لقاء واحد يكفي

#لقاء-واحد-يكفي#

البارت ال٤٩. والاخير

💚 🦋 🦋 ✨ ✨ ✨ ✨ ✨
ما يمشن عليه مشيتهن مجبور
وأظاهر محب وأذبح ادموعي انذور
ولا عبرن عليه وحالي حال الناس
أعرفهم حمام شلون اكول اصكور
ولو جرحي انفضح ميستره ثوب الحال
ويسألوني وكلت لا على الشمس مشرور
ومرت جثتك جناز بيه الليل
صرت انه السدر والماي والكافور
ولا نفسي دنت حطلي الطمع ماعون
كلي اخذ شتريد وكلت لا مشكور
ما دور بعد محصولي بالبستان
لان شفت الحرامي مصاحب الناطور
المستنقع نشف ظل بي قليل الماي
بعد طكت شمس ويبين المستور
ويبن الفعل والما وكع والطاح
وبين النصب والجار والمجرور
واتلكه الفرح ملكة طفل للعيد
وأفور دلتي كد ما دليلي يفور
💚 🦋 🦋 ✨ ✨ ✨ ✨ ✨

مرام...  بقيت مجاهلته  وهو هم معليه بيه    ماحجي ويا ابد بس كلشي احضرله  لان ادري بايده بعدها مرات يشيل نور  يضل يفرك بيها  انقهر. كلش  عليه اسمعه يحجي بالتلفون هو وعمو  بشغلته  يخابروهم اهل عمار وصلاح والاثنين ذولاك  هو كلي العشائر مالتهم ذابيهم من مشاكلهم   بس اهلهم يتوسلون بي

اني كلبي  يظل  عليه من يطلع لحد ميرجع للبيت اخاف عليه وهو عنودي  عمه تحجي ويا ميقبل خصوصا عمو مسانده  ويركض ويا بشغلته ماتاركه وحده ولايقبل نحجي يكول منسكت بعد يدوسونه

نور نقلت  كاروكه يمي حتى بليل يبقه عندي انقهر على عمه  متنام من ورا وهو هم ميريد الممه  وهي  طول النهار تفكير وتعب وبليل هو عليها

فات بليل شاف نور  لعبه.. وشاله  باوعلي
. اشو. هنا  جايبته..

يمي احسن  ميخلي  بيبيته تنام..

هاا ....
  محجه وياي  عود ملتزم باتفاقنه كلمن بحاله واني مجاهلته كلش

كلب بتلفونه    بعدين ذبه ونام خلصت اغلب ايامنه هيج بالنهار هو وابو يركضون بين العمام وافخاذ العشاير والمراكز
ويجي تعبان يذب نفسه تعبان  لو همه يجون عدنه وجيب العشه ودي الغده مرات  اسمع شيسون من عمه تسالهم لو مرات عمو. يكعد يسولفلنه اله هو
ابد  بس يخزر بيه ..   ومن يشوف نور بايدي   ياخذه ويطب لغرفتنا   مرات يطلعه بره   يكل لعمه خطيه يحتصر بالبيت

. امي دكت عليه كومه مجاوبتها حسيت  البينه انتهى لا اني افهمها ولاهي خلص بعد  بس فطم   احجي وياها  تطمن عليه واسال عليهم محلهن زين ومرتاحين هذا اهم شي عندي

رموسه رجعت وخابرتني  تقره شعر بجلال وتصرفاته. هههه فرحتلها خطيه تعبت

بسام   جم يوم ورجع   يفتر ورايه ويسمعني حجي ومشتكي يم عمه 
. لان ماحاجي ويا ولااعبره  كايليها شوفيها شتريد لشوكت هيج تبقه  تره طكت روحي

بليل مخليه نور  يمي   يلعب واني ارتب   طب اخذه وخلا على الجربايه يمه وتمدد بصفه يضحك عليه من يلعب