لقاء واحد يكفي

#لقاء-واحد-يكفي#

البارت ال٤٠
💚 🦋 🦋 ✨ ✨ ✨ ✨
الدار عكب الاهل توحش مساكنها
ظلمه وعساهه بهجم من راح ساكنها
غابت عليهه عزاز بس البوم ساكنها
وخلت بلب الحشى جمر الغضى غالي
والدمع عند الزلم يا صاحبي غالي
الدار بعذابي سعت ومني خذت غالي
احلف والله ورب العرش بعد مسكنها
💚 🦋 🦋 ✨ ✨ ✨ ✨ ✨

شبي بابا اسم الله

صار فتره ماله خلك صفاحه  هايجه عليه  وخذنا طبيب طلعت كلياته   سواله فحوصات وتحاليل منتظرين اخير فحص ومن خلاله يقرر اذا يحتاج غسل كليه

لهدرجه يوم 

بسرعه بسرعه مالحكنه

جايه اني ماما

هلا بيج

سديته كلبي كام يوجعني ورجفه لزمتني  دموعي تجري خابرت بسام جان ستوه طالع

الو بساام

ها عيني،

تعال للبيت وديني لبابا مريض

سلامته يله جايج يم ايمن اني قريب

طلعت جبتي وحجابي ورحت كلت لعمه كام كتلها انقهرت حيل و تدعيله

طب بسام ها نروح... شكو عليمن البجي سلامات شعرفتي

.. ماما. تكول كلياته موزينه يمكن يحتاج غسل وانت تعرف شنو يعني غسل موت محتم

كولي يالله

يالله

لمن فتنا بابا جان كلش متغير ضعفان واصفر كلش

طمنا بالكلام  وجان موعده باجر يشوف التحاليل بقيت يمهم وبسام راح وكله امر اخذك  اني

بين افكار ودعاء  ونذور حتى ميغسلون كلياته لان الي تنغسل كليته بالعراق  باعتبار مات 

بس، تفاجانه  لازم غسل

من كلي بسام تهسترت متغسلوله بسام يموت

لج بابا  اذا بقه بدون غسل يموت  كلاته مدا تتخلص من السموم الي بجسمه الغسل هو الحل الوحيد

تحددله غسل ٣ مرات بلاسبوع كل جلسه يروح ٤ ساعات   سوده عليه  شصار بحاله
مطول  بلاسبوع الثاني اتصل بسام بعمه     وبلغها  بوفاته مكدر يخابرني ويكلي  من سمعت بي  متحمل   الغسل وتوفه تخبلت 

اصعب شعور  ممكن يمر بي الانسان من يخسر  احد من اهله  الاب او الام.. احساس انت مالك ضهر ممسنود شكد جنت اكول اني مالي اهل  ميسئلون عليه بس وجوده بالحياة جان محسسني بلامان من يجور عليه الزمن ادك عليه اكله الحكلي يابه هسه وين اروح..

بجيت فقدان والدي الي رحل برمشة عين  بسرعه تمرض وبسرعه مات اقل الاسبوعين هيج غمض فتح مافاركته بس من جان يروح للغسل. من يرجع انام جوه رجليه عبالك حسيت راح اخسره   ردت اشبع منه بس مينشبع منه ولامن ريحته اخ يابه كسرتني