لينا : من انت عشان تسكتني هاه
سعَيد : اقول اسكتي ورعه ماتسكتين مزعجه انتي الي داخله علي مب انا الي داخل عليتس
لينا : ايه و حضرتك شتبي بالمطبخ ايه صح بسال سؤال ليه العائله كلها تاكل و ماتسمن
سعَيد : و انا وش عرفني و بتسكتين ولا لا جيبي الملح وينه
لينا : وش بتسوي
سعَيد : ماتشوفين كبسه
لينا : طيب اغرف لنا معكم
سعَيد : احلفي بس
لينا بحده : اقولك اغرف يعني اغرف
سعَيد : تخسي مانيب عامل عندكم
لينا ابتسمت بنرفزه من ورا البرقع : عاد من زين كبستك
سعَيد : اعرفك تقولين كذا عشان اغرف مانيب غارف لكم انتِ سوي
لينا : اقول اص وخر مارح اعطيك ملح انتظر حد يجيبلك
سعَيد : عاد مابي منك انا بدله فتح الكبت الي فوق هذا هو شفتي قلت اعرف
لينا : نننن مايهمني
سعَيد ابتسم : يشهي
لينا اخذت المكرونا و حطته بالقدر و كبت مويه و راحت ل ثلاجه : وين صوص اليمون سعَيد رح جيب من بقاله الصوص و اليمون و الخ...
سعَيد : لا احلفي بس مانيب جايب شغال عندتس انا خلك ماتبين تعلمين و تتشرطين مابجيب
لينا : سعَيددددددددد
سعَيد : ماني بجايب شتبين قلت ماني بجايب احلمي
لينا : اوريك راحت جابت بيضه تبيني اكسرها فوقك
سعَيد : اقول اص بس
لينا كسرت البيضه فوق شعره
سعَيد : ايا الورعه يالي ماتستحين اوريك ياحيوانه راح جاب بيضه و كسرها فوقها
لينا شهقت : ا يا الي ماتستحي راحت جابت مويه و طشته عليه
سعَيد جاب المويه و طشه فوقها
لينا : يالي ماتستحي
سعَيد : الحين انا الي ماستحي
و بدوا هواش و خربوا المطبخ فوق تحت
- عند البنات -
مهره : تاخرت انا بروح اشوفها و انتي ياويلها سواد ليلها الي تجي راحت المطبخ و صرخت ياوراعييننننن بسسسسس
جو العيال و البنات و شافوا لينا و سعيد الي خايسين ب الماي و البيضه و اكل
متعب مسك مهره و بعدها ورا : وش وش صاير بس وراعين انتم وراعين هاه
مهره : وراعينن
متعب : ياليل اسمعوا نظفوا المطبخ
مهره : نعم نعم يابوي احنا شدخلنا ولا عشان احنا بنات و هو ولد
متعب برفعه حاجب : ترا البنات الي بينظفون انا قلت
مهره : ب احلامك
متعب : اقول يلا بلا ازعاج و صياح
خالد دخل : ها ها ها وش صاير
متعب : هذولي مخربين المطبخ
دخلت الجده غزيل و معها عصاتها : ابك وش مسوين بالمطبخ ياوراعين
متعب ابتسم : مدري ياجده مجانين ذولي
لينا بزعل : انا مجنونه الحين هاه بصفقك ياجده شوفي يقولي مجنونه
الجده غزيل ضربتهم : الي مخيس المطبخ ينظفه الحين من مخيسه
سعَيد ناظر ورا
مهره : لينا و سعَيد
سعَيد بصدمه : ياجده انا حفيدك انا ماسويت شي كذابين كذابين يبون انظف
لينا : انت بعد لاتكذب
الجده غزيل : اجل سعيد و لانا نظفوا المطبخ
لينا : ياجده لانا من
الجده غزيل لفت ورا و رجعت ناظرتها : احد غيرك هنا
لينا ابتسمت بحياء من ورا البرقع : لينا ياجده مب لانا
الجده غزيل : اجل لينا و سعيد نظفوا المطبخ الحين و انتم طلعو و ياويلكم لو مانظفتوا المطبخ بكسر العصا على ضهوركم
لينا : ابشري ياجده تأمرين على شي ثاني
الجده غزيل : ايه و بعد انتي وياه نظفوا البيت كامل مب بس المطبخ
لينا ضربت راسها و بهمس ل نفسها : ليتني ماتكلمت و بصوت عالي ابشري
سعَيد : اجل هي بتنظف البيت و انا خلوني انام
الجده غزيل : ابكسر العصا على ضهوركم قلت انت و لينا تفهم ولا لا
سعَيد: افهم افهم ياجعلني مافهم
سلطان دخل : ابي مويه
الجده غزيل : اجل وش تبي نحن نجيبلك
سلطان : ايه
و الكل ناظرو ف سلطان
الجده غزيل ضربت سلطان بالعصا على ضهره : ماتستحي
سلطان : ياجده والله امزح و ركض طلع
و طلعوا كلهم و تبقى سعيد و لينا الي ينظفون و يخربون
