شربت حبايه وخله راسي بحضنه وصار يبجي
اسمع يحجي بهمس
اه ياملاكي ليش هيج سويتي ليش
انا رتج داوين جروحي مو تزيديهن عليي
َوخرت راسي عن حضنه وكلتله
ملاك : والله ماخنتك والله ليش ماصدكني
احمد : اصدكج واجذب عيوني
عافني وطلع قفل الباب
بقيت ابجي على حضي
شنو سوت بيه الدنيا حرمتني من اهلي عذبتني جابتني يم ناس مااعرفهم وهسه محبوسه بهاي الغرفه ال اشبه بالسجن
مر يوم كامل واني محبوسه بدون اكل وماي
ثاني يوم
فرح : رجعت للبيت تعبانه من شغل بيت ابوي
جان عدهم عمال وخلاني ابات يمهم
رجعت دوورت على ملاك ماكو
رحت على غرفه امي لكيتها نايمه
لكيت غرفه حازم مفتوح بابها رحت مالكيته بالغرفه وجان اكو دم بالكاع والغرفه هوسه صايره
بسرعه رحت كعدت امي
فرح : يمه يمه كعدي
ام احمد : ها
فرح : يمه شكو شصاير ملاك وينها وغرفه حازم ليش هيج شنو هذا دم
ام احمد : يمه احمد بارحه ضرب حازم واطلعه من بيت مااعرف وين خذاه وملاك أخذها لفوك حبسها مااعرف شنو سوه بيها ولا حجالي شي
فرح : غير افتهم ليش شكو احمد وين هسه
ام احمد : ماادري مارجع للبيت
روحي يمه شوفي ملاك وين وداها هذا الخبل
فرح : خوش يمه
شكو شنو صاير ليش احمد ضرب حازم وليش حبسها ملاك شنو موضوع
صعدت دورت عليها بغرفه احمد ماكو ذكرت غرفه احمد القديمه دكيت الباب ماكو صوت بس اكو قليل ضوع مبين من جوه الباب
فرح : ملاك انتي هنا تسمعيني
ملاك /سمعت صوت فرح دموعي وحدهن نزلن صح غريبه عني بس صدك حسيتها مثل اختي
ملاك : ا اااي فرح فدوه طلعيني فرح
فرح : عزا ولج ليش حبسج شنو صاير احجيلي
ملاك : فرح والله مامسويه شي اني والله ماخنته
فرح : لج فهميني شنو
حجيتلها عن كولشي صار
ملاك : فدوه فرح صدكيني والله اني ماأحب حازم انتي تدرين بيه اني احب احمد وروح اهلي
فرح : ادري ادري حبيبتي خلص لاتبجين اني راح احجي وي احمد
عافتني وراحت
حيل عطشت وبطني من جوع صارت توجعني
مر يوم ثاني يوم واني لااكل ولا ماي ومحد يجي يسئل عليه حتى فرح بعد مااجت ولا أحمد اجه
معقوله هيج يكرهني راح يخليني اموت هنا مثل مرته السابقه
كمت اباوع على الغرفه فتحت كنتور جان كله تراب وبيه ملابس لكيت ألبوم صور
فتحته حانت صور لأحمد وي اهله وي مرته
مبين عليه حيل فرحان وياها
وحده من صور بيها احمد وياه ثلاث ولد
( احمد وعلي وعمار وحيدر)
مااعرفت منو حيدر بس يمكن اخو أحمد المكتول
بعدني اباوع على صور فتح الباب
دخل احمد بس جان شكله تعبان حيل وشعره مخربط ويده كلها دم
احمد : ههه ها شنو الغرفه عجبتج حتى جاي دورين بيها
ملاك : اشبيك ليش هيج حالك هذا دم شنو
احمد : هههه هذا دمي
ملاك : خلي اضمدها الك لاتلتهب
احمد : اي تعالي
رحت يمه
ملاك : اروح اجيبلك اسعافات أوليه واجي
احمد : تؤ تؤ عوفيهن تعالي يمي
سحبني من ايدي كعدني يمه جان شكله يخوف حسيته مو بوعيه
طلع سجينه من جيبه وفتحها
خله ايدي بالكاع وفتح اصابعي
وصار يعبر السجينه بين اصابعي
ملاك :عم عمووووو شنو جاي تسوي فدوه عوفني راح تجرحني
احمد : تحبيه
ملاك : شنو
احمد : تحبيه لحازم
ملاك : لا والله ماأحبه اني احبك انت
احمد : تؤ لا تجذبين ماأحب الجذب
ملاك : والله مااجذب ليش ماتصدكني
احمد : لان كلجن خاينات جذابات
صار يعبر سجينه بين اصابعي بسرعه بسرعه جرح اصابعي كلهن والدم مله ايدي
بقيت اصيح وابجي بس هو ولاكانو يسمعني
ملاك : فدوه كاااافي الله يخليك
صار نغزات بگلبي وعيوني وحدهن ينسدن بعدها فقدت
أنت تقرأ
الامانه الصعبه
Romanceرجل ثلاثيني عسكري عصبي وصعب الفهم........ يقع في حب فتاه لاكن لم يكن حب عادي بل اصبع تملك صعب..........
