Part31............
لتحاول تحسب للحياة حساب
ع الله العظيم الحسبة خليهة
وبالخاشوكة بالك تجمع بدنياك
اخر شي ترى بچفجير تنطيهة
المهم خبزة لكمتك من حلال تكون
البطن لابالاكل بالعفة اغنيهة
لكمتي الموحلال
شما تلج ميفيد
لوتشرب نهر رايح تغص بيهة
تغلط على الدنيا تريدهة تعليك
هي الدنيا دنيا. الدنيا شعليهة
للشاعر عمر القرغولي.........
.......................
دارين.... الله ولج لولو واخييررااا راح نداوم عود صدك بالله كرصيني
الاء... تدللي كبد
دارين.... ووجع مكلت هيج عابت ولج مجاي اصدك والله معقولة بعد ماجنت بهم وغم وضرب واهاين وذلة باعي وين صرت وشلون عشت يولي الحمد لله من كالتلي الحجية تفرج تهون مصدكت بس باعي هي صدكت عزاا فدوات اروح لخالة صفية يعني هسا كلامهة كولة راح يصدق
الاء... دارين الله ميعوف عبدة بس يمتحنة واذا ماكدر يساعدة واذا كدر لوحدة يفرحة
دارين.... اي اي اني نجحت وهسا الله راح يفرحني تدرين اصلا اني نسيت شي اسمة دراسة بسبب ابوية ومصعب وكلت مستحيل بعد ادرس بس الحمد لله فرجت وضننتها لن تفرج
الاء.... دارين اسئلج سؤال بس لاتضوجين تمام
دارين.... ياساتر يارب كولي دادة عدينة الاكبر منهة
الاء... تربيتي هههههههه لالا اشاقة اكول هسا انتي ممشتاقة لاهلج
دارين.... زين ليش مااني اسئلج هذا السؤال انتي مشتاقة لاهلج شعوري نفس شعورج
الاء... اخ يداري ولج غصتي شكبرها بس هم مشتاقتلهم والله ماما تحبني وجانت تنيمني ع رجليهة وتفرك بشعري وتغنيلي
نامت امي ع بكير
وسكر بيي البوابة
واهربت انا من الشباك
وجيت العيد العزابة
تدرين دارين من جانت تغني وتوصل وهربت انا من الشباك جانت تكولس لاتصدكين الاغنية وتهربين محد يفيدج غير اهلج ماكو حب ترى وكولة جذب
بس هسا اختلفت وياي اني هربت بسببهم مو بسبب حبيب او صديق ولجمتي كبيرةة بس ع الاقل اني اختلف عنج ولو بتفصيل صغير ع الاقل باعوني بالشرع انتِ يداري قصتج طويلة ومالهة حل
دارين..... جبتيهة دادة جبتيهة تدرين اني اهلي بحياتي محسيتهم اهلي بحيث اني جنت احاول اسويهم بعيوني زينين واضحك واشاقيهم صح جبر بس اضحك ع نفسي انو هم خوش اهل بس شوفي النتيجة شمروني بغابة مليانة ذيابة بس الحمد لله خلصت ويارب نصير وناخذ حقنةمنهم
الاء... والله يداري مدام الله جمعنة ببيت واحد وتقريبا قصة وحدة وراح ندرس مع بعض بعد ماجنة مأيسيين هنا تأكدي الله راح يفرحنة بهواييي اشياء
تدرين... بنت حجي احمد كالت كلمة حلوة
من الباب للكوسر(الزاوية مال الغرفة) فرج
وهذا الشي صحيح شوفي امس وين جنة وهسا شنو صرنة المهم خاتون نامي ورانة شغل الصبح
أنت تقرأ
ألذنب مو ذنبي
Romanceليش يمة عفتة ياخذونة ليش مالحكت اشوفك رحت ريشة بريح..... ولك يمة سويف مالحكت اشوفك...... رحت ريشة بريح 💔😭😭....... انت استعجلت لو موتك استعجل....... يايمة ياسويف ياعزيز امكك وينة اريد اشوفة اريد ولك مصعب اخيك وينة اخر مرة اشمة يمة هذا وليدي ي...
