تزوجني و هو يُحب أخرى

pt 2

قومت و قررت ادخل اخد شاور يمكن أهدى شويه

خلصت و لبست هوت شورت و بادي كات و سرحت شعري و لبس نظاره مش بلبسها غير لما افتح اللابتوب أو اقرأ كتاب أو حاجه من هذا القبيل

فتحت اللابتوب و قولت ولا تزعلي نفسك يا بت يا بحوره متخليش اللوح اللي برا ده يأثر عليكي انت ركزي فمذاكرتك
انا في كليه هندسه قسم عماره بس اغلبيه محضراتي باخدها اونلاين

قعدت اذاكر  حوالي ساعتين

برا عند عُدي

كان بيتكلم في التليفون

عُدي : متقلقيش يا سوزي انا مش هتخلي عنك ولا عن حبنا ... بحور دي مجرود فتره و هطلقها
سوزي بعياط : لا يا عُدي انا بجد زعلانه انت ازاي تعمل حاجه زي دي ... حرام عليك بجد انت مش عارف انت عملت فيا ايه
عُدي : والله انا اسف يا حبيبتي... طب قوليلي انا اعمل ايه عشان تسامحيني
سوزي : ولا حاجه
عُدي : الشنطه اللي كنتي عايزاها كانت اسمها ايه
سوزي ابتسمت: chanel smal hobo bag
عُدي : اعتبرها عندك
سوزي : بس دي غاليه يا حبيبي
عُدي : مفيش حاجه تغلى عليكي يا حياتي

عُدي قفل مع سوزي
و قعد يتفرج علي التليفزيون

عند بحور

خلصت مذاكره و كنت جعانه فتحت الباب و جايه أخرج لقيت عُدي داخل
اول لما شفته قفلت بسرعه

بحور : يادي النيله حتي الواحد مش هيعرف يقعد براحته في الصيف

لبست هودي طويل و oversize
و خرجت
دخلت المطبخ و بدأت احضر اكل ... حضرت اكل و الصراحه يعني مهنش عليا اكل لوحدي حضرت لعدي طبق و خرجت

بحور : اتفضل
عُدي و هي باصص في التليفون: لا مش عايز
بحور: انت مكلتش حاجه من الصبح اكيد جُعت
عُدي : استغفر الله العظيم... بحور انت معندكيش كرامه

اتعصبت جدا اول لما قال الكلمه دي

بحور : لا انا عندي كرامه و متشوفش نفسك اوي كده ونبي عشان مش انت لوحدك اللي متدبس في الجوازه انا كمان ... و بعدين متكنش فاكر يعني بجبلك اكل عشان قلبي عليك و خايفه عليك لا يا حبيبي ده اللي سقى كلب دخل الجنه تخيل بقى بأكلك

قولت الكلام ده من عصبيتي

لقيته قام وقف و هو متعصب اوي و وشه احمر

بحور : ايه يا برنس انت هتتحول ولا ايه

خدت طبق الاكل و جريت علي الاوضه و قفلت عليه و هو جري ورايا بس ملحقنيش

بحور : ممسكتنيش
عُدي : مهو انت مش هتقضي عمرك كله جوا
بحور : لعلمك انت متقدرش تعملي حاجه
عُدي : طب اخرجي و نشوف
بحور : لا و يلا بقى اتكل علي الله

عُدي : ماشي يا بحور ... بس ما دام انت جبانه يبقى متحطيش نفسك في مشاكل من الاول

الكلامه استفزني جدا قمت فتحت الباب

بحور : انا مش بخاف

مسكني من قفايا و جز علي سنانه

بحور : حاسب كده يا برنس مش بحور بحوره اللي تتمسك كده انت متعرفش انا مين ولا ايه
عُدي : لا معرفش متكونيش وزيرة الداخلية و معرفش
بحور : لا انا بحور بحوره عادي
عُدي : طب بصي بقى لو عايزه تعيشي معايا بدون مشاكل يبقى تخليكي فحالك و ملكيش دعوه بأي حاجه انا بعملها أما هتشوفي وش عمرك ما كنتي تتمنى تشوفيه .. سامعه

بصيت له بعدم اهتمام و دخلت الاوضه جوا

بحور:سخيف بجد انا ازاي بحب ده

تاني يوم 🌞

صحيت و خرجت من الاوضه

كان عُدي لابس و بيفطر

عملت نفسي مش شايفاه و هو كمان نفس الحاجه عدى كام دقيقه و قام غسل ايده و مشي

الصراحه كنت حزينه من جوايا قلبي كان مكسور مكنتش دي الحياه اللي أتمناها بس كنت بحاول اواسي نفسي

بحور : ولا يهمك يا بحوره ... ازاي بس ولا يهمك وانت بتحبيه ... ربنا ارحم من كده يا بحوره و اكيد هيخليكي تنسي حبك ليه ... ربنا مش هيضيعك

اتنهد و خرجت قعدت برا كنت زهقانه جدااا الصراحه مقدرتش استحمل و كلمت ماما
انا معنديش صحاب فماما هي صحبتي الوحيده فضلنا نرغي كتير و نتكلم و هي فهمت اكيد أن فيه حاجه بس مسألتش عشان هي عارفه ان طريقه تعبيري عن مشاعري هي العياط و هي مش بتحبني اعيط و بالذات و هي مش موجوده... خلصت كلام معاها و هي من بين الكلام كده قالت لي اقوم انزل اشم شويه هوا

دخلت المطبخ و انا بفكر أخرج ولا اقعد توصلت لقرار اني أخرج بس الاول اعمل حاجه اكلها

حضرت غداء
و كلت و بعدين دخلت اوضتي و غيرت هدومي لبست بنطلون جينز و عليه توب ابيض كات و فوقه جاكيت جلد لمت شعرها ديل حصان
و لبست كوتش اسود و خرجت و جايه افتح الباب لقت عُدي فوشها

ابتسمت : مساء الخير
عُدي : علي فين أن شاء الله

✨✨✨✨✨✨✨✨✨✨✨✨✨✨

بس كده. يا شباب البارت ده خلص استنوا البارت الجاي ♥️