أحلى غلطه 💫🤍

٣

نطوف فتره
كنت نايمة فالصالة ولا ابوي يدخل علي و كنت نايمة و مذكراتي فوق (نسيته مفتوح) وعلى حظي أبوي جاف كل اللي كاتبه عن عزيز!
‏ابوي صرخ بصوت عالي: ريمااااا
‏أنا: اي يبا
ابوي: شنووو هذاااا؟!!
‏طبعا ابوي ما قصر زفني قال لي أول شخص يجي يخطبج بوافق عليه حتى لو انتي مو موافقه
‏طبعا هذي الفترة كانت علاقتي أنا وناصر حيل متوتره وما كنا نشوف بعض غير ف البلكونة (للتذكير: عندنا بلكونة مشتركة بين داري وداره)
-
‏بعد تقريبا اسبوعين ولد رفيجات أمي خطبني وأنا ما كنت موافقة بس ابوي عطاهم موافقه وغصب اقعد معه
‏ ما كنت ابي اقعد معاه طول القاعده وأنا ماسكة نفسي عشان ما ابجي 😭
‏طبعًا أبوي عطاهم الموافق بعد ما قعدت معه وقلت لازم أسوي شي لأنه ما أبيه
‏كنت قاعده على البلكونة ولا ايي ناصر
اول ما جافني: اوه سوري خلاص بروح
انا: لا عادي شدعوه ناصر اقعد
ناصر قعد بس كان ساكت
‏أنا قلت بروح اييب رواني تلطف الجو
‏أول ما دخلت مع روان
‏ناصر: رورو
انا: ها
ناصر: أقصد روان
‏أنا: ايه سوري حسبالي تناديني أنا
‏ناصر: عطيني روان
‏أنا عطيته روان وقاعد يلعب معاها ويحاجيها 🥹🥹
‏أنا: ناصر عادي تعطيني رقم ولد رفيجة أمي اللي خاطبني سمعت عزيز يقول انك تعرفه
ناصر: عادي أعرف ليش؟!
انا: بحاجيه وبقول له إني مغصوبه چود يهون
ناصر: أها اوكي بدزلج الرقم
ناصر يمي و آنا أكتب -
انا: هلا أنا ريما، في شي مهم لازم أقوله لك ممكن نتقابل باجر!
: أي متى و دزي لوكيشن
انا: تمام
-
بطوف لين اليوم اللي بعده على البحر (البحر اهو الكان اللي مستحيل نصادف فيه ناس نعرفهم للي يتسألون ليش البحر)
‏طبعا قبل ما أروح دزيت حق ناصر لو يبي ايي معاي بس قال ما راح ايي
‏أنا شرحت حق ولد رفيجة امي كل شيء واهو تفهم الموضوع وطبعا ما يبي ياخذ وحده مغصوبه عليه.
ولا تخيلوا ناصر كان صافط وقاعد يشوفنا
‏طبعا اليوم اللي بعده ابوي يا عندي و كان حده معصب
‏ابوي: ريما شقايله حق الولد
انا: يبا مو قايله شي
‏أبوي: أكيد قلتي ليش يهون فجأة
انا: ما أعرف يبا
ابوي: ترى بعدني على وعدي أول شخص يجي راح تتزوجينه
-
انا سكتت