عالمي المهدوي (دكتورة فاطم) 🌵:
الحب شوكت يصير حرام؟
لمن تكون اله استخدامات مُحرمة هنا الحب كله يصير❌
اني مو حرام احب الشاب الفلاني ولا الشاب الفلاني حرام يحبني أنما لازم نعرف شلون نوظف هذا الحُب؟ شلون نگدر نسيطر علي حتى ما ندخل في معصية تشيل قدسية هذا الحُب
الحُب رباط مقدس جداََ وخاص وغير ملوث يتلوث من نمارسة بدون اي رباط شرعي.
مثلاً
العلاقات الغرامية وكلام منتصف اليل والمغازلات بين الطرفين بعيداََ عن كون هل امر غير شرعي هذا الأمر يرفع القدسية من الطرفين اذا اني جيت ادخل بعلاقة حب وكل يوم نحجي ويغازلني واغازلة زين من نتزوج شنو الجديد الي راح ينضاف بحياتنا؟
بالعكس راح يصير ملل لان احنه سته وسبع سنين بس نحب بعض ونتغازل اكيد من اتزوج يجيني يوم اضوج وأمل لان اصلا التوفيق من البداية مرفوع عني فموضوع العلاقات الغرامية حاولو قدر الأمكان تتخلصون منها لأنها تسد عنكم ابواب التوفيق الالهي
وهو لو يحب من صدك ما يقبل يغازلج وانت مو زوجته لان صاحب الغيرة وصاحب الدين ما يرضى هذا الامر على البنات العَفيفات ابداََ حتى لو كان يموت عليها لازم يحاول يتفاهم وياها حتى يتقدملها لو يتركها الا ان يكون نفسه ويتوج هذا الحب بالحلال ويحصل توفيق الدنيا والاخرة. 🤍
زين ليش ميصير ادخل بعلاقات؟
لأن ببساطة الدين يحاول قدر الامكان يحافظ على عفتنا وطهارتنا وهل كلام للطرفين ويحاول يبعدنا عن طرق الحرام وتبعات الشيطان لان من اسوي علاقة راح انجر لشباك الشيطان وادخل في ابواب ماانزل الله بها من سلطان ولان الحب شي طاهر يحاول الله عز وجل بكل الطرق يحصن عبادة
أي احد يصنف ع كلامي و يتجاوز بلوك والله .
لذلك خله الزواج تتويج للحب لان العلاقات راح تخلينا ندخل حتى في زنا الكلام ( يعني الكلام الي يكون بين الزوجين الي يدخلون في علاقات يسولفون بي) وهاذي من اعظم الآثام الي ممكن يوصلها الأنسان لذلك نگول تحصين النفس من هكذا نوع من الحب الكاذب يكون افضل لان الحب الصادق بعيد كل البعد عن الاشكالات الشرعية هاذي
كلها نزوات قلبية واحتياج نفسي تسكيناََ لشهوات الشخص فمن يفرغ الانسان شهواته النفسية مع الطرف المقابل راح يكون مكتفي تماماََ وعنده اشباع نفسي حتى تجاه الحب الي همه يشوفوه حب بس ابدا ابدا هذا مو حب
الحب الحقيقي نشوفة من الانسان يسوي المستحيل حتى يوصل للمحبوب بدون ما يوقع نفسه بأخطاء فادحة فلتخلون احد يخدعكم بهاذي العلاقات تحت مسمى الحُب لان لاكرامة المرأة ولا كرامة الرجل تسمحلهم ينزلون الى هذا المستوى المتدني لان اني بنظرتي اشوف هذا الامر عبارات عن شهوات حيوانية مالها علاقة بطهارة الأنسان
