«الكرخانة»

مقدمة ، تعريف

- حملت هموم لو صبت على الجلمود يتفطر. .
سواد الليل يلفيني واگولن يگضي ويعدي.

الغريب يعود لاهله
والمسافر هم يعود. .
حتى الطيور التهاجر هم تعود. .
صوت راديو ابوي يردد بهالاغنية وانا
ادندن وياه ..
وببالي تتردد جملة
يمه گعديت من نومي نهيلة ثوب العليَ مابيه اشيله
...
هم عيوني الراحن

"يا علي"
شثگل كلشي على متني

سنابل و هروش خضره انزرعن بروحي
كل واحد منهم يريد يتفرع بأرضه وحضني
وانا حايره بينهم وبيني وبين الدنيا...

- امي انتِ گومي الشعر يرد والعيون موجودة ، بس بزر فوادي اذا راح شيرده؟

- هاي روحي لونها بودها تطلع وتهج ما ركدت مكانها
تذكرت الحجية الي بصغري شافت ايدي وقرتها گالت لامي لو انچ داعية ع بزرتچ بـ ليلة قدر ما اسودت ايامها لهلدرجة

الدنيا تكسرني و ارد انفض همي واگوملها

اباوع
-لاختبار صبري وشوكة فوادي وضيم عمري
انت شوكة نخرت رويحتي يا يمه

- ترد روحي تهدا بطربة كعبها
صباي وشمس ايامي و دفوها كون الحيل يتحول لحولچ ثلثين حيلي وكله

- الله قسم بيها محنة گليبي وشلاع روحي هرش حنة يبس گدامي ، يكونك ترجع تورد !

- اخافچ ، واخاف عليچ من الدنيا
واخاف على الدنيا منچ
تاليها كاسرتچ لو كاسرتها ماتقبل غلط يطرة صبح كل فزة فجر تتجدد

- الحمل لو تجمع يكسر ييمه
هدود عمري وشگه ايامي
يكل بياض شالته دنيتي
يا ضواي الما شاف ضوه....

سما : اغسل جسمي واصب ماي دافي
اريد تعب اليوم يروح
اريد جسمي يفك ولو هو معلم ع التعب وشلاع حيله
راحته الوحيدة هالنص ساعة الي افوتها للحمام والي صارت حسرة بآخر ايامي لمن اجه ابني للدنيا
بالشافعات گعد يوسف وانا اتوسل بي بقي يمك علما اطلع بس
جهزت الچوله حتى من اطلع اتدفى يمها
وملابسي بالحمام
كله بسبيل اخذ وقت اقل
سباقي ميخلص ادري
رح تتعبون من الركض وياي ..

فززني من فكرتي صريخه
ربي دخيلك اريد الف المنشف على جسمي بس حتى اطلع كل ذرة بجسمي ترجف لبست الدشداشة فوگ المنشف وطلعت ركض

انا الي تأخرت هواية لو هم اجو بسرعة ما ادري بس الادري كل الوجوه تلومني كل الاصوات تصيح وينچ وين چنتي
صوت واحد گال
راح الولد مات !

هالصوت بس الي گدر يطلعني من الحالة الي اجتني
اباوع ليوسف شايله بين ايديه واثار النوم واضحه على وجهه
ولك امنت الولد يم ربع ساعة
ربع ساعة ماكملتها

- السنبله الاولى -

"هذا تعريف ، مقدمة ، الي تشوفوه مناسب خلوا اسمة ، بهاليومين ينزل البارت الاول
اغلبكم هنا يعرفني اكيد ويعرف طريقة كتابتي
بس هالمرة راح تكون مختلفة شويتين
بس الاكيد رح تعجبكم فـ دير بالكم تقصرون بدعمكم حتى ما احرمكم 😂🖤