حبايب كلبي لاتنسون متابعه الحساب myamyn_22
لايروحي گولي چذبة
گولي باچر نفتح عيون الحلم ونرد علينا
گولي باچر الله يتراضى ويجينا !
كلشي گولي ولا تگولين انتهينا !
امنيه: الايام تمر اني بقيت اتجنب حوسام ماعليه بيه مرات انتبهله من يشرح حتئ ماطلع معليه قربت الامتحانات الكورس الاول وبلشت اخر يوم هو مراقب علينه اخر امتحانات امتحنت وطلعت مالي خلك لان احسه شخص شايف نفسه مغرور بحياتي ماغيرت نظرتي اتجاه او نعجبت بيه لان نفس طبعه يرزل علئ اقل شي مااعرف شنو شي المميز لي يخلي البنات هيج ميته عليه طلعت الحديقه كعدت جنت تعبانه شويه فززني صوت بحيااتي ماجنت اتوقع اشوفه درت وجهي.. علي
علي: امونه شلونج باعي ...جيت احجي وياج الآخر مره
امنيه: هلا علي شلونك اي تفضل نحجي اكعد اباوعله بعيوني حسيت نفسي ضعفت واختنكت دنكت رأسي..
علي: رفعي راسج مو امنيه الي تدنك راسها اخخخ" امنية عمري" تعرفين جنت احبج من الطفوله طفله وعشكتج تعرفين من جنت مااخليج تروحين وحدج من توكعين اوتلفين من ادنك انكث ملابسج امنيه سوي شي الاحبنه لاضيعنه والله ميت بدونج انطيني كلمه كلمه وحده كلشي اعوف علمودك اجيتج اطلب فرصه منج اعرف تحبيني وانجبرتي علئ شي ماتريدنه بس كولي اريدك امنيه والله مااكدر تعرفين تركت الناصريه ورحت للسماوه ادرس حتئ مااشوفج خطبت حتئ انساج بس اضحك علئ نفسي حبج عايش بكلبي هناا بكلبي لاتبجين ....اشششش...لاتبجين ياروح علي ودنيته بس احجي وكولي امنيه اريدك احبك ولج والله ماراح تخسرين راح اعيشج ملكه اني كل عمري ناذره لج لاتبجين دموعج نار تحركني باوعيلي امنيه حجي كولي شي
امنيه: بقيت ابجي هو لازم ايدي حتئ الطلاب انتبهت انااا ...انااا علي افهم مااكدر والله مااكدر ادمر حياة فاطمه انته اختاريت حياتك مااكدر حسبالك سهله عليه مرتبطه بشخص مااعرف شي عنه الله يخليك لاتخلي علئ الجرح ملح وانساني علي عيش حياتك مااكدر اني مااستاهلك
علي: شلون تريدين انساج اني 17 سنه احبج احجي امنيه من انتي طفله اي اني اناني بحبج ولج محد يحبج بكدي شنسى بسهوله تريدين انساج اني من اشوفج ضحكين ااحس روحي تفرح مثل طفله واجاه العيد ولج انتي امنياتي دعوتي بكل صلاتي وكلشي بحياتي انطيني كلمه لخاطر طفولتنه ليش ماجاي تفهمين انتي تحبيني واني احبج كافي نضحك علئ نفسنه وجهي لاتمشين علئ التعاريف والتقاليد عمرج 12 سنه ماتفهمين لج ااافهمي اني احبج...
امنيه: علي روح الله يخليك مااكدر صعبه عليه كسر بخت بنيه فاطمه تحبك مااكدر اصير انانيه وحقيره افكر بنفسي الله ماكاتبلنه لبعض اني علئ ذمة رجال حرام عليه اروح علي انت الي تسرعت وخطبت لو ماخاطب جان تغير كلشي هسه الله يوفقك روح علي لاتفتح جروح صعبه تشافى
علي: رايح بس راح تندمين علئ حبي الج كلشي راح يصير وياج وذكرين حبي الج والدليل لابسه الكلاده الجبتها الج علي راح يبقئ بكلبج مثل ماانتي بكلبي هسه رايح ياحب طفولتي
امنيه: راح علي اني بقيت ابجي مااعرف نفسي احبه او لا ماافهم شنو شعور الي بداخلي اتجاه علي اخ ياربي اول مره ابجي هيج
أنت تقرأ
بين ثنايا الروح
عاطفيةتدور احداث القصه لفتاة تكون #ضحية _بسبب اختها وتجبر علئ الزواج من شخص لاتعرفهه وتدفع ثمن حب طفولتهاا وتشاء الاقدار لتكون ضحية شخص ظالم كيف ستكون حياتها وهي بين نارين نار الحب ونار جبروت ظالم..... منِ هي؟ بين ألحَبُ وألحَربُ...
