تعالو نسولف شويه شلون نتوب ونرجع لله بتوبه نصوحه بهالليله المباركه 😍
هواي بينا مصـاب بمرض نسمي
(الذنـوب والمعاصي) 🥺
هـذا المرض يبعدنـا كل البعـد من انو نتواصل بالعبـاده ويه رب العالمين 🥺
لأنو كثرة الذنوب شنو تسبب؟؟؟
قسـوة بالگلب
وتبعدنا عن الأشياء الي ترضي رب العالمين وتخالف للشريعه الإســلاميه
وبالتالي الذنـوب تخلينا نسوي أشـــــيــاء مانحب نسويها
ويروح شـعور الطمئنينـه والإيمان والراحه
ومن أصعب حالات الإنسـان إنو يسوي الذنب ويسـتهين بي ويشـعر إنـو على حق و يـصر ويكرره
يگول الإمام عـلي عليه السلام
(أعظم الذنوب عنـد الله...ذنب أصر عليه عاملـــه)
الذنوب تخلق مسـافه چبيره بيننـا وبين الإمام المهـدي روحي وأرواح العالمين لـه الفداء....
حتى نتخلص ونتشافى من هذا المرض شنسوي؟؟؟
نتوجه لله بنيـه صافيه وروح خاشـعه وندم عـلى مامضى
ولكن البعض من عدنا يگول سويت هواي معـاصي وخالفت أوامر الله سبحانه وتعالى شلون اتوجه لرب العالمين شلون يتقبلني
يجاوبنا رب العالمين ويگول
(إنما التوبـه على الله للذين يعملون السـوء بجهالة ثـم يتوبون من قريب فأُلئِكَ يتوب اللــه عليهم وكان الله عليـماً حكيما)
لازم نؤمن انو كل رجـوع إلى اللـه مثمر
حتـى لو كان بعـد سـنين طويله من البعـد عنه والإدبـار
رب العالمين يختلف عن البشر لأنو ما يگلب الدفاتـر القديمه..
بينما احنا لو صار بيني وبين ابنيه ثانيه مثلا مشـكـله راح اظل ادور وراها
واذا أجت تعتذر مني راح
أذكــرها وأگلها سويتي هجي وهجي
بينـما رب العالمين إذا جئته راح يگولك ياحبيبي
{{لأن الله يحـب التوابين}}
لذلك الشيطان الرجيم راح يحاول يكسر قيمة
الرجـوع إلى الله
ويگول يخليك تفكر انو ماكو فائده من رجوعـك إلى الله
اكو روايه حلوه تگول
اجه رجل للرسـول الاعظم اسمه عمرو بـن الزبير فگاله يارسـول الله هل تجيز لي الإنتحـار ..
فگاله الرسول صلى الله عليه وآله وسلم
ولِـمَ؟!
فگاله الرجل حتى اعجـل بروحي إلى جهنـم
لإني يئسـت من الحيـاة وما بقى ذنب إلا وارتكبتـه ولا خطيئـة إلا واجتزتها
فگاله الرســول
أدلك على طريــق يوصلـك إلى الله؟!
وگاله الرسول صلى الله عليه وآله وسلم
عليك بقيام الليل وصدقـة السر
چان يائس مـن الحياة
ففتحله الرسول بابـ للحياة
لأن النبي الأعظم أعـرف الناس بـرب العالمين.
فأحنا شنسوي؟؟؟
نخلي الإمام المهـدي عليه السلام هو الوسيله بيننا وبين رب العالمين
حتى يغفر رب العالمين معاصينا ونتوب للـه توبة نصوحه
لأنو ذنوبنا تأذي گلب صاحب الزمان 💔
لاتگولين شلون يتقبلني الحجـه...
لأنو ن المذنـب في جيش
الإمـام المهـدي هو جنـدي جريـح من جنـوده
حتـى وإن كنت مذنب رح يسـمـع الي بگلبك
لأنو ابو صالح هو رمز للهدايـه والرشـاد لطريق الحق
إن الحجه عليه السلام حنــون علينا
فرفقاً بقلبـه الشريف💔
لاتقيدچ أغـلال ابليس وتمنعچ من التوجه إله
أستعيذي باللـه من ابليس وأعوانــه وتوجهي إلى إمــام زمانچ توسـلي بي وسولفي وياه بمنزلة الأب
ياســـيدي خذ بيـدي ونجني قبل أن يأخـذني هوى نفــسي إلى الظلال
سـيـدي قيل إنه في ليلـة الجمعه تعـرض عليك جميـع الصحائف لترى مـاذا فعلنا
سيدي انا خجلانه منك بســبـب صحيفتي المليئه بالذنوب الي تسبب الأذى إلى لگلبك
وتسبب
تأجيل ظهـورك الشريف
بسـبب طيشي وقبائح ذنوبي ،
بالله عليك سـامحني واشـفع لي عنـد ربي
سـيـدي يبن فاطمه أنا الـي أذنبت بحقك وجعلتك تبچي دم
أوعدك راح أمشي على نهجـك
وكلما غلبتني الدنيـا بغرورها التجأ إلك
راح يسـمعچ ويأخذ بيـدچ لطريق
النور وراح يقبل الله توبتچ..
ديروا بالكم ع صاحب الزمان بگلوبكم 💚
لا تنسوني بدعواتكم النقية لطفاً ❤
