جابر الجليلي

الجزء الثامن

#جابر_الجليلي_بقلم_زين
الجزء الثامن:
"كنت عم اسمع صواتهن عم ترن بداني ما بعرف قديش الي فتحت عيوني كنت بغرفة بيضة كلها ابيض بلشت ركز نظري كان واقف ع الشباك عم يدخن ... حاولت اتجلس نتبه عليي ركض لعندي وبلش بساعدني ما كنت حسنانة اطلع بصورة وشه لحتى دخل الدكتور"
دكتور:الحمدلله ع سلامتك مدام
"كتفيت بهز راسي مع بسمة رضى"
دكتور:العوض بسلامتكن يارب حاولنا نأنقذ الطفل بس كان عمره اسابيع والخبطة كانت كفيله بموته
"غرغرت الدمعة بعيني ولفيت وشي طلع الدكتور وقعد جابر حدي حسيت ايده لمست ايدي سحبتها دغري ... ضليت يومين بقلب المشفى وبعدها خرجني ورجعنا ع البيت
رجعت بلا روح صار جابر يحاول ويدابل فيي لاحكي بس ما كنت اعطيه اي استجابة ولا ورجيه امل برجعتي متل ما كنت ... كان يلفني يوميا وينام بس عطول عاطيتو ضهري ولما يجي ياخد طلبه كنت اتناشف وما اتحرك ولا اعمل شي ينفخ ويمشي حتى عن البيت ما عاد بات براتو ... صرتلو جسم بلا روح صار يضوج مني بس ما كان يحكي وانا ما كان الي نفس احكي معو ليوم اجا ودغري فات لعندي ع الغرفة"
جابر:قومي لبسي وضبي كم غرض
"طلعت فيه وما تحركت"
جابر:قومي يلااا
"بعد الغطا عني وشدني ما عطيتو ايا اهتمام بلشت يساعدني بتغيير اواعيي لان كنت شبه ميتة مشطلي شعري خلص وضب كم قطعة تياب ونزلنا وطلعنا بالسيارة وبلش يسوق كان الطريق اشبه بالطريق الي طلعنا منه طريق السجن قلبي نقبض وبلش نفسي يعلا وينزل لتفتت لعندو كان عم يمشي بلا صوت وملامحه باردة كنت خاف منه لما يصير هيك شكله ترددت عن السؤال وسألت"
جنى:وين ... وين ريحين
جابر(يبتسم):مشوار
جنى:لوين
جابر:هلئ بتعرفي
"بعد ساعة بلشت تبين علينا بيوت كانها ضيعة بلشت شوف الراحة ع وشه لحتى وقفنا عند بيت وضعه احسن من غيره نزل جابر ولف لعندي ونزلني ما كنت خايفة بالعكس تسلل لقلبي شعور الامان من جديد مسك ايدي ومشينا لعند باب كبير فتحتلنا مرة عمرها بال40 ملامحها مريحة وفيها شبه من جابر اول ما شافتني كشرت"
حياة:اهلين ابني (فتحت ايديها لضمو)
جابر:كيفك يا غالية
حياة:مشتاقتلك يا ضنايي
"صارت ضمو وتشم ريحتو وتبوسو ما بنكر ما نزعجت بس دغري بعدت هالشعور بالاخير هي أمه بعد عنها وقربني"
جابر:يامو هي جنى الي خبرتك عنها
حياة:اهلين
تفضلو
"كان ترحيبها ناشف معي بس ما هتميت فتنا ع البيت وقعدنا بالصالة شوي لحد ما اجاه تلفون لجابر وطلع لبرا"
حياة:انت مرتو
جنى:اي
حياة:قديش عمرك
جنى:20
حياة:كيف تعرفتي ع جابر
جنى:هاا
حياة:استوعابك بطيئ كانو
جنى:ههههه
حياة:وين اهلك
جنى:.....
حياة:نسيت معلش بنتي العوض بسلامتك الله يرحمن
جنى:تعيشي خالة
حياة:قومي دلك ع غرفتك
"بلشنا نمشي لوصلنا ع غرفة فتنا كانت الغرفة بسيطة كتير وحلوة"
جابر:وينكن يا نسوان
حياة:هون امي فوق
.....
جابر:شو ... شو عم تعملو
حياة:عم فرجي الغرفة لمرتك فوتو رتاحو لخلص الغدا
جابر:اي ماشي
.... تعي جنى
جنى(بسرعة):لا لا بدي انزل معك خالة
حياة:بس انت تعبانة
جنى:لاا هههه انا منيحة مشي مشي دليني وين المطبخ
"جريتا معي بس بدي اهرب ما بدي غرفة تتسكر عليي انا وجابر شفتو كيف نزعج بس ما مهم
نزلنا وبلشنا نحضر الغدا ... اول ما جيت حسيت امه مو هاضمتني بس وقفتنا بالمطبخ ونحن عم ندردش سوا كتير حبيتها انسانة بسيطة بشكل كانت بتشبه جابر كتير نفس الضحكة ونفس طريقة الحكي ... خلصنا الغدا وبعتتني لصحي جابر طلعت ع الغرفة فتحت الباب وفتت كان نايم وعاطيني ضهرو بلشت ناديلو بس ما نفع قربت ع ضهرو وصرت انكشو بس ما حرك ساكن مسكت كتفو وقلبته نترني لحضنو ولفني"
جابر:كان بدك كل هالقد لتنادي اسمي
جنى:بعددد لا تجي امك
جابر:خلصص اهدي لعما بحياتك ما بتعرفي شو يعني هدوء
جنى:جابر ما تجي امك عيب بعدين الغدا جهز قوم
جابر:مارح بعد لتبوسيني
جنى:جابر لا تجن قوووم
جابر:مو بسببك مجنونة وجننتيني
جنى:جابر بحياتك قوم
جابر:مارح قوم بلا بوسة
جنى:طب طب امك بركي اجت ع غفلة
جابر:بس بوسة يا عنيدة
"بستو بسرعة وبعدت"
جنى:يلا قوم
جابر:بلله جد
جنى:شبك
جابر:شو هاي
جنى:بستك
جابر:هلئ هي بوسة
جنى:ليش شبها
جابر:متل الي عم يضحك ع التاني
جنى:جابر بحياتك قوم
حياة:يا ولاااد شو صار معكن
جنى:مبسوط هي امك عم تنادي
جابر:مارح اتحرك لا تعاندي اعند منك
جنى:لا اله الا الله جابر مو مقعول انت قوووم
جابر:مارح اتحرك بلا بوسةةة
جنى:طب طب "رجعت بستو بسرعة"منيح هيك
جابر:شو عم تضحكي عليي
جنى:يالله شو بدك هلئ
جابر:بووووسة
جنى:طب ما عم تعجبك
جابر:لانك عم تبوسي بلا نفس
جنى:طب شلون بدك ياها مع نفس اركيلة ولا كاسة شاي
جابر:لا هيك
"قرب علي بلشت رفرف بعيوني وبعد شدني لعندو وباسني صرت دفشو خفت تجي امو بس كلما دفشو يشد اكتر عليي ويرص اكتر لحتى بطل في نفس بعدني شوي"
جابر(يلهت):هيك بتكون البوسة
جنى(تلهت):كنت خنقتني
جابر:كنت عم علمك
جنى:قوم قوم امك عم تنادي
جابر:هاتي بوسة تانية بحيات النانا
جنى:ههههه جابر عيب بقا قوم
جابر:اضرب انا وهالحظ
جنى:قوم قوم
"نزلنا تغدينا ونحن عم ندردش مع بعض مر الوقت بسرعة قمنا ضبينا وبعدها سهرنا شوي خلصنا وقمنا ع النوم"
جابر:هيههيهههه واخيرا
جنى:خالة خالة
حياة:اي بنتي
جنى:معلش نام جنبك
حياة:ليش بنتي شبك
جابر:لييش
"قربت عليها وشوشتها وجابر رح يخنق مني بعدت عنها وانا ومنكسة راسي"
حياة:تكرم عينك تعي معي
جابر: لوين لوين
حياة:جنى تعبانة شوي بدها تنام عندي الليلة
جابر:شبك جنى "بلش ياشرلي بعيونو ع الغرفة بس انا تخبيت ورا ضهر حماتي"
حياة:جابر خلص امي تركها عم تقلك موجوعة
جابر:امي مافيها شي
جنى:اخ بطنيي
حياة:تعي معي بنتي يلا تصبح ع خير جابر
جابر:بس اميي
"فتلت ع جابر ومديت لساني اجا ليلحقني ركضت لعند حماتي
نمت هديك الليلة عندها"
جنى:خالة
حياة:اي بنتي
جنى:معلش نام بحضنك
حياة:... تعي
"نمت بحضن حماتي هديك الليلة تذكرت امي وحضنها عنجد الام غير ... فقنا تاني نهار رحت لفيق جابر ما لقيتو"
حياة:شو بنتي وينو جابر
جنى:ما بعرف ما لقيتو
حياة:ع هالعادة
جنى:ليش وينو
حياة:بكون طلع ع الارض
جنى:وين يعني
حياة:هلئ بيجي
"حطينا الفطور ع جية جابر افطرنا وخلصنا وقمنا نضب السفرة"
حياة:قومي معي
جنى:لوين
حياة:بدي اخدك عرفك ع الجيران
جنى:يلا لالبس
"طلعت لبست بنطلون جينز بحري وقميص عفني ونزلت اول ما شافني جابر بلش يعض ع شفافو ما فهمت شبو لشفت نظرت حماتي الي كاني عاملة مصيبة"
حياة:شو هاد
جنى:شوفي
حياة:ليش هيك لابسة
جنى:شبو لبسي (صرت اطلع ع تيابي)
حياة:هلئ هيك بدك تطلعي
جنى:اي ليش شو في
حياة:بنتي عنا بالضيعة ما زابط هاللبس
جنى:ليش
حياة:لبسك ديق
جنى:طب شو البس
حياة:ما عندك فساتين طويلة
جنى:لا
حياة:اممممم طيب تعي معي
جنى:.....
"رحت مع حماتي طلعتلي فستان كحلي وسومو مورد بفلل سماوي وع النص في زنار سماوي كتير الوانه وموديله حلو لبست تحتو سكربينة عشبية بسيط موديلها جدلتلي شعراتي السود وحطتلي كحل اسود جوا عيوني طلعت بالمرايا ولا كاني انا ... طلعت لعند جابر اول ما شافني سكت بلشت دور بالفستان"
حياة:تقبري قلبي محلاكي طالعة
جابر:شايفة تنقايتي امي
جنى:هههه
"ما بعرف ليش اجتني الضحكة لانو انا الي عرضت ع جابر الزواج طلعو فيي التنين"
جابر/حياة:شبك
جنى:ولا شي
جابر:ليش ضحكتي
جنى:تزكرت شغلة
"رحت وشنكلت حماتي"
جنى:يلا امي
حياة:يا تقبري قلبي (باستني) انت وهالكلمة
جابر:شو يعني وانا
حياة:تعا قرب لا تغار (باستو)
جابر:معد جيبها
حياة:يوه لييش
جابر:دغري بدلتيني
حياة:ياروحي لا بس جنى زادت ع محبتك محبة
جنى:يخليلي قلبك
حياة:يلا نمشي
جنى:يلا
"طلعت انا وامي لعند مرت المختار بلشت تبويس فيي انا قلت يلا مافي غيرا بس لااا اتاري ريحين ع مرت المختار لان الكل رح يجتمع ... متخيلين شكلي كل وحدة تمجقني 6 او 7 بوسات يا امة الله متت بهداك النهار"
حميدة(مرت المختار):ماشالله اسم الله والنبي شو هالملاك
حياة:تنقاية جابر يقبر قلبي
جهان:ولله ع لاحت جابر
كريمة:اي ماشالله صبرتي ونلتي يا حياة
فريال:اي ولله ماشالله أية من الجمال
حياة:طالعة لحماتها
فريدة:اي عنجد كأنها ياكي بصباكي
حياة:ليش هلئ شبني
خلود:ما تاخدي ع خاطرك حياة فريال ما قصدها ما شالله عنك لساكي قمر
جبرية:لو اني جايبة زهرة ولله كانت نبسطت فيها وصارو صحبات
حياة:ان شاء الله غير مرة
"تغدينا وخلصنا ورجعنا ع البيت ع المسا كان جابر نايم امنت ع امي وطلعت لعند جابر كان بسابع نومة تسللت ع روس اصابيعي بدلت ودخلت لتحت الحرام كان الجو بالضيعة بارد كتير وجابر مو جايبلي لبسة تقيلة دخلت تحت الحرام وانا وعم تكتك من البرد
حسيت ع ايدين جابر عم تلفني وسحبني لعندو"
جنى:جابر بحياتك تركني مزنطرة
جابر:بدي دفيكي
جنى:هلئ بدفى
جابر:طب انا بردان
جابر:شلون بدك دفيني وانت بردان
"علا راسو"
جابر:في بالكيميا بقولو انو جسمين لما يحتكو مع بعض بيعطو طاقة حرارية يعني لما (طلع فيي) ما فهمتي ... اممم ... خلص انت قربي وما عليكي
جنى:يعني رح نعطي طاقة
جابر:خلص نامي
جنى:طب زيحلي شوي ... بعد رجليك لا لا .... لا تحطهن هون
حاسستك اخدني ع مسلخ ليش كامش ايديي ورجليي
جابر
جابر ...
نمت
اوف طيب ما قلتلي تصبحي ع خير
جابر:تصبحي ع خير
جنى:يعني فايق وما بترد
جابر:حدا قاك انك نكدية
جنى:لا ولله انت اول واحد
جابر:منيح طب حدا قاك انو جسمك دافي
جنى:اي
"فز ع حيله وجحر فيني"
جابر:مييين
جنى(ببرودة):شو مين
جابر:مين قايلك هيك من قبل
جنى:مين قايليي شو مين قايلي شو بدن يقلولي
"نترني لصرت تحتو وملامحو ما عادت تتفسر"
جنى:شبك
جابر:لا تجننيني مين قايلك هيك من قبل
جنى:ولله ماعم افهم عليك
جابر:شوفي لا تجننيني مين حاكيلك انو جسمك دافي
جنى:ايييييي
جابر:ايييي شوووو
جنى:امممممممم ما بتذكر
"وغمضت عيوني"
جابر:جنى ازا ما حكيتي رح تندميييي
"رجعت فتحت عين وسكرت عين"
جنى:اي اي تذكرت
جابر:مييين
جنى:لا لا مو هو
"رجعت غمض واعمل حالي عم خمن مين هيك حكالي"
جنى:امممممممممممم
جابر:مييين
جنى:يمكن
جابر:اييي
جنى:لا لا مو هو كمان
جابر:معك لل3 وبعدها مارح يعجبك الي رح يصير
جنى:اي صح هاد انت
جابر(باستفهام):انااا
جنى:اي
جابر:ايمت
جنى:يوم كنا بالجبال
جابر:ما بتذكر
جنى:اول مرة قربت عليي
جابر(يتذكر):اي صح ولله انا كيف نسيت
جنى:اه يا خاين العشرة بتنسى شي بخص مرتك
جابر:فشر
"قرب راسو ع راسي وانفه ع انفي"
جابر:انت عم تمشي مكان دمي
جنى:صدقتك
جابر:اثبتلك
جنى:شو بدك تعمل
جابر:قربي سمعي (قرب صدره ع داني) شوفي عم يقول جنى جنى جنىىى
جنى:لا ما هيك عم يقول
جابر:بدك تقنعيني انت شو عرفك اصلا
جنى:ييه شو شو عرفني عم يعمل بس دق دق دق دق
جابر:بلله جد ولله مالي خبر
جنى:وهي ساويت عندك خبر
جابر:الله يبشرك بالخير وقلبك كمان عم يعمل دق دق دق دق
جنى:بتوقع
جابر:فرجيني
جنى(بخوف):شو بدي ورجيك
جابر:كيف عم يدق
جنى:قرب سماع
"حط راسو مكان قلبي"
جابر:اي ولله مزبوط
جنى:شايف
جابر:ما بدك دفيكي 😈
جنى:لا ... لا لا
جابر:يا إللهي مرة وحدة كملي هالرومنسية
جنى:خلص تركني بدي نام فارطةةةة
جابر:طب تعي لقلك
جنى:لا لا بلا هيك
جابر:مرة وحدة بس مرة وحدة ما تحوصي
جنى:انا بحوووص يا جابر😳
"حط ايده ع تمي ولفني بايديه ورجليه لاثبت"
جنى:اممممممممممممم
جابر:نامي نامييي
يتبع....