محمد "آني احب حوراء
تصنمت مكاني وجسمي گام يرجف احس لٱ مو هذا اللي ردت اسمعة أخذت نفس وأبتسمت
حوري" و بشنو تريد أساعدك
محمد"ما ادري بس حبيت اگلچ لأن ما اگدر احچي وي احد غيرچ بهذا الموضوع
حوري"همم تمام يلا اروح آني سجى تنتظرني
محمد"باي
شعور مختلط حزن إنكسار وما اعرف شنو سببة ترة احنة جهال شنو حب لعد ليش احس بهالأحساس
عدت الأيام وتجاهلت الموضوع ومشيتهة ونسيت او تناسيت بقينة أصدقاء نسولف ونضحك بس الاحظ نظراتة الها بيوم طلب مني
محمد"حوري اريدچ تساعديني
انقبض گلبي حوري"شكو تفضل
محمد"اريد اعترفلها
حوري "مالي علاقة تريد أنت حاچيهة
محمد "چلبة هية هاي الصداقة أمداچ أم عطوب تف
حوري"هيوو شنو هدوك
محمد "ولي ولي مشة مسافة شاف بنية جر شعرهة
سارة"وسم شبيك اثول أنت
محمد "أحترمي نفسچ وولي
سارة"اذا ما اشتكي للمديرة حيوان ما محترم
محمد"اوو شوفيني شخيت منچ ومن مديرتچ
راحن البنات شوي ونسمع المديرة صاحت
المديرة "محمد للأدارة
طلعن البنات يعيبن علي
محمد " فاخت الدودة هسة ارتاحيتن
دخل للأدارة ونسمع بس الصياح والرزالة شوي وطلع وورا ست حنان أمه
حوري"هاا شنو صار
محمد "ماكو شي عفس وجهة وراح
ست حنان "تحملن شوي بنات بس تنتهي السنة أنقله
حوري "ست چذابات هذن چان بس يتشاقة وياهن حوراء شاهده موو حوراء خزرتهة وما اهتمت هزت راسهة بلا
ست حنان "لٱ حوري محمد جاي يسبب مشاكل هواي للبنات وهوة مو صغير يعني عمرة 11 مو قليل يلا هسة عوفن هاي السوالف وروحن دگ الجرس
روحت من يمهة وروحي أحسس راح تطلع ليش هيچ صار بعد ما حبيته سوالفة وضحكته ما أعرف ليش
يكرهونة
خلص الدوام وردت اطلع سمعت صوتة يصيح اجة يلهث من الركض
محمد"أنتي ليش تحبين أضل اركض وراچ
حوري"شتريد
محمد"آسف
حوري"علمن تتأسف
محمد"لأن صحت بوجهچ
حوري "عادي ما صار شي
سجى "آسفة للمقاطعة بس نريد نولي يلا سحبتني ومشينة
أول ما دخلنة البيت ذبيت الجنطة بصفحة والحذاء كل فردة ما تندل أختها وين صارت أشوف سليمة تخوزر بية بس ما تحچي شعجب
دخلت أبدل شوي صاحتني جدتي
أم أرشد "حوري تعاي
حوري "أجيت ماما دخلت لغرفتهة وشفت هاي المرة اللي تجي كل فترة بس هالمرة بيدهة طفل
حوري "هاا ماما صحتيلي
أم أرشد"ايي تعاي سلمي على أمچ بالأول
حوري"على منو
أم أرشد "أمچ شبيچ
تقربت خطوتين سحبتني بصفها گعدتني
أماني"شلونچ حوري
أستغربت ما عرفت شنو ارد عليهة شوي شالت الطفل وخلتة بحضني
أماني"هاي أختچ ما تريدن تلاعبينها
حوري "أختي آني
أماني "ايي أختچ شبيچ
حوري اريد ااا رايحة آني عندي واجب
أنت تقرأ
خطايا
General Fictionبداخل ذيچ الصالة اصوات مختلفة وحالات مختلفة اذكار فرح الم وصراخ يوجع الگلب وبآخر طلگة وآخر صرخة ضهر صوت ذيچ الطفلة لاول مرة للحياة ما چانت تعرف مصيرها ولو تعرف ما چان قبلت تجي للدنيا
