خطايا

بارت 5

اتعنه المكان الي كعدته وياك
ما الكاك بس رايد اثر منك
بلكت كلمه ضلت ما نقله الريح
الكاها و تجاوب بالنشد عنك
لو ادور عطر منك بقى على الكاع
يدورن اثر منك بي يتبعنك
بويه عكدة براس فكري
ايس لو اضل الموت انطرتك

البيت خبصة وصريخ عالي ونسوان كومة منهن نورس وسليمة ونور يملخن برواحهن ويعيطن وجدتي بالنص تدگ على راسها وتصرخ بعلو صوتها هدونيي خلي اروحلة هدوونيي
::::::::::::::::::::::::قبل الحادثة:::::::::::::::::::::::::
أم ارشد "گاعدة بأمان الله أسولف وي اماني وأشوف حسين أبن اخوي اجة يركض ويبچي
حسين "ولچ عمةة لحگي
ام ارشد "شكوو ولك شبيك احچي
حسين "جدي جدي يلهث بقوة ويحچي جدي ما جاي يگعد مدري شبي
أم ارشد "وگفت الدنيا وضاگت بعيني من حچة الصبح آني يمة هوة ما بي شي ما عرفت شلبست من حجاب لْـۆ عباية وطرت
أرشد "يمة وين تعاي شكو
ام ارشد"ولكك عوفنيي ابوي عوفنيي خلي اشوفة لٱ يروح مثل أمي ما راحت وما شفتها
أرشد "يمة اعصابچ اهدي
ام ارشد"وخرر عوفنيي
اركض واعثر بخطواتي لمن وصلت لگيتهم شايلينة ويردون يطلعون
ولكك بووويةة ولك وين رحت وعفتني بووية ليش چا ما كافي امي ترابها بعدة اخضر اشتاقيتلها بهالسرعة بووية آني ياهو ألي حاچيني دفعوني ادك على راسي بكل قوتي حسيت روحي انسحنت ما اگدر بعد عيوني ظلمت ما ادري شصار گعدت لگيت روحي بالبيت والنسوان ملتمات فوگ راسي وعيت على روحي وما مصدگة
وين ابوي كضتني نور من ايدي
نور"يمة فدوة اروحلچ اذا صارلچ شي احنة وين نطي وجوهنا فدوة اروحلچ
ام ارشد "وللللچ عوفيينييي

حوري"نزلت اشوف النسوان والصريخ وماما تلطم على وجهها وتصرخ ركضت للمطبخ شفت سجى تسوي چاي
حوري"سجى شكو شصاير
أندارت علي وجهها احمر وتبچي
حوري "شكووو احچي و شنو هاي النسوان وشبيها ماما
سجى"حوري جدي مات
حوري"السمعتة صدگ لْـۆ جاي اتخيل لٱ يا رب كون مو صحيح كون آني بدالة يا ربي لييشش انهاريت وضليت ابچي لزمتها واصيح سجى تخبلتي لٱ تگولين هيچ حقيرةة لٱ تچذبين علي احچييي الصددگ
سجى "ما اچذب حوري والله جدي ماات ماتتتت ماكو بعد جدي ماكو الحنين رااح اجة حسين گال جدي مات وامي ما لحگت حتة تشوفة اخذوو صار بالتراب حوري بالتراب
حوري "دگيت على راسي وابچي اتذكر حنيتة وسؤالة علي دوم طلعت واشوف النسوان تبچي وجدتي تملخ بشعرها وتلطم على صدرها بكل قوتها وتصرخ
ام ارشد" ولككك بووية ليش شسوويتلك وتعوفني ما كافي امي راحت انوب انت ولك بوية خواني چلاب المن عفتني ما داروك تريد يداروني

عفتهم وصعدت ابچي بحدي سوو الفاتحة ببيت ابنه الصغير وماما السكر ما مستقر كلساع ماخذينهة للطوارئ لمن خلصت الفاتحة هية الدمعة ما ناشفة من خدها استقرت الأوضاع شوي
آني اروح للدوام وارجع وأمتحانات نهاية سنة خلصنا الأمتحانات والأكتئاب فوول آخر ايام وي محمد خلصن فترة ورحت استلمت النتيجة وشفتة هناك
حوري"هلو شلونك
محمد"هلا ام عطوب شنو ناجحة لْـۆ مصخمتها
حوري"لٱ الحمد لله ناجحة
محمد"ايي بزودي نجحتي غير آني انطيچ الجواب اللوتية
حوري"چذاب ترة ما چنت يمك اصلاً المهم مو هذا موضوعنا صدگ راح تنتقل
محمد"هااا اجيتي تودعيني يعني
حوري"يعني صدگ
محمد"ايي ما يصير بعد كبرت يخافون خاف اتحرش بيچن من حلاتچن كل وحدة يگول عمي صنگور الله يذكرة بالخير چان يسبح مرة كل سنتين
حوري"همم اوكي لعد مع السلامة خلي نشوفك بالمستقبل
محمد"ان شاء الله يلا اروح آني دير بالك على روحك نونو