عند سلطان و رنود
الدكتوره طلعت و راحت
سلطان استغرب و ماعطاها اهتمام و دخل و هو معه مويه : خذي مويه اشربي
ريناد : مابي
سلطان : ياليل اليل اشربي لاتزعجيني اشربي
ريناد اخذت مويه
سلطان : ايه كذا خليك محترمه
عند العيال و البنات
الدكتور : للاسف هو في غيبوبه مانعرف متى بيصحى منها
احمد : الله يكون بعونه
ديم و هي مصدومه : ماما وش يعني غيبوبه يعني مات
احمد : لا الله لايقولها يعني غيبوبه مايقدر يكلمك و كذا مايشوفك
ديم ركضت بسرعه و دخلت راحت له و هي تبكي : راكان راكان انت قلت مابتتركني راكان انت قلت مابتتركني ليه تكذب ليه ماتوفي بوعدك ياراكان ليهه
دخلوا كلهم و يناظرون راكان
احمد يتذكر يوم راكان يقول : عمي ليه امي و ابوي مايحبوني ليه تركوني و تفرقوا ابي اكون نفس اي طفل عند امه و ابوه و انا عمك الكل يحبك ياراكان هم تفرقوا ل ظروف مب لسبب انهم يكرهونك الكل يحبك و انا اولهم
احمد صد و هو ضايق صدره : الكل يحبك ياراكان اصحى الكل خافوا عليك و يبكون و يقولون ارجع لنا ياراكان الكل يحبك
لينا ركضت و راحت باسته على راسه : لاتروح وتخلينا ياراكان لاتروح و تترك عمتك الي تعتبرك ولدها من كثر ماهي تحبك ياراكان
عند سلطان و ريناد
سلطان : يلا بنروح لهم يلا
ريناد قامت و راحت وراه
راحوا
سلطان : ابك هذول وين اختفو ياليل الوهقه
الدكتور : تدورون على احد
سلطان : ايه راكان بن محمد بن فهد
الدكتوره : في هاذي الغرفه
سلطان دخل بسرعه : وينه بو محمد
احمد : هاذا هو في غيبوبة
سلطان انصدم : وش ؟؟ طلع عشان مايشوفهم مكتئبين
احمد : غزيل هدي و روحي اجلسي مع سلطان
غزيل و هي حزينه طلعت جلست جنب سلطان : يدك توجعك
سلطان : لا
غزيل : لاتكذب علي اعرفك سلطان لو شي وجعك بتقول انه ماصار شي سلطان انا اختك قولي كل الي داخلك
سلطان : صدق مافيني شي
غزيل : سلطان
سلطان : وش وش
غزيل : لاتسوي انه مافيك شي
سلطان : وش تبييني اقول وش اقول انا اكرهكم انا ماحبكم ولا وش وش تبيني اقولللل صدق تعبت ياغزيل تعبت كثير و انا اضحك و ابين ضحكي و ابتسم بس من داخلي مكسور وش تبيني اسوي ولد اخوي في المستشفى طايح في غيبوبه و اضحك و اقول عادي بيصحى و انا مدري لو بيصحى ولا لا خلاص تعبت تعبت صدقوني بس لو مره وحده تسمعوني و تقولون حنا غلطانين بس وش انا الي اطلع غلطان و كل ماصارت مشكله قلتو سلطان هو الي له دخل والله ماعرفت وش اسوي ماعرف وش اقول تعبت ياغزيل تعبت ضايع ماعرف وين انا ماعرف وش اقول وش اسوي ماعرف صد وهو ضايق صدره
غزيل حطت يدها على كتفه : سلطان حنا معك كلنا نحبك ماحد يكرهك لاتخلي الكل يكرهك و انت الكل يحبك و انا اولهم ومن حقك تفضفض من حقك تفضفض و تطلع كل الي بداخلك ياسلطان الكل في عقله يقول انه ماحد يحبه و صح نص العالم او اغلبهم يقولون يكرهونك لاكن صدقني هم يحبونك ماحد يكرهك و انت رجال مافيه شي يهزمك و يهزك ياسلطان و صدقني اني بضل جنبك لو احتجت تفضفض ل احد تقدر تفضفضلي في اي وقت
سلطان صد : مابي شي مشكوره غزيل راح و شافه سعود
سعود عرف انه في شي : وش فيك فيه شي
سلطان : ليه كل التعب و السب و اشياء الدنيا كلها فيني ليه ياسعود
سعود ضمه : لاتتعب نفسك يا سلطان ناظرني
سلطان ناظر فيه
سعود ضحك : ياورع اضحك وش حمار ماتضحك اضحك
سلطان ابتسم
سعود : ايه كذا ابتسم لاتخلي العالم تهزمك خلك قوي و ماتحزن لو مات قدر الله و ماشاء فعل قدر الله الحين خلنا نروح نشتري عصير و نروق طيب هناك ينتظرونا فارس و عزيز
سلطان : زين راحوا
