وكأنها الحياة

طلب صعب 12

فى اليوم التالى أخذها وائل للمقابلة وقال: بالتوفيق, هاستناكى فى العربية..

مرت المقابلة على خير وحصلت نيللى على العمل وخرجت وهى سعيدة جدا ورأت وائل واقفا مع أسامة فقالت: خلاص إتوظفت وهاستلم بعد أسبوع من دلوقتى.

مبروك يانيللى :

الله يبارك فيك يا أسامة , عايزة أحتفل بقى.

أسامة : تعالو أعزمكم على حاجة؟

وائل: لأ العزومة دى على .

ذهبو لكافيه فى سيارة وائل وطلبو جاتوه وعصير وقالت نيللى: شرحو لى الشغل على السريع ,بسيط خالص أرد على التليفون وأوصل المكالمات وأحدد المواعيد وقالو لى لو إشتغلت كويس ممكن ينقلونى سكرتارية ..

كويس قوى...

نآخد بقى صورة تبقى ذكرى لليوم ده ..

إلتقطت نيللى صور لها مع وائل وأسامة وقامت بوضعها على صفحتها على الفيس ورن هاتفها فقالت: ياخبر نسيت أتصل بمالك... ألو .. مالك ..أيوه أتوظفت ... لأ لسه بره , معايا وائل وأسامة .. بنحتفل , ماتيجى .. أبعت لك الموقع.... خلاص هاشوفك فى البيت..

وائل: مش هاييجى ليه؟

بيقول مش فاضى وهاييجى لنا البيت الليلة..

أغلق مالك الهاتف وألقاه بقوة على المكتب وقال: بتحتفل مع أسامة برضه ..

إقترب سيد و سأل: مالك بتكلم نفسك؟

لأ يابابا كنت بأكلم نيللى اللى إسمه أسامة ده جاب لها شغل وإتقبلت فيه .

عال عال .. خليها تشتغل وتتسلى ..

آه تتسلى...

أنا أتفقت مع مريم هانسافر بكرة على الساعة 10 مناسب ليك.

أيوه مناسب , هانروح إزاى؟

هم فى عربيتهم وإحنا فى عريبتنا, أنا أتصلت بأم أيمن علشان تنضف البيت, إنت عارف مقفول بقاله سنين..

إنتظرت نيللى حضور مالك ولكنه لم يأتى وسألها وائل: وائل , مش مالك قال لك إنه جاى اليلة؟؟

أيوه بس يمكن إتشغل فى حاجة..

دخلت نيللى حجرتها وأمسكت الهاتف وطلبته: ألو .. إيه يامالك .. مجيتش ليه؟

مش هآجى خلاص إحنا ننام بدرى أحسن ورانا سفر بكرة..

أنا كنت مستنياك..

علشان المسلسل برضه؟

لأ والله كنت عايزة أشوفك قوى ....

تورد وجه نيللى وأكملت: علشان .. علشان أحكى لك عملت إيه فى المقابلة..

إحكى لى بكرة إن شاء الله