غرام وانتقام

بارت (10) جزء من الحقيقه

من يوم ما بابا وماما ماتو ف حادثه زي ما قالولنا ومحمود
اتغير بقي قاسي بقى عصبي بقي كل اللي يكلمه يزعق فيه
كبر وكبرني معاه أن عمي هوا السبب في كل اللي حصل مكنتش فاهم هوا بيقول كدا لي ولا بيعمل كل دا لي لحد ما ف يوم من عشر سنين كنا طالعين رحله لبيت المزرعه وكان جاي معانا هشام الهواري و ادهم صحاب عمي ونزلنا كلنا رحنا الاسطبل نتفرج علي الاحصنه الا محمود لانه قال أنه تعبان من السفر
ف عمي وقتها قال إنه هيروح يطمن عليه وانا رحت وراه منغير ما اقول لحد لاني كنت عايز اجيب الكاميرا بتاعتي من الاوضه وحضرت اللي حصل
_______________________________

حاتم :مالك ي محمود قالولي انك مردتش تيجي علشان تعبان

محمود :انت مالك

_ انت بتكلمني كدا لي ي ولد متنساش اني عمك

ضحك بسخريه لا تليق بعمره : مش ناسي ، ومش ناسي كمان انك انت اللي قتلت ابويا وامي علشان خاطر الفلوس

صدم حاتم : اي انت بتقول اي

_ بقول الي محدش عارفه وفاكره قدي يومها ابويا جايلك علشان تديله فلوسه من ورث أبوه وانت ضربته وقولتله ملكش حاجه عندي ولما كتر قومت طلعت مسدسك وقتلته ولما هددتك مراته وقالت إنها هتفضحك قتلتها هيا كمان ودبرت ليهم حادثه

صعق حاتم مما يسمعه : انت عرفت كل دا ازاي ، انت كنت نايم انت كنت عيل اصلا

ضحك كثيرا حتي دمعت عيناه : أنا كنت صاحي وقتها ، أنا قعدت احلم عمري كله بكوابيس بسبب اللي حصل

نظر له حاتم : زي ما قتلت امك و ابوك هقتلك ومش هخلي حد يعرف الي حصل

اخرج مسدسه وصوبه علي رأس محمود

_ انت مفكر انك هتخوفني بالمسدس دا

اخرج سكينه صغيره من جيبه وطعن بها حاتم في كتفه ف سقط المسدس وامسكه وصوبه باتجاه عمه

خرج نوح من مخبئه : اوعى تعمل كدا ي محمود متبقاش وحش زيه متبقاش قاتل

_ ملكش دعوه انت ، أنا هنتقم من اللي يتمني أنا لازم اقتله

صوب المسدس لرأس حاتم ويطلق النار

في الاستبطل سمع الجميع صوت طلق ناري

فيروز بخوف : اي صوت ضرب النار دا

هشام : خلكو انتو هنا وانا وادهم هنشوف في

يذهب هشام وادهم

وجدو جثه حاتم ونوح يجلس يبكي أمامها ومحمود يضحك بجنون

هشام بصدمه : اي اللي حصل

محمود بهستريه : قتلته زي ما قتل امي وابويا قتلته قتلته