[ Unicode ]
အခန်း-၃၂။ ငါ့ကိုကိုက ကမ္ဘာပေါ်မှာ နံပါတ်တစ်ပဲ...။
ချူရှင်းသည် အချိန်အတော်ကြာသည်အထိ မည်သို့ ပြန်ပြောရမည်မသိဖြစ်နေလေသည်။
"နင်...နင်..."
ရေချိုးခန်းထဲမှ ရေကျသံကြားနေရဆဲဖြစ်သည်။ စုယိက ဆိုဖာကိုနောက်ကျောမှီလိုက်သည်။
"ငါက ဘာဖြစ်လို့လဲ..."
"နင်တို့မင်းသမီးတွေက အမြဲတမ်း ငါ့ အစ်ကိုနားကို ကပ်ဖို့ကြိုးစားနေကြတာ..."
ချူရှီးက စိတ်တိုစွာပြောလိုက်သည်။
"ငါ့ အစ်ကိုက တခြားလူတွေနဲ့တူတာမဟုတ်ဘူး...နင်တို့လောကမှာ ကစားနေတဲ့ကစားပွဲတွေကို သူဘာမှနားလည်တာမဟုတ်ဘူး..."
စုယီက ထိုစကားကြောင့် ရယ်ချင်သွားသည်။
"ငါ့လောကထဲက ဘာကစားပွဲတွေများပါလိမ့်..."
"အရင်းအမြစ်တွေရဖို့ တခြားလူတွေနဲ့ အိပ်တာ လိုမျိုးပေါ့..."
စုယိက မတ်တပ်ထလိုက်ကာ စပျစ်သီးတစ်လုံးကိုယူ၍ ပါးစပ်ထဲသို့ထည့်လိုက်သည်။
"ဘယ်လို မဟုတ်တဲ့စကားတွေလဲ...နင် အဲ့ဒါတွေ ဘယ်က ကြားတာလဲ..."
"ဘာ...ဘာမဟုတ်တဲ့စကားတွေလဲ..."
ချူရှီးက ပြန်ပြောလိုက်သော်လည်း အသံကတော့ အနည်းငယ်တိုးသွားသည်။
"အဲ့စကားတွေက ကြားလာတာမဟုတ်ဘူး...ကိုယ်တိုင် ခံစားခဲ့ရတာ..."
စုယိသည် ရေချိုးခန်းတံခါးဆီသို့ လှမ်းကြည့်လိုက်သည်။ တံခါးသည် ပိတ်ထားဆဲဖြစ်၍ အသံကိုတိုးကာ မယုံနိုင်သည့်လေသံဖြင့် ပြောလိုက်သည်။
"နင်က မင်းသားတစ်ယောက်နဲ့ အိပ်ခဲ့တာလား..."
ချူရှီးက လန့်သွားသည်။
"နင် ဘာတွေပြောနေတာလဲ..."
"...နင်ပဲ ကိုယ်တိုင်ခံစားခဲ့ရတာဆို..."
"ငါ့ရဲ့ အရင်ရည်းစားပါ...ငါ မဟုတ်ပါဘူး!..."
"ဘာ..."
စုယိက မတ်မတ်ထထိုင်လိုက်သည်။
"နင်က အခုမှ တက္ကသိုလ်တက်တုန်းပဲရှိသေးတာမဟုတ်လား...နင့်ရည်းစားက မင်းသမီးတွေနဲ့ အိပ်ရအောင် အသက်ဘယ်လောက်ရှိနေပြီမို့လို့လဲ...သူက ဘာဖြစ်လို့ တခြားတစ်ယောက်နဲ့သွားအိပ်ရတာလဲ..."
YOU ARE READING
He's Mine [ ဘာသာပြန် ] Completed ✅
Romance•Type Web Novel [ CN ] •Myanmar Translation IQ-Team •Genre Comedy, Josei, Romance ,Slice of Life, No Drama •Author(s) Jiàng Zi Bèi 酱子贝 •Artist(s) N/A •Status in COO 68 chapters (Completed) •This Stotry Isn't Mine. •We're Just Translation. •A...
![He's Mine [ ဘာသာပြန် ] Completed ✅](https://img.wattpad.com/cover/334474255-64-k705730.jpg)