس وهزيت راسي بالنفي"
جابر:شبك
جنى:ماشي
جابر:لكن
جنى:ولا شي ولا شي "صرت خبي ضحكتي"
جابر:شبك كاتمة نفسك احكي
جنى(مبتسمة):ماشي ولله
جابر:طب ليش عم تضحكي حكيت شي انا
جنى:لا ابن عمي "خنقت شوي"بتأمرني بشي ... بشي تاني"عم ابلعها بس مو راضية تروح"
جابر:هههههههههههههههه
جنى:شبك
جابر:حركات باب الحارة
جنى/جابر(طلعنا ببعض):ههههههههههههههههه
"بلش يمشط شعري بايديه ميلني ع التخت واجا ليميل عليي بس صديتو"
جابر:شبك
جنى:جابر هو ... هو
جابر:شوفي
جنى:خلينا ناجل هالقصة
جابر:...
ليش
جنى:شوي تعبانة منو برتاح ومنو استوعب الي صار
جابر:.....
جنى:ناجلها مو نلغيها انا وعدتك
جابر:طيب انت رتاحي هلئ والصباح رباح
جنى(مبتسمة):اوك
جابر:اي شي بتعوزيه بس ناديلي انا بالغرفة الي حدك
جنى:اوك
جابر:تصبحي ع خير
جنى:تلاقي الخير
"تركني وطلع وانا صرت امسح جبيني شو صرلي خنقت وما عاد طلع حسي ... المهم هلئ اني رح نام وانا مرتاحة ... غاب عني شعور الامان من لما تركت بيت اهلي ... ليوم عم حسه ماني خايفة من شي ... قمت فتحت الخزانة لشوف شو بقلبها كانت بس تياب لجابر فتحت تاني درفة كانت كمان تياب اله فتحت التالتة فاضية شو بدي البس ... بدي نادي لجابر بس مترددة يفهمني غلط .. شو بدو يفهم ما بعرف بشو عقلي مشوش لفيت البرنس ع حالي منيح وفتحت الباب وطلعت ع روس اصابيعي كانت الدنيا عتمة بلشت اتحسس ع الحيط لشوف وين كبسة الضو"
جابر:شبك
"من الرعبة رجعت ركضت ع الغرفة بعدين ستوعبت انه جابر واني مو لحالي اجيت لافتح الباب صار يدقه فتحته ومديت راسي منو وع وشي راسمة ابتسامة غبية"
جنى:شوفي
جابر:انت شبك قلت بكون لازم شي
جنى:لا ... مبلا
جابر:اي او لا
جنى:اي لا مبلا مبلا اي
جابر:لا حول ولا قوة الا بالله
شبك
جنى:بدي هو بصراحة
جابر:اي
جنى:بدي اواعي
جابر:اواعي شو
جنى:اواعي قصدي تياب الي يعني شي البسه
جابر:في عندك
جنى:لا دورت مافي شي الخزانة فاضية
جابر:بس انا جبت
جنى:وين
جابر:عطيتك الكيس
جنى:لا
جابر:مبلا لحظة..... مبلا ولله عطيتك ياه
جنى:ما اخدت شي
جابر:بعديلي شوي
"عطيتو مجال ليدخل فات وجاب كيس"
جابر:هاد
جنى:ايي يسلمن
جابر:ولا يهمك
جنى:اوك تصبح ع خير
جابر:تلاقي الخير
"سكرت الباب فتحت العلب وطلت منهن اواعي صفنت شوي انو شو بدي البس ما هدول كلهن قمصان نوم مافي شي بيستر ... نكتت لطلع بايدي شورت وشلحة ... كانو مسترين اكتر من اخواتهن ضبيت الباقي ولبست الاواعي نطيت ع التخت وصرت اضحك ... النومة ع التخت بمكتب جابر كانت بشعة هون الفرشة مريحة ... صرت ادعبل وانا عم اضحك تلحفت ونمت وانا فرحتي مو عاطيتها لحدا...
فقت ع ايدين عم تمشي ع راسي نئزت"
جابر:شبك
"فكرت اني بحلم وفقت بواقعي جوا السجن بس لا كان كلشي مكانه"
جنى:ما فيي شي
جابر:صباح الخير
جنى:صباح النور
جابر:قومي فطري
جنى:اي بس لغسل
جابر:يلا ناطرك
"قمت غسلت سرحت شعري وجيت لاطلع بس شو مشان لبسي .. هو جوزي عادي يعني بس لا عيب ... بلشت افتل بمكاني لحتى رجع نادالي .. نكشت الكياس وطلعت روب نوم مانو هالطويل بس احسن من بلاه ... زبطت اموري وطلعت ... قربت وأعدت وبلشنا ناكل ونحن ساكتين"
جابر:انا ليوم عندي شغل يمكن ما ارجع للمسا او لبكرة الصبح
جنى:طيب
جابر:اي شي بدك ياه رح اتركلك موبايل ع ال3 الضهر بحكيكي لشوف شو لازمك
جنى:ماشي
"خلصنا اكل عطاني الموبايل وانا فرحتي واصلة لادنيي واخير رح اوصل لاهلي ... يمكن ما خطرلاو هالشي ... باسني من جبيني وراح ما بعرف شو صايرله بس ما مهم المهم الموبايل .. نطرت شغلة نص ساعة وبعدها نطيت ع الكنبة فتحت الموبايل بس حظي وبعرفو 💔 كان مسكر يعني لومانو مطمن ما بيعطيني ياه