لازمة الموبايل وانرگع الباب مرة ثانية "
أسيل" وسممم شبيچ ما شايفة بيبان
حوري "هذا يسمونة دخول ملكي
أسيل"ملكي ام الوصخ يلا گملي شوقيني "ابتسمت
"على شنو تتشوقين سمعي الباقي وراح تتندمين لان گلتيلي سولفي المهم نكمل "
چانت امي تدللني وكلهم يحبوني چنت بس آني عدهم بالدنيا لدرجة سجى چانت تكرهني وتغار لان يدللوني
حياتي تغيرت باليوم اللي أجة بي شخص وخطب امي خطبو ومشت الأيام وصار العرس
و بيوم عرسها فرحانة وارگص واهوس وي الجهال ما چنة عرس امي ما چنت واعية لهذا الشي
ما چنت ادري انو هية راح تعوفني وتروح اجت خالتي وانطتني عصير
"حوري هذا عصير امچ ودتة الچ شربي"أشو آني شربتة وما طولت دقايق الة وآني مو بالدنيا ما ادري باي شي
من گعدت لگيت نفسي نايمة بحضن مرت خال أمي اللي هية ام نسوان خوالي گمت من حضنها
ادور بكل مكان مثل المخبلة وأبچي ما لگيت اي شخص شفت مرت خالي بالمطبخ گاعدة ركضت وآني اشهگ
"سليمة وينن أمي " ردت بأستفزاز واستهزاء بمشاعري وهية تضحك
"وين امچ راحت اخذاهة رجلهة بعد ما تريدچ خذوهة بعد مما عندچ أم"
هنا وگفت الدنيا بية امي اللي احبهة اكثر من كلشي راحت حتة ما لحگت اشبع منهة للحظات حسيت چانت النهاية
خسرت ام وأب وانوب ام مرة ثانية
بس ربي عوضني بجدادي عوضوني عن امي وابوي
حتة چانو يگولولي انسيهة هية تزوجت احنة اهلچ
بعد وما اچذب كلكم بس نسانهة چان سهل لان
كلشي ما شفت منهة وچنت طفلة ما أفهم صرت اصيحلهم ماما وبابا
بيوم چنت العب ودخلت مرة تسلم ويهلون بيهة ما همني. شوي اجت علي تريد تحضنني أبتعدت بقوة ودفعتهة
حوري "منو انتي"
مرت خالي گالت "ياا صخام بعيني هاي امچ شنو ما عرفتيهة شبيچ كوليلهة ماما "
استغربت رديت عليهة بسؤال خلاهم يسكتون خالص
" ليش منين اجت هاي امي آني امي هاي "اشرت على جدتي
أماني "يمة شبيچ آني امج "
حوري "دوخري خلي اروح اكمل لعب " رحت العب وي الجهال صبو غدة واتجمعنة شوي وحچت أماني"حوري انطيني هذا گلاص المي من يمچ " جبتة ونكزتهة بچتفهة " هيي هاچ هذا الگلاص "محد حچة شي والوضع عادي
مشت كلمة هيي بلساني وچانت عادي مرت الايام ودخلت للمدرسة وچنت اشطر وحدة بصفي بس
المشكلة انو كل البنات تسألني وين امچ شنو يشتغل ابوچ ليش بالمجلس ابوچ ما يجي وليش عايشة عند خوالچ وليش وليش فمن جهلي گلتلهن كلشي بكل بساطة بيوم اجت معلمة گعدت يمي وبدت تحاچيني بلطف
المعلمة "ممكن اسألچ عن شي "
حوري "گولي ست "
المعلمة"ليش البنات يحچن هيچ عليچ لان سمعت هواي كلام من الطالبات عنچ "
فببساطة سولفتلهة كلشي بالتفاصيل
صارت هاي المعلمة كلش قريبة علي كل اسبوع تنطيني مصرف وتشتريلي دائماً وتمشي وياي وتسولف يعني مثل الصديقة واحس عوضتني بحنانها
طلعت بيوم من المدرسة وأحس واحد جاي يمشي وراي انداريت لگيتة أبوي صرخت وركضت بأقرى شي عندي وأول شخص لگيتة گدامي جدتي
بس هية ما شافتة
اجة علي ابن خالي
علي"جدة ترة قاسم چان يركض ورة حوري
هنا جدتي وگفت وعيونهة طگن لبست شيلتهة وركض وخالي يصيح وراهة سألني
أرشد "شكو شبيهة أمي
علي"قاسم چان يركض ورة حوري يريد ياخذهة "
أرشد "لٱ حول الله أنوب هذا منين طلع "
طلع جدي وخالي الثاني على الصوت
شكوو شصاير
أرشد"حضرو روحكم أمي راح تكتل قاسم وتجي"
ركضو كلهم يفلتون بيهة وهية نايمة فوگة وما يدري الراشدي منين يجي شبعتة كتل كلش انتهى
فلتوهة منة گوة
ام أرشد "والله وداعة حليب أمي اذا شفت وجهك يالنگس فلا تضل عدل "
تدفع بيهم تريد تكمل بي كتل وهمة گول لازمينهة
صار فرجة للناس وعبرة
مرت الايام والسنين حياتي طبيعي لحد ما وصلت
صف الثالث عمري صار 9 سنوات تقريباً تغير كل شي
بحياتي نسوان خوالي چانن يطلبن مني شغل كنسي اشتغلي غسلي مواعين وضرب واهانة وطبيعة الحال محد موجود بالبيت جدي بدوام وجدتي تشتغل وخوالي كذلك فأخذن راحتهن كلش
بيوم چان مطر وباردة تصك صاحت مرت خالي بنتر
سليمة" گومي نظفي البيت بسرعة لو ذبوچ علينة علمود نخدمچ"
راحت وآني ما اهتميت
آني طفلة مو مال هاي السوالف
بقيت العب اجت لگتني كلشي ممسوية عبالك جني وركبها ضربتني ضرب ما اتمنى لعدوي وتغلط
"لچ قن...رة لٱ انعل اب....چ لابو الملفيچ هوة آني انطيتچ مجال اكسر راسچ يالعار "
سحلتني من ايدي
وذبتني برة وبقت تصيح وتغلط وهيچ منچ ومن اهلچ باوعت للسما وبچيت بوكتهة حسيت ربي التفتلي
واجو جدي وجدتي وشافوني بهاي الحالة
"يمة حوري شبيچ شنو صاير ليش هنا"
اخذني جدي ودخلني جوة ولفني بالبطانية
الجد"منو سوة بيچ هيچ بوية حاچيني "
حوري "سليمة گالتلي گومي نضفي وما گمت ضليت العب واجت كتلتني وذبتني برة بالمطر "
گلتلهم على اللي سوتة بية هنا جدي طلع شرار من عيونة وگف بنص الهول وصا
ابو ارشد" لچ انتي شلون هيچ وي هاي الطفلة متخافين الله بس اريد اعرف شنو من بشر أنتن"
ام ارشد " والله ثم والله اذا انعادت كلمن تلم هدومها وما اريدچن هنا فهمتن لْـۆ لٱ "
بس هذا الكلام ما زادهن غير كره الي وحقد ويريدن
انتقام بس شلون بأبشع طريقة ممكن تخطر على بال احد حتة الكافر متخطر على باله
بيوم جدتي صابتهة جلطة الله يحفظ الجميع فكلهة
متجمعة بالبيت وهوسة نسوان وجهال ورياجيل اجت علي اختة اللي هية مرت خالي الزغيرة وگالتلي
"هاچ حبيبتي حورية ودي هذا لأحمد اخوي تلگينة گاعد برة "
گلت بگلبي"منچ من الشيطان هيچ تحاچيني
اخذت المي ورحت انطي يا
حوري"هاك هذا دزتة نورس الك"
لزم المي واخذ ايدي ويا وسحبني
أحمد"تعاي وين رايحة گعدي يمي"
وآني مثل العوبة گعدت
شوي سأل
احمد "شگد عمرچ حورية
حوري "تسعة
احمد "همم حلو بعدة اخضر ترف
ما فهمت قصدة وضل يسولف
احمد "اگولچ بلا تعاي شوفيني هاي الغرفة الورة مالت البطوط "
حوري"تعال "
اخذتة ورحت ورة البيت عود اشوفة ياهة
شوي وما احس غير سد حلگي وسحبني للغرفة
وسد بابهة
أنت تقرأ
خطايا
General Fictionبداخل ذيچ الصالة اصوات مختلفة وحالات مختلفة اذكار فرح الم وصراخ يوجع الگلب وبآخر طلگة وآخر صرخة ضهر صوت ذيچ الطفلة لاول مرة للحياة ما چانت تعرف مصيرها ولو تعرف ما چان قبلت تجي للدنيا
