ღღღღღღღღღღღღღღღღღღ
#شوك سنيني
الكاتبه :سولاف الحجاج
__________________________________
شوك /
نزل عليه كلامها مثل الصاعقه
_نورهاننننن احترمي نفسج شنو اقذر بشر شنو جاي تحجيننن انتييي!
نورهان بعصبيه:امشي من خلقتي ماطايقه اشوفج
شوك/
راحت وعافتني واكفه بمكاني الحيره والتفكير كتلني مااعرف شنو مسويه اني!
دورت على موبايلي لكيت جنطتي كلها ماكو
ياربييي من اجيت للكليه لهسه صدمات وانوب شوف البخت ناسيه الجنطه يمه هم ترددت ارجع خاف اشوفه بس رجعت للحديقه ورحت لنفس المكان وانصدمت من لكيته بعده كاعد بمكانه وصافن وجنطتي يمه تقربت اخذتها بلا نااحجي شي وقبل لا امشي سمعته كال
_ راح تندمين ندم عمرج شوك.
صفنت عليه وكلت : شتقصد!
عافني وراح بلا مايحجي شي بقيت واكفه بمكاني وجملته تدور بعقلي
امير/
طلعت من الكليه بكل هدوء ورحت للبيت ووكفت كدام المرايه واحجي ويه نفسي
_ها امير ارتاحيت لا جنت بعيد عنها مرتاح ولا من اعترفتلها مرتاح لا ورفضتك ب انذل طريقه وضربتك هم
اخ راسي راح ينفجر من التفكير مابقيت اشوف كدامي وكسرت كل شي اشوفه
_ليششش ماتحبنييي لو بس اعرف السبب جان ارتاحيت وهديت نار كلبييي بس وداعت عيونج الأحبهم ياشوك راح تندمين على كل شي
نورهان /
رجعت للبيت وحدي ماجنت طايقه ارجع وياها من بعد الي شفته
*فلاش باك*
طلعت من محاضرتي وجنت متوجهه يم مكانه المعتاد بالكافتريا اني والبنات ومن تعديت على الحديقه شفت مشهد جان انذل مشهد اشوفه بحياتي
شوك الي اكثر وحده بالعالمم تعرف شكد احب امير حالياً هي كاعده يمه ووحدهم وماسك ايديها وهي مبتسمه بكل سعاده وسمعته ب اذني يعترفلها انصدمت ومشيت بلا وعي ومااشوف كدامي ورحت كعدت وحدي ومن اجت وحجت وياي بكل عين ولا كأنو مسويه شي احس نفسي كرهتها اكثر
وصلت ودخلت للبيت لكيت الكل مختفي مااهتميت ورحت لغرفتي كعدت بالكاع والوجع الي بكلبي موتني : ليش شوك تسوين بيه هيج يعني اني اخلص الليل احجيلج عن حبي اله يجي الصبح الكاج يمه وجاي يعترفلججج ليش انتييي ليش مو انا جنت بمكانجج ليش ماحبني اناااا الي حبيته وتعلقتتتت انااا الي ضليت سنه كامله لا ليلي ليل ولا نهاري نهار كل تفكيرييي وكل حياتييي هو
فرغت الي بكلبي ونمت بلا مااحس
شوك /
حجيت لنواره على كل شي وكالت اني ماغلطانه بشي وممكن نورهان شايفتني ويه امير وضاجت
_ بس ليش حته تتعصب مني واني رفضته وضربته وبكلام مسحت بكرامته الكاع بعد شنو الي ضوجها
نواره : والله مااعرف وترى شفتها طلعت من الكليه حاولت اوكفها بس ماسمعتني حته
أنت تقرأ
شوك سنيني(مكتملة)
غموض / إثارةاحببتها ولم تنتبه لمشاعري... سحقت على حبي لها ولم تهتم... اهتمت لمشاعر شقيقتها اكثر مني... مات قلبي من سنوات عديده... وجاءت لتعطي الحياة ل اشياء... انا قد سئمت من تجديدها... مستعد اقتل اي شي يتقرب منها... واقتلها اذا اصبحت لغيري... ______________...
