You're my solace

Episode 1

Introduction to Maida s World.

Maida!!!!!
Allah Allah is larki ki neend kab poori hogi. Kb se aawazein de rhi hoon mein tmhen uth jao ab.
Kamre ka darwaza kholtay hue unho ne bed pe aundhi leti larki ko kaha.

Hanam yr bs thori der aur. Woh neend mein barbarayi.

Tmhaari thori der ka mjhe ache se pta hai. Kehne ko Tou bari pediatric bani prhti hai magar khud bachon ki tarah soti ho tm.
Ab woh table pe pehhli kitaabien samait rhi thi.

Hanam yr.. bila akhir woh mohtarma uth hi gyi after all Hanam k taanon k Baad Murda qabr se jaag jaye phir yeh kis khet ki mooli thi.

Aapko pta hai naa aaj Meri night duty hai Tou aap mjhe subha subha kyun utha rhi hain. Usne bed pe bethy hue pucha.?

Bhool gyi tm aaj tmhen volunteer krne Jana hai Xyz trust mein. Hanam ne yaad dilaya.

Meri pyaari Hanam. Woh mjhe yaad hai but mjhe wahan lunch k Baad Jana hai abhi nhi. Usne unse lipatt'e hue kaha.

Haan magar mein chahti hoon tm abhi jao aur Shaam se pehle wapis aa jao. Tmhen pta hai naa woh area safe nhi hai. Kal hi meine news mein dekha tha k kch mafia groups wahan pe Kafi active hogye Hain. Unho ne usse khud se alag krty hue bola.

Hanam aap aur aap ka news channel. Koi mafia groups nhi hain. It's 2023. Aap k zamanay mein hoty hongy. Ab Istanbul in Sab kharaafat se pak hai. Usne har dafa ki tarah unhen smjhaya.

Lekin phir bhi agar wahan Jana hai Tou abhi Chali jao aur Shaam se pehle wapis aa Jana wrna mat jao. Do tok Andaz se kaha gya tha.

Aap itni fikr kyun krti hain. Mein ab koi bachi nhi hoon. Apna khayal rkh skti hoon ab. Ab woh dono room mein rkhe couch bethy the aur maida ne Hanam k hath apne hathon mein liye hue the.

Jab Maa banogi tm andaaza Hoga tmhen Maa ki fikr ka. Kese Dil dharakta hai aulaad ki pareshaani pe. Unho ne jazbaati hote hue kaha.

Meri pyaari Hanam I promise mein apna khayal rkhun gi and Shaam ko jldi aa jaongi. Aap pareshaan mat hua kren. Aap ne nashta Kiya ?

Nhi tm tayyar ho k ao phir Sath krengy. Aaj meine apni beti k liye uski anday wali bread banayi hai... Unho ne couch pe se uthte hue kaha.

Maida Jo almaari se kapray Nikalne ja rhi thi murri aur kaha French toast kehty Hain usse. Allah Allah achi khasi dish k Naam Kya rkh dia hai aap ne.

Ek hi baat hai ab mjhe mat sikhao tm acha. Mein ja rhi hoon jldi aana. Unho ne Jese naak se makhi uraayi.

Maida aur Hanam ka apartment boht pyaara tha. Chota magar saleekay se sajaya hua. Ussi building k neechay Wala apartment bhi Hanam ka hi tha jisse unho ne kiraye pe diya hua tha aur aanay Walay rent se apna guzr basr krti thi magar jabse Maida ne housejob start ki thi woh saara kharcha khud uthati thi Ghar ka.