بدلوا الأغاني بالقرآن لأن الگلب مايتحمل حُبّ الأضداد "كلام الله وكلام الشيطان"
الگلب بالفطرة يحِبّ القرآن يميل إله لكن احنا اللي مفرقين بينهُم
كُل اللّي نسويه نجمعهُم ونكثر مِن قرأءة القرآن
لتگولون إحنا نقرأ قرآن ونسمع الأغاني
إنو تقرأ قرآن مُجرد لقلقة لسان
مو مِثل من تقرأ قرآن وانتَ تحِسّ الكلام موجه إلك
مِن يعاتب الأقوام السابقة تحِس هالعتاب موجه إلك
مِن يذكر أهل النار والكفار والمُخطئين والعاصين تحِسّن هالكلام الـك تخشع
مِن يوصف أهل الجنة والفائزون تحاول تنتبه لصفاتهُم واتكون مِنهُم
تستأنس بكلامه
الخَطوة الثانية اليوم افرشوا سجادتـكم
وأطلبوا مِن الله العَون
گولوله انه واكف بِبابك
مااعوفه إلا تعينني عَلى نفسي
مغريات الدنيا ههوايّ، أصدقاء السوء تارسة الدنيا، نفسي الأمارة قوية، والشيطان مامقصر وكُلهُم عليه بَس گلبي رافض معصيتك
گلبي يريدك اسحبني لطريقك، لحُبك، لقربك
اني راغب قربك
طلع الأغاني وحُبّ الدنيا وشهواتي مِن گلبي وامليه حُبًا إلك وخشية مِنك
أجعل عُمري لخدمتك وطاعتك وعبادتك
لتشغلني بأي شي ثاني مِن مغريات الدنيا
كُل يوم گعدوا هالگعدة وسولفوا وياه
بَس لازم منـك إصرار واتكون شجاع
طريق الله للشجعان
لذلك يتطلب الشجاعة والإرادة
مسحوووها شكو أغنية بجهازكم
حَتّى لو كان بِمقطع صغير
من حساباتـكم كذلك
مِن محادثات الشخصية
شكو شخِص بحياتـكم
متابعينه، مصادقينه مرافقينه يسمع أغاني ويشارككم أغاني يا إما تحجون وياه
ياما تهجروه، وتغادروه، وتبتعدون عَنه
قُربًا لله، وحُبًا لله
والله يوفقـكم ويبعد عنـكم وسوسة الشيطان وكلام الشيطان وكلشي يبعدكم عَن الله
اخوان إرادة إرادة إرادة
لكُلشي ماتگدرون تبتعدون عَنه او تسوونه
الشي ماتگدرون بدونه اگدروله
المكان الماتگدرون تغادرونه غادروه
الشخِص الماتگدرون تبتعدون عَنه عوفوا
كٌلشي تعوفه وتغادره قربًا لله وحُبا إله
هنا راح تكون الفائز
ماكِو شي تقدمه وتسويه لأجل الله يخليك خسران
بِكُل الأحوال انتَ الفائز مو بدنيتك بأخرتك💞
يعني هوَ الله مِن يحرم شغَلة مو اعتباطًا حاشا لله
أكيد يعرّف هالشي يأذينا
الروح كُلشي بعيد عَن الله يأثر عليها
تتلوث، تتظلم، تتعب، تنملي حزن، تتكئب
واكِو آيه بالقرآن تنص عَلى هالشي
وَمَنۡ أَعۡرَضَ عَن ذِكۡرِي فَإِنَّ لَهُۥ مَعِيشَةٗ ضَنكٗا وَنَحۡشُرُهُۥ يَوۡمَ ٱلۡقِيَٰمَةِ أَعۡمَىٰ
