مر الاسبوع الثاني وخالت احمد ماراحت وحازم من يشوفني يبتسم ابتسامه شريره صرت اخاف منه
ايمان : اليوم عيد ميلاد كيان
(كيان يصير ابن اخت أحمد)
فرح : اي صدك اليوم عيد ميلاده نسويله حفله ههههه
فرح : بديت احضر الحفله وملاك ساعدتني وهيه سوت الزينه بالصاله وإيمان جانت تباوع على ملاك وتبتسم بستهزاء حسني گلبي راح تسوي شي
بدت الحفله وحضرنه الكيك وجانت ملاك فرحانه وتضحك وي كيان واحمد برا بالحديقه كاعد هو وعمار وحازم يدخنون نركيله
ايمان : حبيبي كيان روح جيب موبايل خالك أحمد حتى نطلعلك اغاني يله يله
كيان راح لأحمد
_خالو اريد موبايلك اطلع اغاني حباب
_ ههههه هاك خالي بس مو توكعه
كيان اخد تلفون وانطاه لايمان ايمان أخذته ووشكلته على عارضه ( الشاشه) وصارت دور على فيديو الانفجار حتى تعرضه كدام ملاك
فتحت الفيديو ونعرض على الشاشه ملاك بقت صافنه على الشاشه صارت تصرخ وتملخ بروحها
احمد : انطيت تلفون لكيان من دخل للبيت اذكرت الفيديو الانفجار بتلفوني كمت حتى ادخل البيت واسمع ملاك تصرخ
حيلي راح بعد مااكدر اتحرك جريت روحي جر وصلت للبيت شفت ملاك تصرخ وترجف وفيديو الانفجار معروض على الشاشه
ركضت عليها لزمتها
_ ملاكي ملاكي اهدي بنيتي
_ عع ع عمووو اهلي اهلي عمو احتركو لاااااا اهلي
_ ولج ايمان طفي الشاشه ح*****
صارت ملاك ترجف وجها صار اصفر خشمها نزف دم
فرح : ااااحمد ملااااك دددم
احمد // شفتها بهاي حاله بعد مااكدر اشيلها مابقه عندي حيل صحت على فرح
_ فررررح روحي صيحي عمار
ركضت فرح تصيح عمار اجه عمار يركض أخذها من حضني شالها أخذها للسياره سندتني فرح اخذتني للسياره رحنه
دخلنه مستشفى جانت ملااااك فاقده
التمو عليها دكاتره ممرضات صاح دكتور بسرعه جهااااز الصدمات
اباوع عليها تنازع الموت
مر وقت وطلع دكتور
_ منو وي المريضه
احمد : اااني وياهااا دكتور طمني زينه مو
_ المريضه متعرضه لصدمه قويه حالتها صعبه كلش منا ل24 ساعه اذا ماكعدت راح تدخل ( غيبوبه) للأسف
احمد : سمعت كلام الدكتور كعدت بالكاع رجليه مايشيلني
فرح :/ شفت أحمد وكع اجيت عليه
_ خويه لاتضعيف خليك قوي
_ ف فررح مااتحمل اخسرها فرح احبها مااكدر تعودت عليها تعبت فرح تعبت ليش هيج الله ياخذ مني الأحبهم للليش
_ كول يالله خويه ملاك قويه مايصير عليها شي ماتعوفك خليك وياها انت لاتضعف كدامها هيه بحاجتك كوم صلي وادعيلها يله
رحت اصلي وابجي ( يارب أريدها لاتحرمني منها َ مااتحمل بدونها اموت بس يصير بيها شي يالله رجعها الي رجعها لحضني وعد اتغير واتوب وعد مااعوف الصلاه بس رجعها الي ربي احلفك بالحسين وأهل الحسين وتعافيها مااريد اخسرها) 😭💔
عمار : شفت أحمد يبجي مثل الطفل
اخر مره شفته يبجي بيها من ( انتحرت زوجته وهيه حامل) وعافته
واليوم شفته يبجي مثل الطفل خايف يخسر ملاك مثل ماخسر زوجته 🥺
مر الوقت وملاك ماكعدت واحمد يلوب ويلوم بروحه
احمد : دخلت يمها جانت نايمه لزمت ايدها صرت احجي بگلبي وابجي ( شكد بريئه ليش هيج يصير وياها فوك مرضها فقدت أهلها اااه الله يساعد گلبج يروحي)
صارت تحرك اصابعها فتحت عيونها بتعب سحبت ايدها من ايدي رفعتها مسحت دموعي
_ ههههه شكرا يالله شكرا الك الف الحمد والشكر الك
بنيتي عرفت ماراح تعوفيني صرت ابوس براسها وبيدها وابجي مثل الطفل
_ ع عمو ليش تبجي منو مزعلك
_ ههه انتي زعلتيني 🥺
_ليش اني شنو سويت
_ خليتيني اخاف عليج ليش هيج بويه ليش تشلعين گلبي
صارت تبجي ودارت وجها عني
_ ليش ليش ملاكي ليش تبجين يوجعج شي
_ عمو شفت اهلي ماتو احتركو اخوي ابوي واكعين كلهم دم اخواتي هم كلهن دم اكيد تاذو من النار اي ( صرت ابجي واشهك)
_ الله يرحمهم هسه همه بالجنه يشوفونج يزعلون منج اذا تبقين تبجين
مسح دموعي وكالي يله نامي خلي يخلص مغذي واطلعج للبيت.
_عمو اريد اكلك شي
_ اي كولي
_ بس لاتزعل مني
_ ههه لا ماازعل كولي
_ عمو هو شسمه اااني.....
_ اي اشبيج انتي
_ عمو اني ماريدك تعوفني
_ هههههه بويه اكو واحد يعوف روحه
_ توعدني عمو ماتعوفني ابد
_ وعد يروحي مااعوفج حتى لو انتي طلبتي مني اعوفج ههههه جا شنهي غير انتي بنيتي وحبيبتي وحياتي
_ كافي كافي اني مو حياتك ولا حبيبتك
_ملاكي اكلج شغله...........
أنت تقرأ
الامانه الصعبه
Storie d'amoreرجل ثلاثيني عسكري عصبي وصعب الفهم........ يقع في حب فتاه لاكن لم يكن حب عادي بل اصبع تملك صعب..........
