انت اخر انسان في بالي لاجيت انام واول انسان في باليفي بالي لاصحيت

البارت-46-

ركضو ل سيارته نزل عمر وهو يضحك على اشكالهم وهم يكرضون:ارحبوووو
حظنه يزيد وهو يمسك دموعه لاتنزل وهو وحشه عمر طول الشهر هذا مسح عمر على راس يزيد وهو مبتسم بحنيه:تبكي يبو هتان
بعد يزيد منه ومسك وجه عمر الي طلع له دقن خفيف وباس راسه:وحشتني ياعضيدي
عمر ضحك ورجع يحضن يزيد بقوهه:ارحبب ارحبب
يزيد ابتسم:لعد تعودها
وقال عمر بهمس:عشان ما ازعل لين
بعد يزيد من عمر وحضنه ذياب الي كان يضحك:زين انك جيت
عمر ابتسم:كله لعيون وخيتي ولا انت بكيفك
ذياب ضحك:ياعسكري
عمر ابتسم وضرب تحيه:يانسيبي
ضرب ذياب لعمر تحيه ضحكو ورجعو يحظنون بعض الكل سلم عليه وجاء حاتم له وقال بهمس:المدام اليوم منفسه
عمر قطب:لين
حاتم هز راسه:ايه تذكر وش مزعلها فيه
راح حاتم وشحن عمر جواله الي فتح ولانت ملامح عمر من كمية الرسايل الي جته من لين بلل شفايفه وهو يناظر خوفها عليه و ترجيها انه يجي ابتسم بخفه:الكل يحسبني جاي عشان رولا لاكن انتي الاولى
سكر جواله وراح ياخذ ثوبه من السياره وهو مار البيت قبل يجي لبس الثوب والغتره والمحزم واخر لمساته عطره الي كان ثقيل وينعرف انه عمر من اول ما ينشم ريحته
_عند البنات _
تزينت رولا فستان باللون الابيض ماسك من الخصر ومنفوش من تحت وكله كرستال وكانت تجننن
..
تزينت لين فستان كحلي ماسك على الجسم وقصير
..
لينا تزينت فستان اخضر غامق مخملي ماسك على الجسم كامل وفيه فتحه من الفخذ وبطنها بارز بشكل كيوتت
..
وسن تزينت فستان بيج ماسك من الخصر وطايح من تحت وفيه خرز
..
رند تزينت باللون الاسود الي ماسك من فوق ومنفوش من تحت ومن فوق فيه ترتر باللون الاسود
..
ورد تزينت باللون الازرق ماسك على الجسم وفيه فتحه من الفخذ
..
غنى تزينت باللون الاحمر هي وبنوتتها نجد
..
الجود تزينت باللون البنفسجي الفاتح
..
ملك تزينت باللون الاصفر الهادي ماسك من فوق وطايح من تحت
..
مها تزينت باللون الورد الغامق وا شيخه نفسها بس يختلف درجة لون الوردي كانت شيخه لابسه لون وردي فاتح
..
اثير تزينت باللون الرصاصي الفاتح من فوق ماسك على جسمها ومن تحت منفوش
..
رنيم تزينت باللون التركوازي وماسك على الجسم كامل
—
شافو بعض وصرخو كلهم:تهبلونن
صارت كل وحده تاخذ راي الثانيه بالفستان والكل كان الرد بالايجاب
اخذت لين جوالها ونادت لينا :صوريني
لينا ابتسمت:لعمر
لين بحزن:ايه ابيه يشوف كشختي ويعطيني رايهه كان دايم يعطيني رايه
صورتها لينا واخذت لين الجوال وارسلته له وكتبت:شرايك بكشختي؟
تركت الجوال وراحت تنزل مع البنات يستقبلون الضيوف الي بدو يتزايدون الين امتلت القاعه
_عند الرجال _
لف عمر على يزيد الي قال:روح الغرفه الي بالقاعه بالدور الثاني بتلاقي فيها الكرتون جبه بسرعه
ركض عمر ودخل الغرفه من الباب الخلفي وصار يدور بالغرفه ويحوس لقاه وخرج دخلت لين بعده على طول تجيب جوالها شمت ريحت عطره وقالت ب استغراب:مو هاذي ريحة عطر عمر
صار تحاول تلقط ريحة العطر:والله هيي اعرفها اكثر من عطري انحفرت بقلبيي الريحه
اخذت جوالها وخرجت من الغرفه وهي تحس انه تعدل مودها من شمت ريحت عطره
جلسو البنات يرقصون لي جاء وقت الزفة دقت لينًا ل يزيد:خل تركي يجي بتنزف عروسته واخواني وابوي
يزيد:منعيوني وانتي اطلعي لي برا
لينا:ابي اشوف الزفة
يزيد:طيب انا ابيتس
لينا:حبيبي اذا خلصت الزفه جيتك
يزيد:تم
قفلت ولف على ذياب وعمر:يلا يقولون الزفه
ذياب تنحنح:يلا
عمر ضحك:فكها ثقل شوي
ذياب:امشو بس
تجمعو كلهم ودخل ذياب قبلهم و وقف عند الكوشة وطفت الانوار وبقي بس نور خافت وتوجه نور ابيض على الباب الي بتخرج منه رولا انفتح الباب ونزلت رولا بكل رقه وهدوء كان ذياب يناظرها بكل حب كان قلبه يرجفف كان يتذكر وصيت امه له نزلت دموعه من حس انه سمع صوت امه بس تذكر انها ماتت شافت رولا دموعه تقدمت له وحظنته صرخو البنات بكل حببب من منظرهم اللطيف حاوطها ذياب وهو يضحك ببكيه:جيتيني ياوصيه اميي
رولا وهي مبتسمه:خلاص ذيابيي افرحح
مسح دموعه وباس راسها بكلل حبب و وقفو ياخذون كم صورة ودخل ابو زياد وزياد وعمر وحاتم صرخت لينا من شافت عمر وهي تدور لين بس للاسف ماشافتها:ياربب انه شافته
حظنت رولا ابوها الي قال:الله يوفقتس ياروح ابوتس انتي
رولا ابتسمت:امين ياقلبي
سلمت على اخوانها و وصلت لعمر الي حظنها بكل قوته:امي الثانيه تتزوجة من بفضفض له اذا تضايقت
حاتم:هيه عطيني طريقة الشكشوكة الي تسوينها عشان اخيلي رند تسويها لي
رند دفته:وجع ماهمك الا بطنك
لينًا:لين وين
رند:مدري
عمر:كيف ماهي موجودة
لينا:اكيد انه فوق
عمر هز راسه:لاتعلمونها اني جيت
و وقف كلهم واخذو صوره جماعيه وبدت المصوره تصور رولا وذيابها الي كان طاير من الفرح خرجو واخذ ذياب رولا وراحو للفندق
نزلت لين من فوق تشوف زواج الرجال من الغرفه الرئيسية:انتهت الزفة
لينًا وهي تشوف المعازيم بدو يروحون:ايهه قدر راحت رولا مع رجلّها
لين ابتسمت:الله يوفقها
خرجت لينا ل يزيد الي كان متكي ويشرب شاهي ويشوف القمر ابتسم من سمع صوتها وهي تقول:عيوني
يزيد لف عليها وابتسم وكانت ملامحه مرتخية مسكها من خصرها وباس خدها بخفه مسكت لينا وجهه وقالت ب استغراب:وشبك حار
يزيد:مدري
لينا حطت يدها على حلق يزيد:الا والله انك حار
يزيد باس نحرها:طيب انتي زعلتي مني اليوم عشاني صحت عليتس
لينا ابتسمت:يعني هو ايوه بس عادي
يزيد:طيب اسف والله كنت مشغول بزواج اختس وانتظر عمر يرد
لينا باست خشمه:فدا يعيوني
باس يزيد عيونها:جعلني ما اعدمها
انتهى الزواج وبدت فقرت نقل الاغراض ل السيارات ركبت لين جمس ابوها والاغراض كانت حولها من كل مكان خلصو من نقل الاغراض وتوجهو للقصور لحد الحين لين ما انتبهت ل سيارة عمر
_عند عمر ويزيد بنفس السياره _
يزيد وهو يلعب بسبحته:ماودك تشوفها
عمر شد على الدركسون:مو مستعد ابد
يزيد ضحك بسخرية:لك شهر بعيد عنها مو مستعدد ارفق فيها يعني خلاص الحين ماتقدر تسويها وتجيب ورع يعني اخذت الحبوب لفتره بس وهي قالت لك السبب
عمر عض شفته السفليه:طيب ليش ماعلمتنيي من البداية ليش ماجتني وقالت اذا تبيني زوجه لك على الحقيقه باخذ حبوب والسبب كذا كذا ليش
صد يزيد وهو يعرف انه كل الحق ل عمر وصلو الكل نزلت لين وشافت لكزز عمر بس ما اهتمت لانه تعرفه راح بالسيارة السوداء الصغيرة وتوقعت انه يزيد اخذها عشان يشيل فيها الاغراض دخلت بيت ابو زياد لانه السهره فيه طلعت لغرفة عمر وفتحتها فتحت انوارها وانسدحت بتعب على السرير غمضت عيونها:يالله هانت باقي يوم ويجي وقفت وفتحت دولابه وطلعت بلوفر وكان طويلل مرا و وسيع وا شرابات طويله اخذت سروال ليقنز من غرفة لينا قبل ما تجي غرفة عمر رفعت شعرها كعكه ونزلت خصلتين منه وخرجت بعد ما تعطرت من عطرها نزلت وشافت نور مجلس الرجال مفتوح دخلت تبي تسكر النور بس انصدمت من شافت عمر جالس وشكله متبعثر وشعره طايح على وجهه ومغمض عيونه شم عمر ريحة عطر لين وعرف انها قدامه بس ماله حيله يفتح عيونه كان تعبان جلست جنبه وحطت يدها فوق يده:عمر
مارد عمر وهو يحس انه اربط لسانه من لمستها ليده قربت منه لين وباست فكه بخفه وهدوء ارتجف قلب عمر من بوستهاا لطالما كانت بوسات لين له تكون خفيفة هاديه فتح عيونه بهدوء وهو باقي ماناظر فيها:وش تبين
لين وهي تحاول تمسك دموعها:عمر خلاص ناظر فيني
مارد عليها عمر و وقفت وجلست بحظنه ومسكت وجهه بكفوفها:خلاص عاد اسفه
كان عمر يناظر كل تفاصيل وجهها مسك خصرها وقربها منه وقال بصوته الثقيل:زعلانه
لين هزت راسه ب ايه وكانت ملامحها تميل للبكاء عمر بلل شفايفه:من ايش
لين حظنته بقوه وبكت:اشتقت لك خلاص والله اسفهه اسفهه
ابتسم عمر بخفه وحظنها:امه دمعه ليش تبكين
بعدت منه لين ومسحت وجهها بقوه:ما ابكي
قرب منها عمر وباس دقنها بعدين طلع ل شفايفه بعدين خشمها بعدين بين عيونها بعدين جبينها ضحكت لين:خلاص رضيت
عمر هز راسه بنفي:لا
لين حطت يدها على صدره:طيب ليش
عمر باس نحرها:ابيتس تحتي
وقفت لين:طيب اذا رجعنا البيت يصير خير
عمر ابتسم وهو اشتاق ل تصريفاتها وكلامها وخجلها وضحكتها وكل شي:احبتس
لين لفت من عند الباب:اعشقككك
خرجت وشافت الدنيا تمطر ضحكت ورجعت عند عمر:تمطرر
وقف عمر وخرج معها ونزل برد ضحكت لين ونطت بحظن عمر:ثلجج ثلج
عمر ضحك وحاوطها:عشاني جيت وجاء المطر
لين بعدت منه واخذت كميه من الثلج ورمتها عليه صد عمر وهو يضحك واخذ كميه من الثلج وصار يركض ورا لين الي زحلقت وطاح عمر جنبها منصرع من الضحك وقفت لين وصارت فوق عمر:تضحك علي يالتبن اخذت كميه من الثلج وحطتها بضهره وهو ميت ضحك بعدت منه وهي تشوفه يحاول يطلع الثلج من ظهره:تعالي ساعديني بمرضض
قربت من لين وطلعته من ضهره جلس عمر بتعب وجلست لين جنبه:اذا ما مرضنا ما اكون لين
عمر ابتسم وهو يشوف لين مبلوله وتمسح وجهها مسك خصرها وقربها منه وباس مبسمها:وحشتيني
ابتسمت لين وحطت خشمها على خشم عمر:فقدتك ماتدري طول الشهر ذا وانا احاول اغير نفسيتي وما ازعل
كان بيتكلم عمر بس لف على رمية يزيد بالثلج ضحك بصوت عالي :ياحقير وقف وصار يلحق يزيد الين مسكه وسدحها بالارض وصار يرمي عليه الثلج وقفت لين وراحت تعبي حوظ الشاص حق جدهم برد هي ولينا الين ما امتلى وسوو شكل بالوسط وحطو اغطيت علب مويه على اساس عيون وفم الشكل الي سووه ركضت لين لعمر واخذت منه غترته وطاقيته وحطتها فوق رجل الثلج ضحك عمر وهو يشوف الشكل:هتان لاكبر
لين ضربته بخفه وهي تضحك:وجعع ولد اخويي ترا
لينا ضحكت:تراك خاله طبيعي بيطلع عليك
يزيد طاح يضحك:عطتك وحده عشان مره ثانية ماتتنمر على ولدي يالبزر
عمر وهو يشوف لين ترجف وتحاول تدفي نفسها حظنها:اقول دخلنا بس
ابتسمت لين وهي تمشي وعمر حظنها:اغليتك تجي مع المطر واحتمي فيك
عمر ابتسم ابتسامه عريضه:حيثه هو الي يحي الشوق فيني
ضحكو ودخلو وطلع عمر لغرفته وفتح الباب دخل الحمام واحذ له شور حار ولين راحت مع لينا لغرفتها تبدل وتتروش خرجو الكل وجلسو بالمطبخ يشوفون يزيد وهو يسوي شاهي ضحكت لين:اهه اشتقت ل شاهيك
عمر:اسوي احسن منه
يزيد:وع والغيره المعوقه
عمر:علتبن
لينا ضحكت:انت خلك على الكبسه
لين لفت عليه ومسكت يده:بليز نبي نطلع السوده وتسوي لنا كبسه اول ماذقتها كانت بالسوده وكانت لذيذة اهه
لينا:ايوهه كلنا ي الاربعه نطلع بكره مادام بيكون عشى مو غداء ل رولا شرايكم
يزيد وهو يصب الشاهي:خلاص تم
عمر ابتسم وهو يشوف يد لين بيده شد عليها ورفعها ل مبسمه وباسها:ابشري
لينا:مو قدامنا يالطيب
مسك خصرها يزيد وباس خدها ضحكت لين:ستوبب لا تتهورون
ضحكو وجلسو يسولفون ويشربون شاهي وكان عمر يشاركهم بقله ويناظر ب لين بكثرة انتهى يومهم وطلعت لين لغرفة عمر بعد مايزيد ولينا رواحو بيت ابو يزيد فتحت الباب وشافت عمر مغمض عيونه ومنسدح بتعب وكان مو لابس تيشيرت ابتسمت وقفلت الباب وقربت منه بهدوء وانسدحت بحظنه:تعبان
عمر همهم لها:همم
لين وهي تمرر اصابعها على صدر عمر:اسفه
عمر:مسامحتس بس ايشي تسوينه علميني
لين جلست:منعيونييي
فتح عمر عيونه ومسك خصر لين وصارت فوقها:احب العيون السود ذي
لين ضحكت وصارت تلعب بشعرها بنرجسية:ماجاب راسك غيرهاا اصلا
عمر كان هايمم في منظرهاا قدامه لف بحركه سريعه وصار هو فوق لين وقرب من وجهها حيل:ولو اني تعبان بس شكلتس مغريي
عض عمر على شفايفه وهو يشوف نظرات لين لعيونه الي ابتسمت وحاوطته:انا لك
ابتسم عمر وباس مبسمها بقوه ونزل ل نحرها واخذ مساحته واا🌚...
_بالفندق عند ذياب وا رولا _
دخلو الغرفة ونزل ذياب بشته ولف على رولا:تقدارين تاخذين راحتس بجيب العشى
رولا:تمام
خرج ودخلت رولا الحمام تحاول تنزل الفستان بس مو راضي ينفك السحاب جلست بتعب:ياربيي
انتظرت ذياب الي دخل وقال ب استغراب:مابدلتي
وقفت رولا وقالت بخجل:ممكن تفك السحاب
ابتسم ذياب وقرب منها وفك السحاب ومرر يدينه على ضهرها وباس نحرها بردت اطراف رولا من حست ب اطراف شنبه على رقبتها
بعد منها ودخلت تبدل ولبس بجامه باللون الابيض وخرجت وجلست جنبه
ابتسم ذياب وبعد الطاوله وجلس قدامها ومسك يدينها:ترضين تسكنين معي ببيت ابوي مافيه الا هو بالبيت ولو خرجت من بيقعد معه
رولا بلطف:اي عادي بعتبرهه ابوي
ابتسم ذياب ابتسامه عريضه وباس جبينها:جعلني ما اعدمتس
تعشو ونامو على طول من كان يوم متعبب
_اليوم الثاني بالمحكمة _
خرجت ورد وهي تحس انها بدت حياتها من طلقها نايف وانحكم عليه ١٥ سنه سجنن لفت على حظن ابوها لها الي قال:اسف اني رميتس عليه لاكن انها عدت
ورد ابتسمت:الحمدلله
ركبو السيارة وتوجهو ل القصور
_بغرفة عمر _
فز عمر على صوت دق الباب وبعد لين من حظنه وفتح الباب بدون ما ينتبه انه مو لابس تيشيرت ابو زياد بصدمه:علامك مو لابس شي
عمر وهو يفرك عيونه:اءء حر
شاف ابو زياد فستان وعرف انه لين موجوده صد ابو زياد بخجل:الله يصلحك تروش وانزل
عمر وهو يخلخل يدينه بشعره:طيب
دخل وسكر الباب دخل الحمام وتروش وطلع وهو لاف المنشفه على خصره شغل النور كامل وسكر المكيف وقرب من لين:بنت
لين دفنت وجهها بالمخده:همم
عمر:قومي بسرعه بنطلع وباقي تتروشين
وقفت لين بصعوبة:الله لا ياخذك ياعمر
ضحك عمر وكبر وصلى
اخذت شور لين وخرجت ولقت عمر مو موجود زفرت:الحين وش بلبس
لفت على دق الباب:مين
لينا:انا
لين ابتسمت:ادخلي
دخلت لينا وهي شاله ملابس للين الي قالت بخبث:عمر متروش وانتي متروشه يعني سواها
لين اخذت الملابس:وجعع
لينا وهي متكيه:والله من شكله امس ماتوقعت له حيل مايوفر لين ترجعون بيتكم
لين:اطلعي ابي البس
لينا ضحكت وخرجت وقفلت الباب لبست لين الليقنز ورفعت يدينها عشان تلبس التيشيرت ودخل عمر وشافها بالصدريه صرخت لين:عمر ولعنه صد
ضحك واخذ مفتاح السيارة وقرب وباس خدها قريب من مبسمها:توني امس شفتس يالطيبه
لين بخجل:طيب بعد
بعد ولبست لين عبايتها والشوز والنقاب ونزلت ورا عمر سلمت على ابو زياد الي كان مستحي منها وسلمت على ام زياد:وه يازين بنت اختي وزوجة ولدي
لين ضحكت بخجل:حياتيي خالتيي
لينا:اقول امشي تاخرناا
ارسلت لين قبله بالجوء ل ام زياد الي مسكتها بضحك اول ماسكرو الباب قال ابو زياد:عندي احساس بيجيني حفيد ثاني
ام زياد ب استغراب:قصدك من عمر
ابو زياد هز راسه:ايه
ام زياد:ان شاء الله
ركبت لين جنب عمر وقعدت تناظر ب لينا الي تركب مع يزيد لفت على مسكه عمر ليدها ابتسمت بخفه وشدت على يده وكانت بتبوسها بس لف عمر يده وباس يدها:لاتبوسين يدي بوسي شفايفي
ضحكت لين:امش بسرعه قبل ما يزيد يختفي
ابتسم عمر وصار يمشي ورا يزيد الين ما وصلو جبل بالسوده مرتفع وحوله الضباب نزلت لين بحماس:الله ضباب
نزلو عمر ويزيد العزبه وجلسو وبدو يقسمون الشغل عليهم وعمر مسك الغداء ويزيد القهوه والشاهي ولين تقطع البصل والطماطم ولينا تقطع السلطه
بدا عمر ينزل الزيت والبصل والطماطم والبهارات وكانت لين تناظر بحب وكيف انه مشمر اكمامه وغترته محاوطه رقبته وشعره الي طال شوي وكان ناعم وايده الي ماسك فيها الملعقه مليانه عروق وساعة الفخمه والخاتم ابتسمت من شافته معصب ويهاوش يزيد الي ميت ضحك جهز الق
غداء وتجمعو الكل حوله وببسي ولبن وسلطه وشطه صرخت لين قبل يمد يزيد يده:يالمشفوح اصبرر اصور
زفر يزيد:اعجلي ميت جوع
عمر:اصبر ل اهفك بالببسي
صورت لين وجلست لين جنب عمر وكانت بتمد يدها تقطع الدجاجه بس حط عمر دجاجه قدامها:حار مابتقدارين عليه
ناظر يزيد ب لينا الي ناظرته واخذ لقمه واكل لينا الي ناظرت ب لين وطاحو يضحكون ويزيد معهم ضحك عمر ومسح يده:وجعع ماودكم تاكلون
سكتو ورجعو ياكلون طبيعي خلصو من الغداء وقامو يغسلون ورجعو يجلسون يسولفون ويشربون شاهي وياكلون حب الين الساعه اربعه عصر وقامو ياخذون اغراضهم وركبو السيارات ونزلو من السوده لقصور ال علي لاكن عمر غير وجهته بطلب من لين وراحو بيتهم تزلو بعد مادخل عمر السياره بالحوش دخلت لين وركضت تدور بالبيت:اهه وحشنيي بيتنا
ابتسم عمر ومسك لين مع خصرها وحاوطت لين خصر عمر برجولها الي قال:يوم دخلته اجيب ثيابي عرفت انه عمار الدار اهلها
ابتسمت لين وباست طرف شنبه:عشان مره ثانية معد تختفيي
دخلو الغرفة ونزل عمر لين على السرير وشاف كم الساعة:قدهي ٥:٥٥ بسرعه مافيه وقت لازم ٧ واحنا عندهم
دخلت لين غرفة الملابس وصارت تدور ب فساتينها وطلعت فستان باللون البنفسجي الفاتح كان ماسك على الجسم بحاجه خفيفة وايده مكشوفة وفيه فتحت صدر تشبه V فكت شعرها وسوته ويفي وسوت مكياج باللون البنفسجي بعد خرجت بعد مالبست الكعبه الفضي وشافت عمر يتعطر وكان لابس ثوب كحلي وغتره بيضاء وعليها نقش باللون الكحلي ولاف طرف من الغتره على عقاله لف على صوت كعبها وصار يناظر فيها وهو له شهر فاقد كشختها وصوت كعبها ابتسم ومسك خصرها وسحبها له:وش ذا الزين
لين ابتسمت وصارت تشتت نظرها من نظراته لها:مو اكشخ منك
ابتسم عمر وباس جبينها ولف على صوت الجوال وكان ابو زياد:الوه
ابو زياد:امش تاخرت لابارك الله فيك
عمر:سم
شاف الساعه٧:٤٤ نزلو بعد م لين لبست عبايتها وركبت السيارة وتوجهو ل قصور ال علي وصلو ونزلت لين ودخلت قسم الحريم ونزل عمر بعد ماراقب خطوات لين نزل ودخل المجلس وزفر من شاف انه لا ابو ذياب ولا ذياب جو:سلام يرجال
الكل:وعليكم السلام
دخل وجلس جنب يزيد وتركي الي لف عمر عليه:ايه مبروك الملكه
تركي مسح على صدره:الله يبارك فيك
عمر ضحك:شكل بنتنا جايبه راسه
تركي ابتسم:جايبتني كليي والله
يزيد وهو يشوف ابو ذياب وذياب داخلين:قومو
وقفو رجال ال علي بكل هيبتهم ورحبو فيهم اعتلى صوت ابو ذياب:سلمهم
_بالفندق عند ذياب ورولا قبل يجون_
صحى ذياب ولف وشاف رولا نايمه بهدوء وشعرها متناثر على وجهها ابتسم بخفه وبعد شعرها عن وجهها وباس خدها بخفه:رولتي
صحت رولا بهدوء:همم
ذياب:يلاقومي الساعه٣ باقي بتتجهزين وناخذ اغراضنا ونروح بيتنا ونروح عشى اهلتس
بعد ذياب منها ودخل ياخذ دش وخرج وهو لاف المنشفه على خصره شاف رولا تحاول تسكر السحاب قرب منها ومسك السحاب ورفعه رفعت نظرها رولا وشافت صدره فيه قطرات من المويه وشافته اثار الجروح الي بصدره لفت عليه وباقي ذياب ماسك خصرها وحطت يدها على اثر جرح بصدره:من ويش
ذياب ابتسم:فريق اول طبيعي بيصير فيني كذا واكثر
رولا بخوف:انتبهه لنفسك لعد ترمي نفسك للموت وكانه مافي احد وراك صرت انا الحين وابوك واولادنا الي بيجون بالمستقبل
ارتجف قلب ذياب من تذكيرها في ابوه وفيها وفي اولاده ابتسم وباس مبسمها غمضت رولا عيونها بهدوء وبادلته بعد ذياب بعد ماطلبت رولا النفس:ارمي نفسي للموت عشانكم
ابتسمت رولا وبعدت عنه ونزلت تسوي كعبها وكان ذياب يناظر انحناء خصرها عض شفته السفليه ودخل يلبس
________________________________
انتهى البارت لاتنسون النجمه عشان اتحمس اكتب🤍
يلا بشوف دعمكم لانه اغلبكم قال نزلي كل يوم او يوم ايه
ويوم لا وبتشوفين الدعم تدلعوننيي ادلعكمم😉❤️‍🔥.

الكتابة:ارين ال علي 💙
انستا:ryn_4900
تيك توك:ryn_490