هلو هلو اعرف صار هوايه غايبه وماجاي انشر ايي بارت بس اليوم انشر لكم احداث جديد
اكول شبي لليل من يجي
ينكلب الحال واتمنى مايجي
صار الكلب مهوس بكثر مايفكر بيهه
هذه البارت يحجي عن ذهب وهمام احاول انقل لكم تفاصيل عن حبهم
ذهب...... اول مره بحياتي راح اروح لبغداد حاسه بشعور حلو شكد اتخيل اروح لهناكه بس ياريتني مارحت ولا شفت بغداد
(خلي نفتهم ليش ذهب هيج حجت)
يلا نعرف
ذهب...... متعوده الصبح اكعد واكعد اخوتي جنت اتمنى عندي خوات مواخويه لمن اشكي همي اذا تذيت اخاف احاجيهم يله اروح اكعد اسياد احسن
احمممم اسياد.... لك اسياد متكعد مو شلعته لكلبي كل يوم اني اجي اكعدك مره وحده انته تكد بدون محد يكعدك
اسياد...... بله انتي كل يوم هيج تحجين وتجين تكعديني وانتي الممنونه اكول شوكت اخلص منج بلكت ارتاح لن تعبتيني
ذهب........ فوكاههه تخلص مني مو اوكي المصيبه اني تومك بس يله يجي يوم واروح وكتهه اكعد وكابل صوري عود ولا تنساني تمام
اسياد...... ايي الي يسمعج يكول راح تموت وتعوفنه
ذهب..... يمكن ماتدري
اسياد.... سديتي نفسي ماريد حتى ريوك
ذهب.... بعد احسن يله كوم ورانه روحه لبغداد اليوم عيد عندي
اسياد..... ايي مو راح تلتقين بالملكه اليزابيث مو هو راح تروحين تلتقين بمرت اخوج الي صاله اسبوع من راحت لهله
ذهب..... واذا يله تكوم عاد
ام غياث...... ولج ذهب يله يمه كومي جهزي نفسج علمود لا نتاخر يله ولج
ذهب..... ايي يمه كايمه شفت امي كامت تعيط كوم عاد
اسياد......افتهمت والله افتهمت كايم اروح اسبح حضليلي ملابسي
ذهب..... حاضر سيدي اوامر ثانيه
اسياد..... لا حبيبتي اريدج سالمه فديت الخدودو
ذهب..... دير بالك تلزم خدودوي
اسياد..... ليش ولج تعالي هنا هههههههه شردت تخاف ع خدودههه وتريد تموت خبله اختي
بس اكول الله يصبرج يطولت البال
ذهب..... حاسه بروحتي هاي راح تصير بيهه احداث ماجنت متوقعه انو راح اوكع بطريق ماله رجعه ماجنت حاسبه حساب انو احب بس شنو الفايده من الحب اذا جان راح يدمرني 💔❤️🩹
ليث...... يله الكل جاهز علمود نطلع وين ذهب..ذهب يله بويه راح نتاخر
ذهب.... ايي اجيت..... طلعنه والطريق طويل ومللل وابويه وامي واسياد واسيد بسياره واني ويه ليث لن بحد بالسياره اني صح افتخر بخوتي بس ماحب كل شويه واحد مشاقي ويايه ولازم خدودي ههه اما اسد وغيث بغير سياره يعنى ٣ سيارات طالعات ماعده الحمايه اضوج من الحمايه لن يضلون مقيدينه هسه تكولون ليش عدهم حمايه ابويه معوف وشيخ ال...... المهم اله اسمه وهو رجال معوف وله معارف هم بالدوله يعنى ابويه واصل بس اذا من ناحيت ولده هذه خط احمر اعرف انو اخويه غياث مثل ابويه قاسي بس من داخله انسان ثاني بس منضره من بره قاسي بارد مستفز ومغرور مرات ومرات يكون انسان متسلط ايي اخوتي كلهم هيج بس من تجي تتعرف عليهم. راح تحبهم ماجنت حاسه ع الطريق ماشوف له بوابه بغداد من جنهه الجنوب مكتوبه بغداد ترحب بكم كلش فرحت لن راح اشوف بغداد الحمدلله بس ليث وكف السياره وكال ثواني راح ماعرف وين جان ماشوف له فتح باب السياره ونطاني جيس بي حلويات
ذهب..... فديت الحنين
ليث..... اعرف بيج تحبين الحلويات لهذه وكفت اشتريلج حلويات لبنيتي
ذهب..... وصلنه مو
ليث..... اي وصلنه بس باع الساعه بيش
ذهب..... شفت الساعه ب٣ الضهر حيل شكد صالنه من طالعين هسه يلهوصلنه طلعنه ساعه ب٩ وصلنه ب٣ ماعرف كل هل الوقت جنه بالطريق يمه همزين ماعرف اسوق جان بنص الطريق اعوفهم واروح 😂😂😂
وصلنه بيت هديل اوف شكد مشتاقتلهه الخبيثه ماتسئل عليه نزلنه كلنه ودخلنه رحبو بينه بس بيتهم للصراحه بيتهم تقريبا مثل بيتنه يعنى حلو
