احمد : دامشي لا طيح حضك شنو مايقبل ب12، خلص واجبنه وبليل إجازتنه نروح يله كوم
اجت ريم السياره صعدنه وجانت بيها 3 شباب و ثنين نسوان مشينه مسافه وجانت عائله واكفين هم منتظرين السياره وكفت سياره وصعدو رجال جبير وولد جبير بيده طفله وبنات صعدن ومره جبيره حجيه
وشفت ملاك صعدت وياهم وجانت لابسه جادر صلاه ابيض طالعه تخبل 🤤
صعدت الحجيه كعدت يمي والبنات صعدن للأخير بسس ملاك ماشافتني وجهال وياهم هواي
مشت سياره واني طاير من فرح لان شفتها والحجيه كعدت يمي مااعرف شنو تصير من ملاك فكرت افتح وياها حديث نسولف
احمد : هلا حجيه الله يساعدج باوعت عيليه وابتسمت
ام ملاك : هلا وليدي يساعدك بعد عمري
احمد : شنو هاي حجيه متعبينج العيال ولازمه عكازه
ام ملاك : ههههه هاي دنيا خلصت حيلنه
ام ملاك : شنو يمه انتم عسكريين
احمد : اي حجيه اليوم خلص واجبنه كلنه نروح للزياره قبل لاننزل للبيت
ام ملاك : ها الله يساعدكم ويقويكم مقبوله الزياره ان شاء الله وليدي
احمد : رحم الله والديج حجيه.
ام ملاك : وين واجبكم داخل محافظه
احمد : اي والله. صار سبوع لازمين واجب يم جامعه لسلامه طلاب
اليوم خلصو امتحانات ونزلنه
ام ملاك : ها اي صح يوم خلصو بنيتي اليوم هم خلصت الله يوفقهم
احمد : بتسمت ها حجيه عندج بنيه بالجامعه؟
ام ملاك : اي عندي ثنين بالجامعه وحده طب أسنان والثانيه الأصغر منها قانون مرحلى أولى
احمد : ها الله يوفقها أن شاء الله اشوفكم اليوم ماخذه الجهال كلهم للزياره مادام خلصو امتحانات ههههه
ام ملاك : اي والله خطيه تعبو من دراسه كلت أخذهم
ملاك : ي يمه نعست راح انام
ام ملاك : ها يمه نامي نوم العافيه
احمد :حجيه هاي بنتج؟
_ام ملاك : اي هاي بنتي
عباس : ( اخو ملاك ) : يمه خلي ننوش تنطيني سماعاتها نسيت سماعات مالاتهي بالبيت
ملاك: ضحكت ههههه طبك مرض منو كالك تنساهن
ام ملاك : عباس اكعد راحه عوفها لاضوجها
احمد : تفاجئت شنو ننوش شنو ملاك شنو هاي دخت
احمد : هههه ولو لحيت وفضول بنتج اسمها ننوش
ام ملاك :ههههههه لا لا اسمها ملاك بس ندلعها ننوش
ملاك : يمه راح انام تعبت من نوصل الحله كعديني حبابه
ام ملاك : اي يمه نامي ونزلن دموعي وهمست يمه التعب بيه ولا بيج. يبعد روحي 💔
احمد : حجيه ليش تبجين شكو
ام ملاك : لا يمه ماكو شي هيج
احمد : حجيه اني مثل ابنج وصار ساعه نسولف صار بينه زاد وملح هههه احجيلي اشبيج
ام ملاك : ههه يبعد روحي مابيه شي والله بس بنتي ملاك قبل فتره طالعه وي ابوها ومرو ع حادث وجان حادث جبير وهواي موته بيه ودم وهيه ابد ماتتحمل كلبها ضعيف كدام هيج مناظر خافت وابوها نزل عنها للحادث وهيه بقت تشوف كدامها الموته والدم والجثث
ومن هذاك يوم لليوم صارت تخاف وبسرعه گلبها يرجف من اي شي وتختنك
هيه اهداء بناتي صح وكحه وتحجي هواي وتضحك هواي بس مو عصبيه
احمد : يمه گلبي راد ينفجر من كلامها مااعرف ليش وشنو الاحساس بس نقهرت عليها.
احمد : زين حجيه اخذوها دكتور؟
ام ملاك : خذتها وكال خلي تبتعد عن المشاكل وتبتعد كلش عن هيج مواقف كدامها كلبها ضعيف ماتتحمل هيج ومع مرور وقت راح تتخلص. من. هل رجفه بس لازم تبتعد عن القلق والخوف والعصبيه
..... مشينه مسافه وجان ورانه تمشي سياره ر هم بيها زوار وكدامنه هم سياره بيها زوار
دخلنه الحله. والزوار كالو خلي نزور شريفه والقاسم ونزلو كلهم يزورون
واني امشي وي الحجيه ونحجي وعيوني ع ملاك يالله شد بريئه ولمعه بعيونها.
لو ضحكتها السحلت گلبي
أنت تقرأ
الامانه الصعبه
Romansaرجل ثلاثيني عسكري عصبي وصعب الفهم........ يقع في حب فتاه لاكن لم يكن حب عادي بل اصبع تملك صعب..........
