من يُحبنا ونحن في اسوا حالاتنا ، هم من يستحقون أن يبقوا في قلوبنا إلي الأبد " !🌍♥️
# Sara Mohamed #
تذكير للبارت اللي فات ، لما مراد نسي الملف بتاع الصفقة في البيت عند أسر
و أسر عرف و اتعصب عليه و ضربه و بعد كده قاله إنه هيروح البيت يجيب الورق و يرجع علطول
و خرج من الشركة و مشي بالعربية بتاعته بسرعه عاليه عشان يجيب الورق و يرجع الشركة تاني و هو ماشي ف الطريق وقف العربية فجأة......................
_________"________________"___________
أسر وهو نازل من العربية بغضب جحيمي
إنتي حيوانة ماشية مش شايفة قدامك
و فجأة ترفع نظرها تلك الساقطة علي الأرض أثر صدمتها من الحادث
سيلا بغضب: انت اللي حيوان و اعمي كمان ماشي فرحان بحتت العربية بتاعتك و تدوس علي الناس و هيا ماشية
أسر بغضب: مين اللي حيوان يزبالة إنتي
إنتي متعرفيش من هو أسر السيوفي،
سيلا: مش عايزة أعرف مش كفاية اخرتني علي الدرس و المستر هيطردني بسببك يا بارد
أسر بزهول: انا بارد دا إنتي يوم أهلك اسود معايا لولا إني متأخر علي الإجتماع كنت عرفتك تكلميني كده إزاي يا يا طفلة
سيلا بحنق: أنا مش طفلة علفكرة
و يذهب الأسر إلي سيارته الفارهه و يقودها مسرعا ليأتي بهذا الملف اللعين من وجهة نظره
و يترك تلك الواقفة مكانها ما زالت تحت تأثير الصدمة
تفق من صدمتها علي صوت صديقتها تالا
تالا: إيه يا بنتي بقالي ساعة بنادي عليكي و إنتي واقفة زي التمثال كده ليه
سيلا: كنت هموت يختي
تالا بشهقة: ليه حصل إيه
سيلا: في شاب كده هيييح مز اوي يا بت يا تالا و عليه عيون دوخوني ثم تتذكر بغضب ما قاله لها
بس بارد كده و شايف نفسه
تالا بضحك: يعني إنتي ف الأول بتعاكسيه و دلوقتي متعصبة منه
سيلا بحنق: خلاص بقي فكك أنا كده كده مش هقابله تاني ( غلبانه سيلا دي 😂😂😂😂😂🙂🙂 قال مش هشوفوا تاني )
تالا: طب يلا اتأخرنا أوي علي الدرس و المستر هيطردنا
سيلا: يلا نمشي
وتذهب الفتاتان لدرسهما
في مكان أول مرة نذهب إليه في سنتر في المعادي كان يقف هذا الشاب الوسيم و ينظر في ساعته يبدو من أنه ينتظر أحدهم
حازم: اتأخرت ليه دا كله معقول مش هتيجي الدرس
بينما يرد عليه صديقه مازن
مازن: زمانها جايه دلوقت يا بني و بعدين انت عارف إنها مش هتديلك وش و بتعتبرك أخوها
حازم بنظرة شر و غضب: انت عارف إنه برضاها أو حتي غصب عنها هتكون ليا و ملكي هيا بتاعتي من يوم ما اتولدت و عيني جت عليها.
مازن: بس هيا بتعتبرك أخوها و مش شيفاك غير كده
حازم: و انا مش هسيبها هتكون ليا في الآخر حتي لو هخطفها
سيلا نطق بها حازم عندما لمحها آتية هيا و صديقتها
سيلا بحنق: ازيك يا حازم
حازم بحب: أنا تمام إنتي وحشتيني اوي اتأخرتي كده ليه
كانت سترد سيلا و لكن صديقتها الحمقاء سبقتها و قد سردت له كل شئ.......
تالا: أصل و إحنا جايين كان في عربيه هتخبط سيلا عشان كده اتأخرنا
حازم بخضة و خوف: إيه إنتي كويسه يا حبيبتي حصلك حاجه
سيلا: أنا كويسه يا حازم محصلش حاجه
حازم: الحمد لله لو حساا بتعب تعالي اوديكي المستشفى
سيلا: لأ أنا تمام و مش حسا بحاجة
ثم تلتفت إلي صديقتها و ترمقها بنظرات نارية بينما الأخري تطالعها بخوف قائلة
تالا: طيب يلا عشان نلحق الدرس قبل ما نتطرد
و يذهبون جميعا للالتحاق بالدرس.
______________________________________
في قصر الأسر يدلف إلي غرفة المعيشة حيث تجلس والدته ترتشف من فنجانها
فاطمة: أسر إنت رجعت بدري كده ليه ثم تتابع بخوف في حاجة حصلت يا ابني
أسر بهدوء: مفيش حاجه يا أمي أنا رجعت عشان أجيب ورق الصفقة لأن الأستاذ مراد نساه هنا
بينما تتنفس والدته الصعداء و تقول
فاطمة: طيب يا حبيبي الورق هتلاقيه في درج المكتب بتاعك دادة فتحية كانت بتنضف الاوضة و لقيتوا و أنا شيلته في المكتب بتاعك
أسر بايماء: ماشي يا أمي أنا هجيب الورق و ارجع الشركة تاني و ساعتين كده و أخلص الإجتماع و أرجع علي الغدا أنا و الزفت مراد
فاطمة بضحك: ماشي يا حبيبي
يذهب أسر إلي مكتبه و يفتح الدرج الخاص به
ثم يتنفس الصعداء حينما لمح الورق الخاص بالصفقة
ثم يذهب مسرعا و يقود سيارته عائدا لشركته
______________________________________
في سنتر المعادي الخاص بالدروس
تزفر سيلا الهواء و تتنفس الصعداء حينما انتهوا من هذا الدرس السمج من وجهة نظرها
سيلا: يااااااه أخيرا خلصنا الحصة دي أنا كان مالي و مال التعليم و الثانويه العامه
أنا عايزة اروح علي بيت حبيبي و قرة عيني
بينما يضحك أصدقاءها علي كلامها المرح
تالا: هيييح و انا كمان عايزه اروح لقره عيني
ترد عليها زميلتهم
هند بضحك: يا شويه فشلة إحنا خلاص أهو في آخر مرحلة و بعدين يا حلوة منك ليها بكرا تقولي أنا مش عايزة اتجوز و يخربيت الجواز و سنينه
سيلا بهيام: لا أنا جوزي حبيبي هيكون جان كده مش زي رجالة اليومين دول
تالا: طب يلا يختي نمشي عشان أنا هموت من الجوع
سيلا بتهكم: ما انتي لسا طفحه خمس سندوتشات
تالا بحنق: انتي هتبصيلي في اللقمه و لا إيه يا اوختشي 🙂😂
سيلا بضحك: لا يختي مش هبصلك بس أنا هعرف اللي هيتشك ف عينه و يتجوزك إنك مفجوعه من يومك و ممكن تاكليه في يوم لو جوعتي و لا حاجه
تالا بهيام مصطنع: لا دا أهم حاجة في اللي هيكون شريك حياتي إنه يحب الأكل كده و احس إن بينا صفات رومانسيه مشتركة
سيلا: يعني الأكل صفات رومانسيه مشتركة بينكم 😂😂😂😂😂😂
يلا نمشي يا بت دا إنتي هتشليه ، ربنا يكون في عونه بقي عليكي ( ربنا يكون في عونا إحنا يا اوخت سيلا 😂😂😂😂💥 )
و يذهبون الفتاتان بعد توديع زميلتهم هند لذهاب الي المنزل
بينما في شركة الأسر تنفس مراد الصعداء بعد الإنتهاء من هذا الإجتماع ليزفر بحنق
مراد : يساتر علي الرخامه أنا مش عارف انت ليه مصمم نعمل التعاقد ده مع الوفد الألماني
أسر ببرود: عشان هنستفاد كتير و أولهم رعد الشرقاوي لما يعرف إني داخل صفقة كبيرة كده و أخدت منه الوفد الألماني هتكون دي ضربة قاضية ليه و هيخسر كتير
مراد بحزن: أنا زعلان علي الحال اللي وصلنا ليه مين كان يصدق إننا بعدنا و بقينا ألد الأعداء لبعض
أسر بغموض: قريب... قريب كل حاجه هتتكشف و ترجع زي الأول و اللي غلط هيتحاسب
ثم يلتفت لمراد و يقول له
و انت يلا أنجز عشان امي عزماك علي الغدا
مراد بمرح: و الله وحشني اكلها دي الوحيده اللي حسا بيا
أسر بتهكم: انت علطول مفجوع لولا شويه الرياضة اللي بتعملهم كان زمان كرشك قدامك و مفيش واحده بصتلك
مراد بصدمه: نعم يا عنيا كرشي دا انا البنات بتموت فيا دي كفايه عنيا اللي مدوخاهم ورايا بس يكش هيا النفس بس
أسر : طب يلا يا دنجوان
ثم يذهبوا الصديقين لتناول الغداء بصحبة والدة أسر التي تعتبر مراد كأبنها في ربته مع أسر من و هو صغير و تحبه جدا
و الي هنا و ينتهي البارت التالت يا جماعه
بقلمي
& Sara Mohamed &
فوت+ كومنت 😉🤎🤎🤎🤎🤎🤎🤎
دمتم سالمين 🤎🤎🤎🤎🤎🤎🤎🤎🤎
Sara Mohamed
أنت تقرأ
عشق أسر
Romanceهتكلم عن الحب ♥️ الحب يعني الاحتواء و الأمان ، يكون حب بجد لما تسيب الدنيا كلها و تروح لشخص واحد بس هو اللي قادر يخفف عنك و يطلعك من حزنك و خنقتك الحب يعني سند ، ألاقي حد اتسند عليه بقيت العمر مش يسبني في نص الطريق. بجد شعور مش قادرة اوصفه كلام الد...
