ألذنب مو ذنبي

Part24🥺💕

Part24🥺💕.............

سولف گول الك واهس تضل وياي
واذا ما الك واهس گول لا تخجل..

بكيفك من أجيت و ماجبرتك يوم
ماجبرك بكيفك لو ردت ترحل..

جبار رشيد...
...............................

دارين....... خالة ام مصعب استغربت. شنو جابهة معقولة مصعب دزاها اني فتحت الباب وركضت للبيت
خالة هاي خالتي ام مصعب وعمو احمد

حجي احمد.... خير ان شاء الله

حجية صفية... بنيتي خاف يصيحوج يحجون وياج بهيداي مو تعصبين وميصير تعوفين الناس تحجي وتطلعين ها متفقين

دارين... خالة خاف جاية تحجي علية لو تسويلي شي لان خالة ام مصعب متحبي اكثر وحدة اذتني هاج خالة شوفي طلعتلهة حرق صدري وهي شهقت

حجية صفية... سودة بوجهي يمة ميخالف اذا جاية تطلب السماح سامحيهة وربج كريم ييمة لاتنسين  يالله اني اخذ الضيافة

دارين.... الله كريم خالة
رحت عدلت نفسي

خولة... ها ها حبب شكوو جاي ابو المصاعب

هالة... اذوب اذوب على المحبوب واها واها

دارين.. خاب دولن اني وين وانتن وين تعالن شوفن المصيبة وكابلني

خولة...... ياساتر بس علنهة رجيلج حرب

دارين... اهووووو لاتضحكن عليه ترى مااحجي والله

هالة.... لتزعلين من حبج لاشاج

دارين... بس مووكتهة اريد افضفض
اجت خالة ام مصعب

هالة... اي خبر حلو ان شاء الله بداية صفحة جديدة...

دارين.... بس هي تكرهني هوايي متحبني ضرب ضربتني عذاب وعذبتني وشفت منهة الويل

خولة... دارين المسامح كريم وسلميهم بيد الله وياخذ حقج انتي منو ومتسامحين

دارين... نفس كلام خالة بس كلبي ملچوم منهم

خولة..
والله يدادة وي الايام ويطيب وتصير زاد وملح وشوفي

هالة.... دارين فكري زين لاعبالج احنة ملينة منج لاوالله انتي اختنة الثالثة بس هاي حياتج ومحد دايملج فكري زين وشوفي شنو اليفيدج

خولة.... دارين اهلج انسيهم نصيحة مني لان اذوج واذا ترجعين بعد متسلم الجرة نفس كل مرة لا هالمرة تنكسر وتصير عيشتج سودة

دارين... الله كريم نشوف شنو يصير
عفتهن وطلعت كلامهن صح مية بالمية اشوف عمو احمد(الحجي) شنو يكول ونصيحتة الي وامشي بيهة

ام مصعب... دادة شلونج

حجية صفية..... هلابيج مية هلا زارتنة البركة

ام مصعب... بعد كلبي وبالمهلي

حجي احمد..... شربو جايكم

ام مصعب.... اخذ مطلبي منكم وجايكم مشروب بالافراح