لقاء واحد يكفي

ال٣١

#لقاء-واحد-يكفي #
البارت ال٣٠
💚 🦋 🦋 ✨ ✨
وحك موسى وشعيب ونوح.... وادم ✨
مو بس ماي دمعي يسيل..... وأدم ✨✨
النوايب علمتني هواي .....وأدم ✨✨✨✨
عرفت الوفي من ذاته رديه....✨✨✨✨✨✨

💚🦋🦋✨✨.💎💎💎💞🦋

سمعت صوت جلال عالي   لبست حجابي وطلعت 

ليش، تحبسنها فهمني انتي ام محمد. شوصيتج اني  مو كايلج متنحبس امي هاي بوجودي هيج بغيابي شيصير

ام كرار مقبلت تطلع  كالت اخذيها فوك  ورجعيلي

اني شلاغي، شحاجي  ولكم   هاي  بالبيت  وامي  تنحبس  من اروح شسوين  تردن ترجعن الصار كبل مو كلتلجن شيلن ايدجن عمي مارايد منكم شي بس عوفوها حالتها تنتكس من تنحبس انتن ليش متفتهمن ام محمد.  بس لامي مالها دخل بكائن  من يكون حتى اني  شغلتها الوحيده امي ياناس ياعالم شسوي بعد وتستوعبونها

ام كرار كلتله.. خفت نلتهي وتطلع

محد كايلج انتبهيلها ام محمد موجوده 

احتاجيتها  عدنه شغل

انعل ابو الشغل  امي  اهم فاهمه   لو تنكلب الدنيا مسؤليتج امي معليج باحد  راح اخذ امه وطلع بالسياره

هي جتني  معليج بالصار  لاتهتمين تعاي نسولف

شوفي اريدج  تصيرين ام بيت  

راتب رجلج كله تاخذي وتضمي، يمي  لان البيت هنا طاب طالع   وشوفي شعنده معنده  تره هو جان يضمهن يمي  حتى فلوس عرسكم  جمعتهن ودينته  فوكهن لان رجلج صراف اكشر ميعرف يلمله فلس  

زين اذا يضمهن يمج  ليش جايه تحاجيني... 

هاا.. مو هو كال  بعد جتي مرتي  كلت خاف انتي، بعدج طفله مراح  تعرفين تتصرفين

ريماس.. خاله تره اني البارحه تزوجت

اي حبيبتي غير اعلمج   امي هم لاتنطيها مجال لاتكولين ماحبها بس، هي مريضه مرضها صعب  ولازم تنحبس متنعاف يعني هو من يداوم حطيها فوك وقفلي عليها تره اذا طلعت وضاعت يسود عيشتج

الله كريم

يله كومي لاتظلين. حابسه نفسج  طلعي يمنه

كمت وياها بالي يم جلال 

وين راح سالت ام محمد

هو دايما ياخذ الحجيه  يطلعها يغيرلها جو من تنحبس  خطيه تتاذه وتبقه تبجي  وتعصب  تاذي نفسها..

شنو تاذي نفسها ليش

متحب تنحبس  تخاف من ينسد الباب عليها وحدها خطيه

وهو ليش، يقبل تنحبس

لا يمه.  مايقبل بس  من يروح   تلفتت  وهمستلي  الحجي، بينه اني اخاف منهن يجن ياخذني انظف بيوتهن