بارت 14
قمر نعسانه اريد انام
بارق بس جنت دا اكولج ماراح اتقربلج ولااوصل لجانبج لغايه سنه وكلمن يشوف حياته
قمر قرارك صائب بعد عندك شي
بارق لا تكدرين اتنامين طلعت وسديت الباب قوي
قمر عدلت المخده ونمت واني افكر شلون راح تصفى...
استمر الايام واحنه حتى كلامنه كبال اهله صار رسمي تقريبا اكثر من قبل
ايات اكلج قمر شسوين
قمر ماكو عندي شي كلت اسوي اشوي حلويات لعصر
ايات اها اكول قموره صاير شي بيكم انتي وبارق
قمر لا ليش
ايات مااعرف احس من الي صار بلمزرعه وانتو موعلى بعض
قمر لا حبي ماكو شي بس اشوي بارق اتحسس من الي صار خليه براحته
ايات اي انشالله مثل ماتكولين اكولج صدك شرايج انسوي كعده ونعزم البنات مازال باجر عطله
قمر صارلي فوك الخمس سنوات مامتواصله وياهن احس عيب حتى ماعزمتهن على زواجي
ايات لاعادي جنتي مشغوله بحياتج
قمر اوكي
ايات يلا لعد خلصي الي بيدج وامشي نختار ملابس تلبسينهن بليل
قمر اوكي خلصت العجينه امشي
ايات فتت لغرفه
قمر فتحت الكنتور يلااختاري لبس الي والج
ايات تحجين صدك
قمر والله ماكو فرق واني اشوف انخلي تبارك وتماره يكعدن ويانه
ايات مااتوقع تبارك تقبل وتماره متعوده ويه الاطفال
قمر انكولهن بلكي تحسن وضعهن المهم اختاري
ايات هاي البدله كلش حلوه
بارق جنت اسبح ومتاكد محد بلغرفه طلعت من الحمام فقط بلشورت صارت كدامي ايات وقمر
اني بسرعه درت ورجعت لحمام وهن هم دارن
ايات ابتسمت عادي لاتهتم ماشفت شي بصوت عالي بعدين نصيت صوتي انتي ليش درتي من شفتي بارق
قمر اول مره اشوفه هيج
ايات شلون
قمر قصدي اول مره اشوفه واحد ويانه اخجلت
ايات ها كلنه هيج بلبدايه هسه باقر يفتر بلبيت عادي
بارق بدلت اسف ايات ماادري انتي هنا
ايات عادي ماصار شي موغريب انته
بارق ها حبي تردين شي اني رايح لدوام
قمر ها لالا سلامتك
ايات شبيج خجلتي مداني اروح احسلي
قمر صار الليل واجني البنات صديقاتنه من زمن الابتدائيه وطبعا وياهن روان لان جانت ويانه
مها شدعوه حتى ماعزمتينه لاانتي ولاايات
قمر حبيبتي الموضوع صار بسرعه صدكي كلشي بااسبوع
نور كلهن الي ينخطبن يكولن صارت بسرعه
روان لا فعلا بسرعه لوتشوفن الزفاف والحفله والتصميم والاغنيه الدخوليه تبين شلون كلشي بسرعه
مها اي وانتي شلون رحتي لحفله زواجهم وهوجان حبيبج وخنتيه ماستحيتي
روان هذا شي ماضي وراح ماله داعي انعيده
البنات ههههه
نور بس الصراحه من سمعت بخبر زواجهم حيل فرحت واذكر من جانت قمر تكره اسمه بس انجيب طاري اسمه تعوفنه وتروح شفتي الدنيا دواره وخلتج اتنامين بحضنه
قمر كلشي بلقسمه 🙂اي بنات شنو اشربن عصير لوقهوه
نور بكيفج يااحلى عروس
بارق كاعد خارج الغرفه بلدوام
محمد ها وين صافن
بارق اتذكر شكد جنه اني وعلي نكعد هنا ونسوالف على احلامنه ونتعارك
محمد اي اذكر واذكر بعد من كالك اذا استشهد كمل زواجك لاتهتم الي لواتزوج زوجتي لان ماامن عليه يم غيرك
بارق اوف اسكت محمد
محمد لا بارق مااسكت لان انته حاليا هم حاسب نفسك مزوج شوف كل الشباب يراسلون بدال الوحده 10 واذا ماكو زوجته بس انته والحقيقه اني لوماصديقي واعرفك واجيت بعرسك اكول هذا يجذب علينه اخذ اجازه بس حتى يخلص من الداوم
بارق المصيبه مو لان اتزوجت وحده مااحبه المصيبه الي صارت قسمتي هي نفسه خطيبه علي
محمد وشصار يعني
بارق الصار القدر عافني هاي السنين كله ماتزوجت ولالكيت البنت الي اكمل حياتي وياها ومن لكيته طلعت خطيبه بارق
محمد تحجي صدك انت الله قاسمه من نصيبك مونصيب علي
بارق محمد😡
محمد بارق فكر بعقل هو مات وانته بعدك مايصير تمووت روحك بلحياه اسمع مني انته وهي تحتاجون شخص يعوضكم عن النقص الي عافه علي بحياتكم ومحد يوضكم غير بعض هي محتاجه علي بحياته كسند وانته محتاج صديق مثل علي
بارق شسوي
محمد طلع جهازك واحجي ويه زوجتك
بارق بس
محمد سوي الي كتلك عليه يلا
بارق فعلا طلعت موبايلي اجيت احجي وياها ماعرفت شكول وشلون ابدي
محمد انطيني اشوي احجي ويه مرت اخوي دزاله مرحبا ممكن اتعرف
قمر كاعده ويه البنات اجتني رساله من بارق شصاير وجاوبته بسرعه كتبت كلام شنو تتعرف تره رقم مسيف يمي ماله داعي هاي الي تسويه بعدين مسحت الرساله وفكرت سنه راح اعيشه لازم اتقلم وياه حتى ماتصير اي شي يخرب علاقتنه
دزيتله مراحب اكيد وياك الدكتوره قمر حرم النقيب بارق وبنت لواء محمدبارق من دزتلي رساله ضحكت وكتله لعد انسحب .
قمر ضحكت واستذنت منه لان بنات يمي نحجي بعدين وره بساعه راحن البنات وراسلته لكيته متصل وضل يسوالف وياي واتفقنه انو انكون اصدقاء افضل بهواي من العداوه وصداقه ماله اي ربط بحياتنه الي انعيشه بلواقع واستمرينه نسوالف لغايه الفجر تقريبا
بارق ضليت احجي وياه ارسله تستلم الرساله وماترد ضل بالي فتحت الموبايل الثاني شفته نايمه اي مثل مافهمتو اني مخلي كامرات بلغرفه تكدرون تكولون شك اوغيره اني بنفسي مااعرف ليش هيج او يمكن الي صار خلاني اخاف
اتاكدت منه نايمه خلصت واجبي وطلعت لبيت فتت لكيته نايمه دزيتله صباح الخير وسبحت ونمت
واستمرت علاقتنه نتراسل ونتواصل بلرغم انو كاعدين سوه
قمر سلام عليكم
الكل وعليكم السلام
الخاله تعالي كعدي يمي
أنت تقرأ
قدسية الحب 🤍
Romanceقصه جميله حب وتضحيه وخذلان فتاه تقع في حب شخص ويترك الحياه في يوم زفافهم لتدور به الحياه بعد سنوات لتزوج من شخص لم يكن في الحسبات وهنا تبدأ الحكاية لاتحكمون على القصه من اول بارتات لان القصه كل ماتقدم اتكون احلى وتجذبكم اكثر...
