شوك سنيني(مكتملة)

Part 7

ღღღღღღღღღღღღღღღღღღ

#شوك سنيني

الكاتبه :سولاف الحجاج
____________________________________

شوك /
وكف عقلي من شفت فاضل مابقت ملامح بوجهه من الضرب وكل الموجودين يحاولون بس يبعدون امير من فاضل بس مايتحرك وتحسوه فاصل وبس يضرب لحد مااجه يزن وصرخ ب امير قوي يلا رجعله الوعي وبعد عن الولد وأشر بوجهه وكال

_حيواننن والله ادفنك اذا لكيتك متقرب منهه

جره يزن وراحو من صدمتي بمنظر فاضل حيلي انهد وكعدت بالكاع بس اريد اشوفه عايش بعده

_فاضل جاي تسمعني؟

يمه هذا بس يحرك بعيونه ماكو ردة فعل شالوه الشباب وراحو بيه للمستشفى واني بقيت بمكاني لحد مااجت نواره كومتني

نواره: لا هذا مو بشر مستحيلل جان راح يموت الولد

شوك: عوفيني نواره اريد اروح ل امير

نواره: كعدي شوك لا يحطج ويكتلج مثله

شوك: هو ليشش اصلا كتله فاضل ماسوه شي

نواره: معرف بس انتبهي على نفسج وعوفي السالفه

شوك : مايستاهل فاضل الي صار شنو ذنبه غير افهمم

حركت راسها بمعنى مااعرف عفتها ورحت ادور على هذا حيوان اخخ المشهد مجاي يروح من راسي جان يضرب بلا رحمه

دورت عليه بس كلولي طلع اتصلت عليه ومايرد بقيت الوقت كله بالي مشغول وماانتبهت للمحاضرات من كد ماافكر بالسالفه ومن خلصت محاضراتنه اجه اخو نواره واخذها واني بلغت اهلي راح اروح للمستشفى علمود زميلتي مريضه.

جان لازم اروح اشوف فاضل الولد متكسر
طلعت من الكليه وشفت سياره اجت عليه ونزل منها هولاكو

امير : وين رايحه حبيبي

شوك : شرفت حضرتكككك حبتك حيه احترم نفسك
و شنو هذا الي سويتته بالولد من شوي

امير: اول شي نصي صوتج وثاني شي يستاهل حيوان واخذ جزاته

شوك : انته شكوو انصي صوتي لو اعليه وبعدين الولددد شنو سوه مالكك حق تضربه بهاي الطريقه الحيوانيه

امير : ها يعني اني حيوان

شوك : حيوان ونص وزايددد هم

ماحسيت اله سد حلكي ودخلني للسياره واني بقيت بس اصرخ ونفسي انكطع ذبني بالسياره وصعد يمي حط ايده على ركبتي وخنكني وكال بنبرة بهمس عصبيه خوفتني وبقيت بس فاتحه عيوني بوجهه

_كتلجج نصي صوتج ولاتختبرين صبري شوك بعنادج لان اذا انتهى صبري مراح تتحملين الي راح يصير بيج

شوك/
مختنكه وبقيت بس فاتحه عيوني من الرعب اريد ابجي بس يخسي ابجي كدامه من انتبه عليه اختنكت وخر ايده من ركبتي وضل ياخذ خصل من شعري ويشمها بشوغه