انت اخر انسان في بالي لاجيت انام واول انسان في باليفي بالي لاصحيت

البارت-1-

صباح يوم جديد تحديداً جنوب الممكلة في بيت الجد علي... يوم الجمعه الساعه ١١:٠٠ في القصر
ابو محمد :ياشاهره
ام محمد: لبيه
ابو محمد:دقي على العيال شوفي كم بقي على صلاة الجمعه اخرونا
ام محمد:ابشر بس كنه بدري شوي
ابو محمد بعصبيه: لاا
دقت ام محمد على ابو يزيد: الوه
ابو يزيد : لبيه يمه هلا
ام محمد:لبيت حاج يولدي دق على اخوانك وعيالهم وعيال خواتك يعجلون ابوك معصب عليكم يقول تاخرتو على الصلاة
ابو يزيد بضحكه:يمه الله يهديه وش تاخرنا على الصلاة باقي الساعه ١١:٠٠
ابو محمد بعصبيه بحكم انه الجوال سبكر: ولعنه وش بدري قم قم وقوم الحمير الي معك
ابو يزيد بصدمه: ابشر يبه ابشر
______________________
__ البيوت جنب بعض يعني مايحتاج سياراته عشان يروحون ل بعض لانه يجمعهم حوش كبيرر كل الاولاد فيه ماعاد البنات__
______________________
_بيت ابو يزيد محمد_
بعد ماقفل راح غرفت يزيد وكانت بارده ثلج دخل وقفل المكيف وفتح الستاره والدريشة وصرخ بوقه هزت روح يزيد:قمم قم ي الثور
يزيد بعصبيه انه قام مفجوع: يبههه ليش تصارخخ ليشش
ابو يزيد : ولعنه تلعنك ترفع صوتك على بوك
دخلت ام يزيد اماني الغرفه: وشفيك يمحمد عليه يبقوم الحين
ابو يزيد: بروح اقوم اخوانك والاقيك لابس تاخرنا على جدكك قم
خرج ابو يزيد من الغرفه
يزيد : يمه وش تاخرنا الساعه ١١
ام يزيد وهي تضحك: ماتعرف بوك وجدك قم ي ولدي قم
_______________________
بيت ابو زياد عبدالرحمن _
فالصالة بعد ماقفل ابو زياد من اخوه محمد: زياد قم قوم عمر
زياد وهو على الجوال :ابه مالي دخل تعرف عصبيته
ابو زياد بعصبيه:ولعنه انت وخوك مافيكم طبب
زياد قام ل امه وهو يضحك
طلع ابو زياد ل عمر وفتح الباب قوه وشغل الانوار وقال يصراخ: قمم ي السربوت قم قامت قيامتك
عمر وهو منخرش وقال بعصبيه: يبه كم مره قلت لك لا تدخل كذا كم مرههه
ابو زياد بعصبيه: اذا صرت تفهم ماجيتك كذا قم
لف ابو زياد ولقى زياد يضحك قال: وانت قم البس لا اجي اكمل عليك
زياد بصدمه:شدخلني اناا
جت لينا وهي تركض حضنت ابوها وتضحك: بابا ليش تصارخ
ابو زياد بحنيه وابتسامه: تعبوني يابنتي تعبوني
لينا بعدت وصرخت وقالت: كلابب انتووو ليش ماتسمعون كلام بابا
عمر وهو واقف عند الباب وقاعد يمسح وجهه وهو لابس سروال وفلينة الثوب قال بصوته الثقيل اثر الصحوه الي خرش لينا: ولعنه ابصمي(معناها اسكتي ب لهجة قبيلتي) واقصري حستس
لينا وهي ورا ابوها: يمه متى قمت
عمر وهو معصب: شايفه جني انتيي
لينا وهي تضحك بورطه: امزح ي احلا اخ وهربت
_________________________
_بيت الجد علي_
كلهم دخلو وجلسو الا عمر ويزيد
ابو محمد: وين يزيد وعمر(هم اكثر الاحفاد حب ل ابو محمد)
ابو زياد وابو يزيد بصوت واحد: بيجون بيجون
ما امداهم سكتو الا ودخل عمر بهيبه وهو لابس ثوب كحلي وغتره بيضاء وريحته عود قال بصوته الرجولي: سلام عليكم
الكل :عليككم السلام
ابو محمد ب ابتسامه ل هيبت عمر:وعليكم السلام يولدي
بعدها بثواني دخل يزيد وهو لابس ثوب اسود وغتره بيضاء مشجره ب اللون الازرق قال: سلام عليكم يا هلي
الكل :وعليكم السلام
جلس جنب عمر وسلمو على خشوم بعض(سلام رجال) : كيف الحال
عمر:طيب وانت
يزيد:بخير نحمد الله شكلي تاخرت ولا
عمر: الحال من بعضه
يزيد:هههههههههههههههههههههههههههههههههههه والله يا ابوي فجعني فجعه
عمر وهو يضحك بهدوء :حتى بوي بغى يكسر الباب علي حسيت انه معي بنت في الغرفه
يزيد طاح بحضن عمر يضحك وعمر يقبصه عشان يسكتت قال ابو محمد بعصبيه: تضحك بلا سنون انت وهو
سكتو ويزيد ماسك ضحكته
_______________________
_قسم الحريم_
دخلت لين وهي بكامل اناقتها هي وامها المجلس:سلام عليكم
الكل التفت وقالو:وعليكم السلام
جت لينا تركض ل لين وهي تضحك:وحشتيني يا كلبهه
لين بادلتها الحضن وقالت: ي الخاينه معد صرت اشوفتس
لينا بعدت وسحبت لين تجلس جنبها وقالت: مشاغل تعرفين المهم معليتس مني الحين امسكيني من غنى ل اقوم انتفها
لين بضحكتها الي تاخذ القلب قالت: لتس اللون الاخضر صفقيها
لينا وهي تستحقر غنى قالت : تخيلي وش سوت الكلبه
لين وهي اشتاقت للحش :وششش
لينا: طلعت قدام عمر بدون عبايه وملعونت الصير حلوه
لين بشهقه: وشفيها ذي المصروعه
لينا وهي تضحك بنصر: معليتس عمر صرخ فيها صرخه هزت كل اركانها
لين وهي تضحك بكل عبط قالت: كفوو عمورييي
لينا ناظرت فيها بخبث:عموريي هااهه
لين لفت عليها بصدمه :امزحح شفيتس
لينا قامت تسلم على عمتها فلوه وهي تضحك على لين الي قامت وراها وهي متقرفه من عمر
جت وسن وهيي تبتسم قالت:وحشتوني ياا حيوناتت
لين وهي تحضنها بقوه : وربي موو كثريي اشتقت ل راس العصابه حقتنا
لينا وهي تضحك: احبكم وجعع
_________________________
_بعد الغداء عند الرجاجيل _
وقف عمر وقال: اكرمكم الله انا استأذن
ابو محمد:الله معك
يزيد :خذني معك
عمر بدون لا يلتفت قال: تعال
طلعو الحوش و وقفو قدام باب الحريم
التفتو على الصوت النعام الانثوي وهي تقول :يزيد تعال
جاها يزيد لانه يعرف انها لين
لاكن عمر صنم (يعني عندنا ب قبيلتي تجمد )من رقة الصوت قال: لا لا معليك صوت ترا
_عند يزيد ولين_
يزيد جاها وهو يقول: هلا بالي لها الخافق يهلي لبيه عيوني لتس
لين وهي تحب الدلع من اخوانها قالت: احبكك يزيديي
يزيد حضنها: لبيه قولي عمر ينتظرني اخاف يفجر فيني
لين بهمس مو مسموع بقرف:يععع
يزيد:لبيه قلتي شي
لين بتدارك:لا لا بس ابغاك تقول ذي الخطه عند جدي
يزيد بحماس لانه يثق ب اختيارات لين قال: وش
لين :نروح السوده ونطبخ غدانا هناك ونتقهوى ونرجع المغرب
يزيد وهو اعجبته الفكره:تم تم بقول لهم
راح يزيد عند عمر و لين عند الحريم
_____________________________________________
نتوقف الى هنا ان شاء الله انه ينال اعجابك بارت خفيف لطيف وطويل😿🫶🏻🫶🏻تعالوني انستا عطوني اقتراحاتكم وتشبيهاتكم وتعرفون كل شي اول ب اول🤍

الكاتبه:ارين ال علي💙.
حسابي انستا:ryn_4900
حسابي تيك:ryn_4999