شوك سنيني(مكتملة)

Part 23

ღღღღღღღღღღღღღღღღღღღღ

#شوك سنيني

الكاتبه :سولاف الحجاج
__________________________________

نورهان /
الشعور الي تشعر به عندما ترى الشفقه في عيون الجميع  كافي ان يجعلك تشعر بمدى الخطأ الكبير الذي فعلته...

من توفى ابوي وانا زادت الحاله عندي ضليت كل اليوم اشوف شوك وتحجي وياي ونتعارك وتكلي انتي الي قتلتيه انتي خليتينه ايتام جنت اوقات حته لو كاعده ويه اهلي اضل اصرخ وابجي من اشوفها كاعده كدامي تضحك واهلي مشفقين على حالتي حسبالهم دخلت بهاي الحاله من حزني على شوك او ابوي

ماجانوو يعرفوون بكمية الوجع والقلق النفسي الي جاي احس بيه وضميري الي حته النوم حارمني منه
دمرت نفسي وقتلت روح وموتت ابوي من القهر..

ومن غير الاشخاص الي كسرت كلبهم من جاي اشوف كدامي امي واخوي جاي يموتون بالبطيئ من حزنهم... 

ونواره تركت الكليه ودخلت بحالة اكتئاب حاد من حزنها على صديقة عمرها.

وامي الي نادراً مااشوفها كل الوقت بغرفتها ونايمه ومن تكعد تبجي وتحجي ويه صورهم

وعبدالرحمن مايجي للبيت غير يوم او يومين وكل الايام بالدوام

زهراء تجي بين فتره وفتره تبقى عدنه علمود امي ودوم اشوف بعيونها الكرهه من ناحيتي وما الومها ولا الوم اي شخص يعاملني هيج استاهل اشد انواع العذاب من ورا الي سويته

فكره الانتحار براسي والف مره حاولت انتحر بكل مره طريقه شكل بس مااكدر اهلي ضلو يخافون من حالتي ومن صريخي المستمر واكثر الوقت باقيه بغرفتي مااطلع

و اليوم صار 3 اشهر و10 ايام على اختفاء شوك
يعني 100يوم.

نواره /
صعب اوصف حالتي وكسرتي من بعد شوك جاي اعيش اصعب ايام حياتي من ضغط اهلي لان تركت الكليه ولا اكل ولا اشرب وعايشه على الادويه تعبت نفسيتي هواي فراك شوك ترك وجع بكلبي وبروحي ماجاي اكدر اتخطاه ولا اكمل حياتي جانت سندي ومن راحت انكسرت...
___________________________________

امير / ثاني يوم

حسيت غلط من حجيت كل شي لشوك ماجان لازم اضعف واحجي كل شي شوك تكرهني وممكن تستخدم كل هاي المعلومات ضدي حته تدمرني
جنت بحيره وافكر صح لو غلط الي سويته؟

باوعتلها وهيه نايمه طول الليل ماكدرت تنام كل شوي اشوفها تروح للحمام وتضل فتره طويله وانا بس اسمع صوتها تبجي ماادري من حزنها على ابوها او على كولتها قهرها على خواتي!!

تحركت على الجربايه وفتحت عيونها وكالت

شوك : بيش الساعه

ابتسمت على ملامحها النعسانه وكلت : ب 1 الظهر