خطايا

بداية بارت 1

القصة حقيقية 100%
اذا وجد تشابه بينها وبين قصة أخرى فهي صدفة لٱ اكثر

نبدأ

اگولچ أسيل عندي أمنية اريد احققهة قبل لٱ أموت
أسيل بملل وهية تلف بورق العنب وتسفط
تفضلي بنيتي شنو أمنيتچ
حوري "اريد أكتب قصتي "

أسيل "وشنو بيهة قصتچ حتة تنكتب "
حوري "اووو شنو ما بيهة آني اسولفلچ وانتي گولي"
أسيل "عود بعد شوي نجيب حب وسولفي مدام خالچ مو هنا "

حوري " يمة فديت خالي ومرتة "
باوعت للطفل البيدهة يلعب وباستة بقوة
حوري"مو صح موش "دار الطفل وجهة
أسيل"نچبي ولي يلا خلي أكمل "

أسيل "گاعدة وما حسيت غير الباب اندرع علي
حوري "اجييت يلا گعدي
أسيل "وسمم حتة سم تعاي الم$لوبة

"ايي ست حوري تفضلي سولفيلي من البداية وكل تفصيلة تمام حتة اكتبها نفسها بالضبط

حوري "بس بشرط
أسيل "حلوو انوب تتشرط أم الوصخ

حوري "مقبولة گلبي بس اريد تخربطين بالأسماء وبعض الشغلات اللي ميصير تنگال او تفضح هويتي"
أسيل "همم تمام سهلة يلا گولي"

حوري "تدرين كلامچ هذا رجعلي ذكريات اووو الله لٱ يعودها من ذكريات خايسة" صفنت هاي آني شعشت شنو هالحياة وآني توني مراهقة بعمر ال17 سنة

بداخل ذيچ الصالة اصوات مختلفة وحالات مختلفة اذكار فرح الم وصراخ يوجع الگلب وبآخر طلگة وآخر صرخة ضهر صوت ذيچ الطفلة لاول مرة للحياة

ما چانت تعرف مصيرها ولو تعرف ما چان قبلت تجي للدنيا

يوم 26/4/2007 اكثر تاريخ كرهتة بهذا اليوم بدت معاناتي وي الحياة
هاي قصتي آني حورية مواليد البصرة

بنية بسيطة عاشت حياتها بتعب نولدت بظروف غلط

وطريقة غلط واهل غلط ببساطة چانت جيتي للدنيا
كلها غلط بس ربي شاء

(واذا اراد شيئا انما يقول ڵـهٍ كن فيكون )

نولدت بوسط عائلة متفككة اب ظالم ما يعرف غير الضرب والاهانة وام ما تسكت للي يمسها بكلمة

وهذا اللي وداني لهاي المشاكل كلهة هية ترد علي وهو يضربها وهية تشكي لاهلهة چانت جدتي متحب شخص يمس اولادها بحرف ولمن امي تشكيلهة تگلب الدنيا فوگ تحت

صارت مشاكلهم متنطاق وادت لطلاگهم

انفصلت امي و خلتني عدهم تكفلت بية جدتي ام ابوي چانت اكثر انسانة حنينة علي اكثر من اي شخص

من عافتني امي چنت توني مولودة تقريباً شهرين او تلاثة

جدتي دارتني واهتمت بية وچانت ما تخليني محتاجة شي

بس للأسف ما گدرت احبهة رغم كلشي حتة بآخر لحضاتها وصت علي وآخر كلماتهة انو هية تحبني بس بسبب ابنها عمري ما حبيتها

ابنها اللي اول ما طلگ امي تزوج وحدة ثانية چانت تضربني وتغلط علي وانواع الشتايم وهوة همين

وچنت اشرد بدون ما يدرون اروح لأمي كل اسبوع تعدلني وترتبي وتنطيني مصرف وارجع
مرة منهن عدلتني وكملت

أماني" يلا روحي خاف يدورون عليچ وما يلگونچ"
لزمني ابن خالي وضل يبچي ويصيح

علي"خلوهة اريدهة اريد العب وياهة خلوهة "

اخذتني امي وطلعني وهوة ضل يصرخ وراي رحت

وشردت مرة ومرتين وتلاثة ويرجعوني

وآخر مرة چانت رجعني زوج خالتي چان صديقة

المقرب وبوكتها مرت ابوي كتلني واخذت العابي واغراضي وذبتني برة بالساحة

"روحي طلعي بت الخ...ة الخايسة انعل ا....چ ان شاء الله تموتين حتة نخلص من عارچ يالفگر يرجعونچ كلساع على وجهي شنو مستفادة من فگرچ"

دفرتني سدت الباب ودخلت للبيت نمت والجو بارد كلش وآني جسمي كلة يرجف
احسب الثواني بس شوكت يطلع ضوة چانت أطول ليلة
طر الفجر علية وآني ما گضني رجلي فتحت الباب وركضت بدون ما احد يشوفني ردت بس اوصل

لامي من التعب وگعت وضليت نايمة بالشارع بوسط الچلاب تكرمون

شافني واحد من المنطقة يعرف جدادي راح دگ عليهم الباب

"السلام عليكم ابو ارشد اعذروني على الازعاج بس ترة بنتكم نايمة بالشارع والچلاب يمهة نايمة"
ابو أرشد"
فزعو كلهم علي وجدتي اول وحدة تشيلني
"يمة بنيتي شسوو بيچ يبعد امچ "تحضن بية

وتحچي وآني فاقدة شالوني وراحو بية للبيت

كل هذا وعمري 3 سنوات بس

حوريي تعااي
حوري "الله ياخذ حوري ان شاء الله الله ينتقم منك يا عبد الرحمن ليش ما خليتهة تذبني بالمرا....فق بيومهة خرة بيك "

أسيل "دروحي وتعاي حمستيني اسمع الباقي

ملاحظة🔥🔥🔥🔥🔥🔥

القصة حقيقية 100% بس بيها شوي تغبيش حفاظاً على خصوصية البنية وحياتهة 🙂🙂 المهم

فجروهة