Part30......................
مو كتلك تبين حوبة المظلوم
ويفتر الزمن ميضل على حاله
ومو حذرتك وكتلك المنك بيك
ينطيك الظهر بس يترس اسلاله
كلتلك لاتطاوعها
عليك الدنيا هالسدت نوافذها
ربك مايضيعهه
منك شارتي اضعاف ياخذها
... علي الدلفي............
احمد...... والله يمة ابنج حالف يخزينة نطلعة من سالفة يدخلنة بأكبر منهة رجعي ربيه
ام مصعب.... لايمة اكيد اكو غلط روح لاخيك
احمد.... اي اي هو يغلط واحمد يصلح ترى والله تعبت هم عندي بيت وعائلة ابتليت اني
ام مصعب... لو ابوك هنا جان مااستهتروو امشي لاخوك لااغضب عليك ليوم الدين
نهاد...... يمة مصعب يطلعوه لو لا
ام مصعب.... ان شاء الله ممسوي شي هو
نهاد.... بس سكران خاف ميطلعوه
حنين....... يبويييي راح رجلي من ورة ام السحورة ولكم رجلي وين
نهاد... على كيفج دادة بعدة مجاي ومنين صار رجلج هستوج عقدتي
حنين... غير تسجلنة بورقة وحدة يعني رجلي سكتي مابيه حيلج نهودة
ها خالة مصعب وين ليش ماجبتوه
ام مصعب... راح احمد يجيبة وان شاء الله يطلعوه
ام حنين... ان شاء الله خية يطلع لاتخافين
دارين... اني هاي الفترة خالية من اي شي غير ان تسجلت بالمدرسة وبلشت احضر وادرس واني كولي همة وعزيمة اطلع الاولى ودكتورة علمود اوريهم دارين منو وملتهية اخدم بالعتبة وي الاء ومتونسة حيللل وفرحانة ومحد كدي. بحيث عايشة عيشة معايشتهة من قبل وراحة نفسية بعيدة عن الحقد والنفاق بس اني بالي يم خواتي ياترى وين صفة بيهن الدهر اكيد هسا بابا جاي يعملهن بقسوة بسببي اني اعرفة ان شاء الله انجح وتصير الي هيبتي واروح ادور عليهن واجيبهن هاي اذا بابا مابايعهن او مزوجهن ياربي خواتي بحمايتك مالهن احد وانت شفت اهلي شسوو بية ....
ام حنين.... بس خية شجاكم مصيبة فوك مصيبة لازم تزورين سيد يشوفلكم
ام مصعب.... هو اكو واحد حسدنة لو فكرنة ماكو غيرهة
حنين... لا لا هذا سحر دارين خلصت مدتة وهيج صار بينة
ام مصعب... ليش مانكلب عليهة احنة شكو سكتي خالة سكتي لاتاخذين غيبة البنية وهي مموجودة الله يعلم بحالة وشدسوي هسا
حنين.. اكيد تفتر هسا وي حبيب الكلب
مصعب... دخلت وسمعت كلام حنين على دارين ياناس لاتستغربون الوضع ترى دارين مرتي شرعا والشي الشفتة لو اي رجال ثاني يشوفة اكيد راح يسوي اكثر مني وهي كملتهة من انهزمت يعني ثبتت التهمة عليهة
حنينننن كلمة وحدة على دارين والله اخربط وجهج فاهمة كلامي مااعيدة
أنت تقرأ
ألذنب مو ذنبي
Romanceليش يمة عفتة ياخذونة ليش مالحكت اشوفك رحت ريشة بريح..... ولك يمة سويف مالحكت اشوفك...... رحت ريشة بريح 💔😭😭....... انت استعجلت لو موتك استعجل....... يايمة ياسويف ياعزيز امكك وينة اريد اشوفة اريد ولك مصعب اخيك وينة اخر مرة اشمة يمة هذا وليدي ي...
