ام خالد : ايه وشبلاك
جمال : جيبي أغراضك و تعالي السياره
خالد : مابتروح إلا لين ماتعلمني بالسالفه ذي وش
جمال : مالك دخل لو ماتقلب وجهك ذا و تذلف بكسر عظامك
خالد : جرب والله ماتاخذ أمي إلا و هي راضيه تروح
جمال : احلف مايهمني باخذها
ام خالد : هدو هدو جمال وش صاير
جمال : وش صاير اخو رجلتس ماخذ وظيفتي ولاعب برأس المدير و المدير طردني
خالد : زين امي مب اي شي يصير معك تجرها لك رفع إصبعه السبابه والله ان دخلت امي بسالفه و كل شوي تجرها مابتلوم إلا نفسك و امي عندها بيتها و عيالها و رجلها و لو بتجي بيت ابوها جت مب تغصبها و هي ماهيب بزر عندك عشان تكلمها بذا الأسلوب اكبر منك تراها و شغل مخك شوي
جمال : شدخلك انت شدخلك اختي قبل لاتكون امك تسمع اختي
متعب : وهو ماكذب في شي صدق امي لها رأيها و ان تحسب ماحد معها معها عيالها
جمال عصب
ام خالد : اخوي على عيني و راسي بس عندي اشغال بزوركم بيوم من الايام
جمال مسك يدها و شد عليها بقوه : جهزي أغراضك بسرعه
خالد دف خاله و متعب سحب امه خلفه
متعب : مالك حق تمد يدك على امي
خالد لوا يد جمال : اليد الي تنمد على امي تنقطع تسمع
جمال : فكني فكني لابارك الله فيكم طلع برا البيت
اليوم الثاني ~ العصر في المجلس
سلطان : سعيد
سعيد : هاه
سلطان : واحد من شباب يقولي انه فيه استراحه فيها فله بلاستيشن و بلوت و كذا وش رايك نروح لهم
سعيد : تم متى
سلطان ناظر ساعته : الحين تم ؟
سعيد : تم بس وين
سلطان : بالمدينه مب بعيد
سعيد : ابشر
سلطان : كفوو وش رايك ناخذ سعود معنا
سعيد : تم
طلعوا سلطان و سعيد و راحو لبيت سعود
دق الباب سلطان و فتح الباب عبدالعزيز
عبدالعزيز : شعلومكم
سعيد : الحمد لله بخير وين سعود
عبدالعزيز : بقوله يجي سعود سعود
سعود طلع و هو لابس الشماغ و مسوي عصبه : سم
عبدالعزيز : تعال يبونك
سعود راح : هلا والله ارحبو وش الخطه
راحو يمشون الثلاث
ونطق سلطان : الخطه ياطويل العمر اننا بنروح
سعود : وين
سعيد : حد من شباب راسل لسلطان يجي للاستراحه
سعود : ايه وين هي
سلطان : بالمدينه قريب شوي
سعود : اجل بجيب السياره و بجيكم وقفو
راح سعود و اخذ السياره و ركبو معه سلطان و سعيد سلطان قدام و سعيد ورا
سعيد نطق بقهر : ياحلو جلسه ورا ترتاح
سلطان : علمتك قل لين ماتوقف مانك راكب قدام
سعيد : و السبب
سلطان : والله لاني اكبر منك بسنتين مب سنه مب يوم سنتين
سعيد تنهد بغضب : زين زين ماعليه الي يجي معكم غلطان
سلطان : لا مانرضى ضيقتك
سعيد : الحين ماترضون ؟
سلطان : تعال تعال
سعيد قعد و قرب منهم و نطق : خير
سلطان مسك وجهه و عطاه بوسه براسه : رضيت ؟
سعيد : لا
عند البنات
مهره : بتعدينا يابنت ليه ماتاخذين دواء و تنهين القصه خلاص كل شوي تكحين بتموتين بسبب الزكام
ريوف : ماني رايحه
مهره : صدقيني لو ماتروحين و تأخذين لس دوا بروح اعلم امي تخلي خالد ولا متعب ولا سعيد يوديس
ريوف : يابنت اسكتي علامس لاتتدخلين بشي مالتس فيه انطمي و اقعدي
دانه : و هي صادقه روحي خذي دواء يهديس
ريوف : يابنات خلاص مابي مابي
مهره قامت تركض للامها : يمه يمه
ام خالد : وش بلاش يابنت
مهره : يمه ريوف كل شوي تسعل و تكح خلي احد من اخواني ياخذها للمشفى عشان تاخذ دواء
ام خالد زفرت : هديتن حيلي من بنات روحي علمي خالد ياخذها
ام محمد : وش صاير
ام خالد : الاخت ريوف مريضه
ام محمد : و خلي احد من عيالس ياخذها
ام خالد : اكيد خالد بيوصلها و انتي علامس قلت لس روحي علمي خالد
مهره : طيبب
طلعت من الغرفه و راحت تدور خالد راحت للمجلس و هي تدق الباب قام سلمان فتح الباب
مهره : ناد خالد
سلمان : خالد اختك تبيك
خالد قام و طلع و قفل الباب وراه : ؟
مهره : اختك تبي المشفى
خالد : ريوف وشبلاها ؟
مهره : تعبانه و تسعل و تكح و أزعجتنا و خذها المشفى و خلهم يعطونها دواء بالله الي يوقف السعال لاني بديت انجن
خالد : زين ناديها تطلع نروح للمشفى
مهره : اوكي
خالد : العرب تقول ابشر مب اوكي
مهره : كيفيي دخلت بسرعه بدون ماتسمع رد
خالد راح ركب سيارته و شغلها و ينتظر ريوف تطلع
طلعت ريوف و ركبت السياره و سكتت و راحو للمدينه
خالد : ايه وش جاس
ريوف : ولاشي إلا زكام
خالد : ماتشربين شاي
ريوف : إلا اشرب
خالد : يالتسذوب ماتشربين
ريوف : مب لازم اشربه
خالد : لازم
