انت اخر انسان في بالي لاجيت انام واول انسان في باليفي بالي لاصحيت

البارت-48-

صحى عمر الساعة 3 منتصف الليل وناظر ب لين الي ناميه زفر و وقف وسكر التلفزيون وقرب منها ورفعها دخل الغرفه ونزلها على السرير وانسدح جنبها بتعب لف على لين وكان وجهه قريب من وجهها وخمشه يلامس خشمها باسه وسحبها لحظنه وغفى وهو حاظنهاا..
_يوم الجمعة ببيت زياد _
يزيد وهو ماسك هتان الي لابس الثوب الي جايبينه له لين وعمر وماسك فنجال شاهي:شوفو ولدي المطنوخ ماله اسبوع ويشرب شاهي
ابو محمد:خل الطناخه ورد الولد ل امه
ضحك عمر و وقف واخذ هتان من يزيد وباس خده وراح قسم الحريم رفع صوته:لينا
جت لينا و وراها لين الي ركضت تاخذ هتان من عمر:جعلنيي ثوبب بس ناقصصهه محزم
ضحكت لينا:اشتراله يزيد بس انها بالشنطة
لين ضحكت وهي تشوف هتان ماسك اصبعها:جيبيه نلبسه ويشوفه عمر
عمر كان متكي ويناظر بشكل لين اللطيف وهي ماسكه هتان:تدرين اني احسدهه
لين ناظرت فيه:وتدري انك اكثر واحد اهتم فيه واحبه واعشقهه ومحد ياخذ مكانك بقلبي
قرب منها عمر وحط يده على مكان قلب لين:هذا قد كان لي لوحدي لاكن الحين فيه هتان تصدقين يوم شفت اهتمامتس فيه وهو ولد اخوتس غرت عاد لو كان ولدي
قربت منه لين ورفعت رجولها وباست دقنه:اذا حبيت ولدك فهذا من حبي لكك
لفت لين على لينا الي جت ومعاها المحزم لبسوه ايها لين بلطافهه:عمر مصغرر
ابتسم عمر واخذ هتان بحظنه:صوروني مع شبيهي
اخذت لين جوالها وصارت تصورهم وكانت الصور لطييفه بشكل يأسر القلب
_انتهت العزيمه وجاء زواج تركي وا الجود_
كانو البنات بالقاعه يتجهزون وكانت في مفاجاة يزن مايعرفها وانه ورد بتنزف بعد الجود وتروح معي يزن ولين قد ظبطت حجز الفندق وهي الي اقترحت الفكره على ورد الي وافقتت لفو البنات على ورد الي خرجت بفستان هادي ماسك على الجسمم ومن تحت نفشه بسيطه وطرحه طويله:كيفف
ملك وهي تشوف الفستان:يجننن عليتسس
خرجت الجود بفستان ابيض من عند الخصر ماسك ومن تحت منفوش:اه ثقيل
لين:تجنننووننن احلاا عرايس بالكون كلههه
لفت وسن على صوت رند الي تقول:وسن زياد يبيتس
خرجت وسن بفستانها الاسود وكانت تفتن لف زياد على صوتها وهي تقول:زياد هلا
زياد عدل غترته ومحزمه وتنحنح:العوده الي عطيتس ايها جيبيها
وسن ابتسمت على جنب من منظره:سم
راحت تجيب العوده وزياد زفر:ويلل امهاا والجمالل
جت وسن وعطته وقربب منها زياد وهمس ب اذنها:متى اكسر غرورس واجيب راستس
لفت وسن لخد زياد وباسته وراحت عنه وهي تقول:اتموت ماجبت راسي لو كثر زينكك مايشتكي قلبيي من اوجاعه
رفع صوته زياد وهو يقول:جعلنيي عبدالمجيد
ضحكت وسن ودخلت خرج زياد وشغل العوده وشاف العيال يشيكون على الاغراض:الي يبي بالدور
قرب منه عمر واخذ منه العوده:اذلف شوف تركي
زياد:اخوك الاكبر ل اوريك شي مايعجبك
عمر ناظره بطرف عين:كبر بدون عقل
فتح عيونه زياد بصدمه وخنق عمر الي كان يضحك:العوده العوده لاتنكب
زياد:قولل اسف
عمر:سمم اسف خلاص
زياد:ايه يالورع
_عند البنات _
دخلت لين تشوف لينا خلصت شعرها عشان يجي دورها ولا باقي:هاه خلصتي
لينا:لاباقي اسمعيي شوفي هتان هو مع امي
لين كانت بتتكلم بس ركضت للحمام ورجعت لحقتها لينا بخوف وهي تشوف لين تبكي:وشبتسس
لين وهي تبكيي:مدريي مدري
لينا:طيب ليش تبكينن تري رجعتي بس
لين وهي حاطه يدها على بطنها:اكرهه الترجيع اهه من الصبح وانا ابي ارجعع بس مابيي
لينًا بشك:جتس دوخه
لين هزت راسها شهقت لينا:حاملل
لين ناظرت فيها:لا مابيي
ليناا:وجعع وش الي ماتبينن بطلب من الصيدلية تحليل حمل الين تخلصين شعرتس قومي بسرعه
وققت لين بعد ماكانت جالسه على الكرسي الي عند الحمام وجلست مكان لينا وبدت تسوي شعرها وبالفعل طلبت لينا من الصيدليه جهاز الحمل وصل تحليل الحمل وارسلت لينا وحده من الخادمات تجيبه اخذته لينا من الخادمه وشافت لين توقف بعد ما خلصت من شعرها اخذتها وراحت للحمام وعطتها الجهاز:يلا بسرعه انتظرس
دخلت لين بتوتر وحللت وخرت للينا الي قالت:هاه وش طلع
لين:مدري باقي ماطلع انتي امسكيه وشوفي
اخذته لينا وانتظرت شهقت:حاملل حامللل
لين نزلت دموعها:يمههه
حظنتها لينا الي ضحكتت:حبيبيي انا الي حاملل
لين ابتسمت ومسحت دموعها:مابعلم عمر الحين
لينا:اي اذا انتهى الزواج
بعدت لين:بروح البس
راحت لين وهي حاطه يدها على بطنها وكانت تهوجس بردت فعلل عمر لبست فستانها البنفسجي ونزلت تشوف البنات وش يسون بدو الناس يتزايدون بالقاعه لين امتلت القاعه بالضيوف
_عند الرجال _
رفع يزيد جواله ل اذنه:ما اسمع شيي
لين بصراخ عشان يسمعها:دخل تركيي وقت زفته وبعدها اذا دقيت عليك دخل يزن
يزيد:طيبب
سكر يزيد وتوجه ل تركي هو والعيال بعد ماعلمهم لن وقت زفة تركي جت صارو يضبطون بشته ويبخرونه ويطيبونه ك انهم اخوانه ابتسم تركي بغصه:جعلني ما اعدامك يخواني
اختلفت الردود بين:ابشر بنا،ولاعدم،جعلنا قبلك
ابتسم عمر وقرب من تركي وباس راسه:اخوي انت
حظنه تركيي بقوهه:جعلني ما افقد شوفكك
عمر ابتسم:امينن يلا بتدخل على عروستك
ابتسم تركي واخذ نفس ودخل شاف الجود بالفستان الابيض اللي كان يحلم انه يشوف شريكة حياته لابسته وتصير له عائله ميلت الجود راسها من شافت نظراته لها تقدم تركي وباس جبينها:مبروك يادنيا تركي
الجود ابتسمت:الله يبارك فيك ياعيون جودك
لفو من دخلت المصوره وبدو جلست التصوير وجاء وقت الزفه وقفو قدام الباب الي بينزفون منه وانفتح الباب وتوجه النور لهم شدت الجود على يد تركي الي لف عليها:لاتتورين معتس معتس
هزت راسها الجود وصارو يمشون للكوشه بكل تناسق ومنظرهم لطيف للعين
_عند العيال _
تقدم حاتم من وراء يزن ولبسه البشت لف يزن ب ابتسامه:مستعجل يالحبيب
يزيد ضحك:اطلق عريس اليوم
يزن قطب:وشو اليوم عرس تركي بالمصروعين
عمر ضحك:اليوم بتنزف زوجتك لك
يزن فتح عيونه بصدمه:يعني..باخذ ورد معي
حاتم هز راسه:ايه
يزن:في ذمتكم
رمى غترته بالسماء وصار يلعب بالبشت ويرقص طاحو العيال مصروعين من ردت فعله
ظبطو غترته وبشته ودخل يزنن وشاف ورد صاده وشاف جسمها والفستان الي على انه بسيط بس انها محليته قال بهمس:وردي
لفت ورد عليه بهدوء ضحكت من شافت نظراته مشى يزن اتجاها وحظنها بقوهه حس انها دخلت بضلوعه:اخيراا بتجين بيتي ياعين يزن
ورد ضحكت بكتمه:لو شديت شوي ذبحتني
بعد منها يزن ومسك وجهها بكفوفه وقعد يناظر فيها ثواني ونزل لمبسمها وباسه بقوهاا غمضت عيونها بهدوء وبادلته
اخذ تركي الجود وراحو للفندق واخذ يزن ورد وراحو الفندق
_بسيارة عمر _
نزلت نظرها لين ل الرساله الي وصلتها من شركة توصيل ومكتوب:تم توصيل طلبك
ابتسمت لين:يسس
عمر لف عليها وقطب ب ابتسامه:ويش
لين:مو يوم ميلاد تميمي بكره
عمر:ايوهه
لين:جبتت له دباب الي يبيه
عمر:اوههه بيصير عشريني
لين:ايهه كبر الوصخخخ
وصلو البيت ونزلت لين وبيدها كعبها:اهه رجولي
جاء عمر من وراها بعد ماقفل الباب ورفعها بس صرخت لين بخوف:عمر نزلني الحينن الحيننن
عمر ب استغراب:وش الصوت ذاا وليش انزلتس
لين وهي متمسكه برقبته بقوه:اخاف اطيح
شد عليها عمر وطلعها الغرفه لين شافته يمشي تجاه السرير:لاترميني ضهري يعررني بشويش
نزلها عمر على السرير وهو مستغرب خوفها دخل غرفة اللابس ونزل محزمه ونزل ثوبه ونزل بلوزته وبقي بس بسرواله خرج وشاف لين قدام المرايه الطويله تحاول تفك السحاب قرب منها ونزل السحاب وقال بهمس:اشتقت
لين برعب:مو وقته تعب تكفى
عمر باس نحرها:بدلي وتعالي انتظرتس تنامين بحظني
لين لفت عليه ومررت اناملها على صدره:بدون ماتقول
مشت لغرفة الملابس وانسدح عمر وزفر:اه حرر
شغل المكيف وخرجت لين له ببجامة سوداء حرير فتح عمر لها ذراعها وانسدحت لين بحظنه واخذت يده وحطتها على بطنها ماشك عمر بشي لانه يشوفه شي عادي اما لين غمضت عيونها من حست ب امان من لمسته ل بطنها:شرايك ب اسم غيث
عمر ابتسم:بسمي ولدي ان شاء الله غيث بن عمر
لين ابتسمت:امانه تحبه
عمر ضحك:اتذكر كانو ينادوني ابو غيث بالمدرسة عشاني كنت ادافع عن ولد اسمه غيث وحبيت الاسم
لين وهي تمرر اناملهت على يد عمر الي على بطنها:طيب لو مثلا جا اول بيبي لنا بنت
عمر:سَمّو
لين:الله يجننن سَمّو بنت عمر
عمر همم لها ودفن وجهه برقبته:نامي الخفوق
ضحكت لين من نطق بالخفوق:تصبح على خير يالغلا
ابتسم عمر بتعب ونام على طول
_اليوم الثاني ب قصور ال علي تحديدا الساعه ١٢:٠٠_
رفع عبدالملك صوته:تميم
تميم زفر بتعب وفتح باب المشب:وج..قاطعه صراخ العيال والبنات الي كانو لابسين عبيهم ومشغلين:هابي بيرثدي تيوو
ابتسم تميم بصدمه:يلبهه وش حفلة الميلاد البطله ذيي
لين ضحكت وتقدمت تحظنه:كل عام وانت بخير يحبيبي
تقدم عمر وبعد لين عن حاتم وقال بهمس ل لين:كفايه هتان
لين ابتسمت واخذت يد يزن وخرجت من المشب:وش تتوقع المفاجاة
تميم:في مفاجاة بعد
لين تخصرت:وش متوقع يعني ما اجيب لكك
تميم:عندي احساس انها سياره
لين ضحكت:وش هي بعشره ريال صح
تميم حاوطها من كتفها:يلا معد فيني صبر
لين ابتسمت من شافت حاتم ويزن يدخلون الدباب لف نظره تميم بصدمه على لين الي ضحكتت:شرايككك
تميم:كذابهه
لين:وربيي انه لكك
تميم حظنها بقوه ورفعت لينا صوتها بخوف:بشويش
عمر لف على لينا وهو صار مستغرب ركود لين ومعد صارت تنط ولاتركض ولاتناقره لف على لين الي تقول ل تميم:لا مابركب ظهري يعورني لاطبت جيت ركبت معك
رنيم وهي تصور:اناا ابيي اجرببب
سطام بحده:اقول اقعدي
رنيم تخصرت:تراني اعرف اسوقه معليك من سطام
تميم كان يناظرها:يلا
رنيم تقدمت ل الدباب:بسم الله دقيقه نسيت كيف اشغله
حاتم ضحك:معليك اعرف اسوقه اجل
رنيم:انت علىتبن
حاتم حك راسه:سمي
اثير لفت من ماقدرت تتحكم بضحكتها لمحها حاتم وابتسم بخفه:جعلني اكل تبن كل شوي عشان اشوف ضحتس
سكت شوي واستوعب وش قال:لا هدف عكسيي يالثور
لفت لين على عمر:فروتك فين
عمر لف عليها وقال بهدوء:بالسيارة
لين قربت منه:جبها بليزز
وقف عمر من جلستهم وراح ل السيارة وقفت لين وراحت وراها وسرعت خطواتها ودخلت يدها بيده وميلت راسها على راسها:شفيك زعلان
عمر وهو يخرج روموت السيارة:وضعتس مو عاجبني وش الم الظهر ذا
لين بتوتر:عشاني لبست كعب طويل مرا
عمر:وش جاتس تلبسينه
لين وهي تشوفه يدور الفروه:كشخهه وكذاا
لبس عمر الفروه وسحب لين ودخلها مع بالفروة وبعد عقاله وحطه على راس لين الي ضحكت من نزل على عيونها:ثقيلل روسكم ماتعوركم
تقدم وشافهم يغنون:واضحكت لي بشفة مثل الشفق ، حسها قلبي وحن الها وخفق
جلسو معهم وبدو يغنون معهم وفنجال الشاهي وحضن عمر وش تبي لين اكثر من كذا
_اليوم الثاني ب المركز_
كان عمر ضايعع بين اوراقه سمع صوت الباب ينفتح وقال ب استغراب وهو مارفع عينه لسى:من
جلست ليان بكل اناقتها وحجابها بدون نقاب ومكياج وكعب:كيفك عمر
قطب عمر ورفع راسها:وش تبين جايه هنا
حطت ليان يدها فوق يد عمر الي. سحبها بسرعه:جيت اشوفك اشتقت لك
عمر صخرخخ:اطلعيي براا
ليان ارتعبت:وشفيكك
عمر فتح الباب ونادا الحرس وطلعوها زفر ومسك راسها:وش تبيي مني ذيي
اخذ جواله وخرج من المركز ركب سيارته وتوجه ل قصور ال علي لانه نزل لين عند جده قبل يروح الدوام ما انتبه انه ليان لحقته وصل ونزل ودخل مجلس الرجال اما ليان كانت متوتره وشافت باب مردود اخذت نفس ودخلت  شافتها لين الي كانت على جوالها بالحوش وقالت ب استغراب:مين
ليان:انتي لين زوجة عمر
لين هزت راسها بخوف:ايه صار له شي
ليان:لا بس تري هو مايبيك ويبيني انا تطلقي منه احسن
لانت ملامح لين:وش تقولين
ليان:زي ماسمعتي
لين قربت منها ورفعت يدها ل وجهها:لو حاولتي تقربين من عمر ذبحتس
ليان:حبيبي جايه من جده عشانه وجيت اعطيك خبر بس
حست لين بدوخه من هول كلام ليان ودخلتها عليها وصرخت ومسكت حجاب ليان:ماتفهمينن قلت لتس ابعدي عنه
دخل عمر بسرعه من سمع صراخ لين وهو كان مار مع الباب سحب لين عم ليان الي فتح عيونه بصدمه:وش جابتس هناا
لين لفت على عمر بصدمه:وتعرفها ياا.. مسكت بطنها من تحت من حست ب الم يقطع رحمها
عمر قطب:وشبتس
لين وهي تمسح دموعها وتحس بغرق بسروالها:لاياربب ثبتههه
عمر انصدم من شاف الدم بسروال لين بحكم انها لابسه سروال بجامه رصاصي فاتح:وشوو ذااا
لين تمسكت بكتف عمر:تكفى لا يموتت غيثثث
عمر الجمم:وشـ..غيثث
لين هزت راسها ب المم تحسه ينهش بطنهاا:تكفى عمرر بطنييي
دخلت لينا وسن وانصدمت لينا من شافت وحده ما تعرفها والدم الي بسروال لين شهقت وركضت لهاا:لينن وشبتسس
لين لفت عليهاا:تكفينن غيثث لايروحح
دخلت لينا تخاذ عبايتها ولبستها ايها وطلعتت لينا هي وعمر وهم يمشون لين ل السيارة الي ماسكه بطنها ب الم
لفت وسن بصدمه على ليان:من انتي ياملعونت الصلايب
تراجعت ليان بخوف:بعديي منيي
رفعت وسن اكمام عبايتها:انا اعلمتس
طاحت وسن ب ليان ضربب وتكفيخ سمع زياد صراخ وسن وفز من الحوش الثاني ودخل يركض انصدم من شافها تضرب وحده حاول يمنعها ولفت وسن عليها وعطته كف:صدد ياحيوان صدد
لف زياد وعض شفته السفليه ب الم:طيبب بعديي منهااا
بعدت وسن من ليان بعد ما خلتها تعض الارض
طلعت ليان تركض بس انصدمت من الشرطة الي يزيد دق عليهم بعد ماشاف عمر ماسك لين وصرخ عمر فيه وهو يقول:دق على الشرطة خلهم ياخذون بنت الكلب الي جوهه
__________________________
انتهى البارت ادعموني بنجمه وكومنت عشان اكمل🤍.
الي يتابعني انستا بيعرف ليش البارت قصير🫵🏻💥