သို့...ချစ်ရပါသော တီချယ်စိမ်း(Complete)

သို့...ချစ်ရပါသော တီချယ်စိမ်း (part-3)

ညနေကျောင်းဆင်းတော့ ခန့်ကစက်ဘီးနဲ့ဆိုတော့ နောက်ကျမှထွက်ရသည်။ ထိုအချိန် G-10က ကောင်မလေးတစ်ဖွဲ့က ခန့်အနားရောက်လာသည်။

'အမ'

'ဗျာ ဟုတ်'

'ဟိုဟာလေ...'

'အင်း'

'facebook acc လေးပေးလို့ရမလား'

'အော် နေမင်းခန့်လို့ရိုက်ရှာလိုက်ရင်တွေ့လိမ့်မယ်နော်'

'ဟုတ် ကျေးဇူးပါ'

ထိုအချိန် ကောင်မလေးတစ်ယောက်မှ

'ညီမနာမည်က နွေရနံ့ပါ'

'အင်း'

'ညီမတို့ ခင်လို့ရမလား'

'ဟုတ် ရပါတယ်ဗျ'

'အဲ့တာဆို ဖုန်းနံပါတ်လေး တစ်ဆိတ်လောက်ပေးနိုင်မလား'

ထိုအချိန် မျက်ဒေါင့်နီကြီးနဲ့ ကြည့်နေသော ခန့်အမျိုးသမီးလေးကိုတွေ့လိုက်သည်။

'ဟိုလေ ခန့်အမျိုးသမီးလေး စောင့်နေပြီမလို့ သွားလိုက်အုန်းမယ်နော်'

'ဟင်...ဟုတ်'

ခန့်လည်း စက်ဘီးလေးကိုတွန်းကာ ခန့်အမျိုးသမီးလေးနောက် အပြေးလိုက်သွားသည်။

'တီချယ်စိမ်း'

'....'

'တီချယ်စိမ်းလို့...'

'....'

'ခန့်အမျိုးသမီးလေးရေ'

ထိုအချိန် တီချယ်စိမ်းခြေလှမ်းများ ရပ်တန့်သွားသည်။ ပြီးနောက် ခန့်ဘက်လှည့်လာသည်။

'ဘယ်သူ့အမျိုးသမီး'

'ခန့်အမျိုးသမီးလေးလေ'

'ဘယ်သူ့က သူ့အမျိုးသမီးလုပ်မယ်ပြောလို့လဲ'

'တီချယ်စိမ်းကကွာ မလုပ်ချင်ဘူးပေါ့ ရတယ်လေ တီချယ်စိမ်းရဲ့ သဘောဘဲ'

ဟုဆိုကာ ခန့်စက်ဘီးကိုတွန်းကာ ထွက်သွားသည်။

'ဟော ဒီကကောက်မလို့ဘဲရှိသေး သူ့ကကောက်သွားပြီ'

စိမ်းလည်း ခန့်နောက်ကို အမှီလိုက်ရသည်။ ထိုကလေးက တော်တော်လမ်းလျှောက်တာ အတော်မြန်သည်။ စိမ်းအမှီလိုက်ရင်း ေချာ်လဲလေပြီ။